Pilipai 3:18 - DAWAN BÎLA AISKA

¹⁸ Naha dukia na man nani ra pat aima manis mai wîri, bara nanara naikra laya saki kli mai wisni: upla ailal bâra sa, witin nani Kraist dusa prihni ba wal ai waihla brih iwisa,

Pilipai 3:18 ပူးပေါင်းရင်းမြစ်များ

Lawana Nani 119:136

Naikra laya ba, tingni laya nani baku plapisa, upla nani man lâmka ban brin daukras bamna.

Aiseya 8:11

Dawan ai karnika ra dutki ai alki bara ai win, naha uplika nani yabalka bâk wapamna apia. Sakuna ai win:

Jirimaya 13:17

Man nani naha walras kama kaka, yukuwan ra ini kamna praut lâka brisma ba tâwan; naikra nani wina laya ba plapi kabia, kan silak ra bri auya sa Dawan sîpka daknika ba.

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Libait Lâka 11:16

daiwan tnawira yahpa tara ba, wauya, krakra, usus sâtka nani sut,

Libait Lâka 13:8

Bara prîs ba kli sikniska ba laki kaikbia, sukwanka ba kau ban taya aiska ra auya kaka, bara witin param aisi wibia witinka ba lipar alkan bara tâski sa.

Luk 19:41

Witin pat Jerusalem lamara balan, bamna tawanka ba kaiki, Jisas baha pura mata ini,

Apastil Nani Sturka 20:19

Piua bani, bawikira man nani tilamra Dawan warkka dauki kapri, naikra laya saki, traika kaikan manis tilara, Ju nani mita sin ai alki ai munaia luki kan ba tilara.

Roman 9:2

piu bani sarka lâka tara kum brisna, kupi ra sin latwan kum ban brisna,

1 Korint 1:18

Kraist dus prihni ra pruan sturka ba lika, tanis tiwi nani ba mapa ra sins âpu tânka baku sa; sakuna yawan swaki sakan lâka mata auya na wan mapa ra lika, bîla na Gâd karnika sa.

1 Korint 6:9

¿Man nani kaikras sma ki, taniskira nani ba, Gâd king aimaki ba lâka ra ai dukia bribia apia? ¡Baku bamna, man nani aimawahkpara! Kan ai maya takras tâski lâka dauki ba, aidul nani ra ai pura suni mayuni banhwi ba, marit lâka sasauhkra nani ba, waitna nani ai tahkia wal tâski lâka dauki nani ba, âimplikra nani ba, gridikira nani ba, bla tatakra nani ba, upla dusa kakuhbra nani ba, upla dukia dadakbra nani ba sut sin, Gâd king aimaki ba lâka ra ai dukia bribia apia.

2 Korint 11:13

Kan baha nani ba apastil kuninkira nani, kunin mamunra nani sa, bara Kraist apastilka nani baku talia takisa.

2 Korint 11:29

Upla kum siknis takisa kaka, baha lika yang pali siknis takisna baku lukisna. Upla kum batakisa kaka, yang uya swiri ai daukisa bara kupi sin sauhkisna.

2 Korint 2:4

Bara baha wauhkataya man nani ra ulbri ba ra, uya kupi ra trabil bri kapri, bara sari ai daukan ban sin ini katna; sakuna sari bri kama wisi lika ulbras katna, kuna kaikma man nani ra latwan mai kaikisna ba lika tara pali sa.

Galesha 1:7

Man nani kasak lukpara, swaki sakan lâka smalkanka wala kum bâra sa. Baha lika, upla tila nani mita trabil mai munisa, bara Kraist swaki wan saki smalkanka ba bahki ra lakaia lukisa.

Galesha 2:14

Bara yang kaikri, baha nani lika swaki sakan lâka wan smalki ba tânka kat apia kan, bamna baha aidrubanka mawan kat Pita ra wîri: “Man lika Ju, kuna Ju apia nani tilara, Ju apia tânka kat iwi katma; ¿bara nahki Ju apia nani ra adar yabisma, Ju nani baku iwaia sa?”

Galesha 2:21

Baha mita, Gâd latwanka ba bahki kulkan ai daukras; kan upla kum lâ bîla wali dauki ba mita Gâd mita kasakkira kulki kan kaka, Kraist dus prihni ra pruan ba lika diara bahki pali kaia kan.

Galesha 5:21

Tuman lâka briaia, bla tatakra nani kaia, bîla maihsira kaia, diara wala bahmuna sâtka nani manis sin daukaia lâka. Piua luan ra mai smalkatna ba baku, kli mai smalkisni, ani uplika naha sât dukia nani dauki ba, Gâd king aimaki tasbaya ai dukia bribia apia.

Galesha 6:12

Baha nani mita mai priski lâka ra Aisa sainka daukaia mai muni ba, witin nani baha daukisa upla nani wal pain kaia dukiara baman, bara Kraist dusa prihni tâwan rausauhkan kabia apia dukiara.

Galesha 6:14

Kuna yang maipara, diara kumi dukiara sin maiyunaia brin ai daukras, Dawan Jisas Kraist dus prihni ra pruan ba baman lika. Bamna Kraist dusa prihni ba mita, yang maipara naha tasba na pat pruan baku sa, bara yang sin tasba mapara pruri sa.

Epesus 4:17

Bamna Dawan nina ra, yang naha na taibi pali mai wisna: man nani kli Dawan ra tawras uplika nani baku raya iwi kapara, kan baha nani lika gâdkas nani ba tânka kat baman taukisa,

Pilipai 1:4

Puri sunisna ba ra sin, piu bani liliakira man nani sut dukiamra makabisna;

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.

2 Tesalonaika 3:11

Yang nani mita naha na mai wisna, kan sturi walri man nani tilam wina upla bâra sa wark takras baman sa, bara diara dauki banhras, upla wala nani bisniska tilara dimaia baman.

2 Pita 2:10

Gâd mita kau pali klala yabia, baha nani ai brinka baman nina bliki bara Dawan karnika sin bahki kulki ba. Witin nani ba kiama karna bara ai bisniska apia ra ban dimisa; ai purara karnika bri nani ba swira paskisa sibrin sin âpu;

Judas 1:13

Kabu ripka prautkira nani baku, ai daukanka saura nani ba wina swira lâka nani ukatka ba sakisa; slilma nani ai yabalka tikan nani sa, pât ban kaia ra lulkan sa, tihmu tara tilara kaia.