Pilipai 3:17 - DAWAN BÎLA AISKA

¹⁷ Muihki nani, man nani sut yang daukisna ba kat dauki bas. Yang nani mita man nani ra nina blikaia lâka kau pain ba maikri sa; baku bamna, baha nina bliki nani ba kat aman kaiks.

Pilipai 3:17 ပူးပေါင်းရင်းမြစ်များ

Lawana Nani 37:37

Upla ai tânka aihwa bara tânka yamni man bri ba, man laki kaiks; baha uplika sika kupia kumi lâka bribia.

Roman 16:17

Bamna muihki nani, aman kaiki bas baha nani aihka dakwi takaia lâka bara mina prukaia lâka buki banhwi ba, kan baha uplika nani ba lika man nani dîa smalkanka lan takram ba mapara sa. Bamna witin nani wina aihka dakwi taks,

1 Korint 10:32

Upla kumi ra sin trabil munpara: Ju nani sapa, Ju apia nani sapa, Gâd sertska uplika nani sapa sin.

1 Korint 11:1

Baku bamna, yang daukisna ba baku dauki bas, yang mita Kraist dîa daukan ba kat daukisna ba baku.

1 Korint 4:16

Baku bamna, man nani ra mamkabisna, yang daukri ba baku dauki kama.

Pilipai 4:9

Diara nani man nani ra mai smalkri ba, maikatna ba, diara nani yang aisari walatma ba bara daukri kaikatma ba sin, baha sut dauki bas; man nani baha dauks, bara kupia kumi Gâdka ba man nani wal kabia.

1 Tesalonaika 1:6

Bamna man nani ba yang nani daukri baku, bara Dawan daukan ba baku sin daukram; bara pât kasak wahwi kapram, ban sakuna sturi yamni ba Spirit Holikira mita lilia maiki kan ba wal bri katma.

2 Tesalonaika 3:14

Ya ya naha wauhkataya ra ulbi wisna na bîla wali daukras kaka, uplika ba aman pali kaiki bas, bara witin wal bisnis âpu bas; baku witin ai swira bri kabia.

2 Tesalonaika 3:7

Kan pain pali kaikisma yang nani daukri ba baku, man nani sin daukaia sip sma. Man nani aikuki kapri ba ra, yang nani na sringwaskira apia katna.

2 Tesalonaika 3:9

Yang nani kasak lâ bri kapri, man nani wina hilp makabaia, sakuna ban wark takri; yang nani baku daukri, man nani sim sât dauki kama dukiara.

1 Timoti 4:12

Wahma sma ba ra wisi, upla nani mita yarka mai kulkras kabiara; sakuna tânkam ba ni lalukra nani ra lâ yabi bas, bîlam aisisma ba wal, taukisma ba wal, latwan lâka, kasak lukan lâka bara sunu lâka ni sin.

Hibru Nani 13:7

Man nani tâm brin uplika nani ba kupiam krauki bas, witinka nani Gâd sturka yamni mai smalkan ba. Witin nani nahki iwi kan bara nahki pruan ba sin man nani luki bas, bara ai kasak lukan lâka natka nani ba kat dauki bas.

1 Pita 5:3

Baha nani mihtam ra mangkan ba purara dawanka baku kaia lika apia, sakuna tânka nani mariki bas daukankam ba ni sin.