Pilipai 3:10 - DAWAN BÎLA AISKA

¹⁰ Yang want sna ba lika Kraist ra kakaira kaia, bara yang wîni ra sin witin pruan wina buan karnika ba bri kaia, ai pâtka wahwan nani ba sin witin wal yang asla wahwaia, bara ban sin witin pruan baku pruaia,

Pilipai 3:10 ပူးပေါင်းရင်းမြစ်များ

Jirimaya 9:23

Dawan aisisa: “Sinskira ba sinskira sa wisi aimayuni kabiara, karnakira ba ai karnika bri ba dukiara sin apia, yuyakira ba sin diara bri ba wisi aimayuni kabiara.

Matiu 20:23

Jisas pana aisin: —Kasak. Man nani kapki wina dima, sakuna aihkiki ra bara smihki ra iwaia ba lika yang mita yabaia sip apia. Baha lika ya ya dukia wisi Aisiki ridi daukan ba, baha nani ra yaban kabia.

Jan 10:18

Upla kumi sin âpu sa rayaki ba yang wina sakaia, yang kupi wilinkira yamna kaka lika. Baha ba yang yaia sna, kli briaia ba dukiara. Naha sika Aisa mita adar aikan ba.”

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Roman 8:17

Bamna yawan na Gâd luhpia nani sa kaka, witin mita wankaia win dukia nani ba yawan bribia. Baha dukia nani ba yawan bribia Kraist wal asla; bamna nanara yawan na Kraist wal asla pât nani wahwisa kaka, witin wal asla sin ai prana ba naika bribia.

Roman 8:29

Patitara piua Gâd mita upla nani paiwan ba, baha uplika nani ba paiwan ai Luhpia baku kaia, baku mika Gâd Luhpia ba ai muihni ailal ba tilara tawahkia kaia.

Roman 8:36

Ulbanka ra naku aisisa: “Man nani tâmwan yu aiska pali prura mihta ra ai mangkan sa; sîp nani ra ikaia watla ra brih auya ba baku.”

2 Korint 1:10

Gâd bui yang nani ra swaki ai sakan bara kau ban sin swaki ai sakisa, prura pâtka tara ba wina. Yang nani kainira lukaia lâka ba witin kat mangki swiri sa, piua bani ban swaki ai saki kabia,

2 Korint 1:5

Kraist pât tara wahwan ba baku yawan sin pât nani wahwisa, bahamna Kraist ba mita sin yawan maisa nihkra tara kum brisa.

2 Korint 13:4

Kasak pali witin ba swapnikira kum baku dus prihni ra saban, sakuna Gâd karnika ba mita ban kaia ra raya sa. Baku bamna yang nani sin witin wal asla swapnikira sna, kuna yang nani witin wal asla kamna kaka, Gâd karnika ra yang nani raya kamna man nani dukiam daukaia dukiara.

Galesha 2:20

Yang lika Kraist wal dus prihni ra pruri; baha mita yang apia sika raya sna ba, sakuna Kraist sika yang ra raya iwisa. Bamna wîni tara mapa ra yang raya sna ba lika, Gâd Luhpia ra kasak lukisna ba mita raya sna, witinka yang ra latwan ai kaiki prura mihta ra ban aimakan ba.

Galesha 6:17

Bara nanara wina brin ai daukras upla trabil ai munaia; mark nani wîni ra brisna ba mita marikisa, yang na Dawan Jisas napakanka sna.

Epesus 4:13

yawan sut kasak lukan lâka ra asla takbia bara Gâd Luhpia tânka ba kaikbia kat. Baku lika yawan aitani pâwan kabia, Kraist pâwanka aiska pali ba kat.

Pilipai 3:8

Baha dukia nani baman apia; dîa dîa yang briaia sip kapri ba, bahki tiwan baku kulkisna, Jisas Kraist yang Dawanki ba, kakaira kaia yang maipara kau pain sa, diara wala nani sut ba wal. Kraist tâwan yang diara sut tikri; bara baha sut dipasta baku kulkisni, Kraist yang duki brimna ba tâwan,

Kolosi 1:24

Bamna nanara lilia sna, man nani tâmwan pât wahwisna ba, kan naha natka bâk, yang wîni tara ra kaikisna Kraist pât wahwanka nani kau âpu ba ai sertska dukiara, witin ai wîna tara ba.

Kolosi 2:13

Piua luan ra, man nani sut lika spiritkam mapa ra pruram nani katma saurkam nani ba tâka mita, bara Aisa sainka briras kapram ba mita sin; sakuna nanara, Gâd mita Kraist ra mai praki raya kaia lâka asla ba maikan, bara saurkam nani sut sin swin tiwan sa.

Kolosi 3:1

Bamna, man nani pat Kraist wal pruan wina mai bukan ba mita, diara nani kasbrika purara ba pliks, kan bahara sika Kraist ba Gâd lama pali kat iwisa.

1 Pita 1:3

Yawan wan Dawan Jisas Kraist Aisika bara Gâd ba sin, witin ra mayunpi. Kan witin umpira kaikan lâka tara bri ba mita, rayaka raya kum wankan sa, Jisas Kraist pruan wina kli buan ba bâk. Naha na wan kanra diara bîla kaikaia lâka rayaka kum wankisa,

2 Pita 1:13

Bamna yang kasak lukisna, kau raya sna piua ra, yang warkki pali kabia naha na kupiam krauki kaia.

1 Jan 2:3

Gâd lâka ba bîla wali daukisa kaka, baha ba lika wan marikan sa yawan bui witin ra kakaira ba tânka.

1 Jan 2:5

Sakuna, ani uplika Dawan dîa wi ba kat dauki ba, baha sika Gâd ra kasak pali latwan kaiki ba; baku lika kaikan sa yawan, witin wal asla sa.

Param Marikanka 1:18

Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna.