Pilipai 3:1 - DAWAN BÎLA AISKA

¹ Bara nanara, muihki nani, Dawan ra liliam banhwi bas. Pât tâura mai ulbri ba, kli mai ulbaia yang wilin pali sna, baha ba man nani mampa ra yamni sa.

Pilipai 3:1 ပူးပေါင်းရင်းမြစ်များ

1 Kronikas 15:28

Baku natka ra Israel luhpia nani sut bui Gâd lâka auhbaia watla ba brih auya kata. Lilia wini, sîp aringka puhbi, trumpit nani bara plit sirpi nani binka kira, bara tramhtram tara, arp binka sut ba wal.

1 Kronikas 16:10

“Ai nina sunu bara pranakira ba dukiara liliam bas. ¡Dawan pliki uplika nani sma ba, kupiam liliam bas!

1 Kronikas 29:22

Bamna baha yua ra di bara pi banhwan Dawan mawanra. Baha ningkara Debit luhpia Salaman ba kli aima wala ra king mangkan, bara Sadoc ba prîs mangkan.

Nihimaya 8:10

Ba purkara Esdras naku win: “Man nani was, plun aihwa pis, wain damni sin dis, bara ani uplika plun ridi daukan âpu sa kaka, man nani plun piaia brisma ba wina yas, kan wan Dawanka ra yaia yua bâk sakan bamna. Man nani sari kapara, liliam bas, Dawan liliaka ba wan karnika bamna.”

Job 22:26

Witin ba man liliakam kabia, bara sip kama kasak luki aman pali kaiki kaia.

Lawana Nani 149:2

Liliam bas, Israel luhpia nani Saion tawanka ba, kan Gâd ba man papaskrikam bara king sa.

Lawana Nani 32:11

Dawan ra liliam bri âmyapah bas, man nani upla yamni, Dawan ra kulki bas; ¡man nani puram wini liliam dauks!

Lawana Nani 33:1

Dawan ra liliam bas, man nani kasakkira nani sma ba; upla wapni nani ba, Dawan ra mayuni ba pranakira sa,

Lawana Nani 37:4

Kupiam swapnikira, Dawan ra latwan kaiks bara mununhtara diara brin mai dauki lukisma ba, witin maikbia.

Lawana Nani 42:4

Baha diara takan tânka nani ba luki kaikuna ba ra, kupi krawisa upla sut kira yang impaki auna kata ba, Gâd tempelka watla ra, lilia tara ailal wal, tingki manis pali sin; ¡kaiki lilia tara pali!

Lawana Nani 5:11

Sakuna baha nani sut, witin kat luki ba ai lilia kabia; man nani aiwani banhs lilia sma ba mita; kan man, witin nani tâwan aimakisma bamna. Baha nani latwan mai kaiki ba, yarka man ra lilia kabia,

Lawana Nani 97:1

¡Tasba aiska ba, liliam bas! ¡Kî dakura nani ailal ba sin lilia bas! ¡Dawan ba king sa!

Aiseya 41:16

Witin nani ba pâsa ra bukma, bara pâsa mita witin nani ba brih wabia, prari mita tanis yakabia. Bara man Dawan ra lilia kama, Israel Gâdka Holikira ba dukiara tara damra wali kama.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 65:14

Witin nani lika lilia mita aiwanan kabia, ai kupia lilika mita, sakuna man nani lika, wini bara ini kama sari bara kupia sarkira ini kama.

Joel 2:23

¡Saion ra iwi uplika nani, man nani sin liliam bas, Dawan Gâdkam ra liliam pali bas! Lî ailal ai piua kat witin mita yaban auhisa, kauhla piua ra bara baku sin lî piua ra yaban auhisa, blasi lî ai piua kat auhi kata ba, nanara sin kli baku yan auhisa.

Sofonías 3:14

¡Saion tawanka tara, aiwans! ¡Israel luhpia nani, bîlam baikra liliakira wini bin dauks! ¡Jerusalem uplika, liliam bas, kupiam aiska ni liliam bas!

Sofonías 3:17

Dawan, man nani Gâdkam, man nani tilamra sa. ¡Witin karnika sut pali brisa, bamna swaki mai sâkbia! Dawan ba man nani dukiamra ai âuyapah kabia. Ai latwanka lâka ni upla raya mai daukbia; bara witin ai liliakira aiwanbia

Sakaraya 10:7

Efraín uplika nani ba suldiar kum baku kabia. Ai kupia lilia kabia, wain din liliaka ba baku, ai luhpia nani sin baha kaiki lilia takbia. ¡Witin nani ai kupia ba lilia man kabia Dawan dukiara!

Matiu 5:12

Liliam pali bas, man nani âmyapah sin bas, kan kasbrika purara mamna tara kum bâra sa bamna, kan baku sin upla saura nani mita prapit nani ra rausauhkan baha nani kainamra bâra kan nani ba ra.

Luk 1:47

yang kupi sin lilia sa Gâdki Sasakra ra.

Roman 5:11

Bara naha baman lika apia, kuna wan Dawan Jisas Kraist ba mita yawan lika Gâd ra lilia pali sa, kan Kraist ba mita yawan na Gâd wal kupia kumi wan daukan sa bamna.

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

Epesus 6:10

Bara nanara, muihki nani, karna bas Dawan asla lâka ra, witinka karnika tara pali bri ba wal.

Kli Smalkanka 12:18

Dawan Gâdkam ani pliska witin aihka saki maikbia ba ra baman daukaia sip kama; bahara, man nani Dawan Gâdkam mawanra bara luhpiam nani wihki albikam nani aikuki asla, bara Libait nani man nani tilamra iwbia ba aikuki, man nani mihtam warkka nani daukisma mâ nani ba wal lilia kama.

Kli Smalkanka 16:11

Bara Dawan Gâdkam mita witin ai nina bâra kaia pliska kum aihka sakan ba ra luhpiam nani, albikam nani, Libait nani, tringsar nani, rau nani bara piarka nani man nani tilamra iwi ba aikuki lilia dauks.

Pilipai 3:3

Kan yawan sika kasak pali Aisa sainka brin, yawan nani Spirit bâk Gâd ra wan pura suni mayuni ba, bara yawan Kraist Jisas ra bamna sika lilia banhwisa. Yawan lika wan wîna tara ra dauki dukia ba ra kasak lukras.

Pilipai 4:4

Man nani piu bani ra, Dawan ra liliam bas. Yang kli wisni: ¡Liliam banhwi bas!

Pilipai 4:8

Bara tnata kat, muihki nani, diara pain bara mayunra briaia aitani ba lukankam ra mangki bris. Diara kasak nani ba, dîa dîa kulki briaia aitani ba, diara wapni nani ba, diara sunu nani ba, dîa dîa upla mita lihki ba bara dîa dîa upla mita pain kulki ba.

1 Tesalonaika 4:1

Nanara, muihki nani, Dawan Jisas nina ra man nani ra mamkabisna bara sin kupiam kraukisna: man nani iwankam natka yamni ra yu bani kau pâwi kama, baha sika yang nani wina lan takram ba Gâd kupia lâka daukaia dukiara, bara pat baku dauki banhwisma ba.

1 Tesalonaika 5:16

Man nani piu sut liliam bas.

Jems 1:2

Muihki nani, man nani traika kaikanka nani wina trabil sât sât brima ba ra, lilia kaia sma.

1 Pita 3:8

Tnata ra, man nani sut kupia kumi lâka ra iwi bas; pana pana walkam ra umpira kaiki bas, bara pana pana sin aikuki muihkam baku latwan kaiki bas. Man nani kupiam swapnikira bara bawikira nani bas.

1 Pita 4:13

Sakuna, Kraist pât wahwanka ba wal asla kumi wahwaia sma ba dukiara liliam banhwi bas, bara baku sin witin balaia prana ba kaikma ba ra, man nani lilia pali kama.

2 Pita 3:1

Muihki laitwankira nani, naha kat pat wauhkataya wâl man nani ra ulbisna. Wauhkataya wâlsut ra yang want kapri smalkanki pain wal man nani ba, maikrika kasak wapni kat iwi kama.

1 Samuil 2:1

Ana naku ai pura sunan: “Dawan, yang kupi ra man ra lilia tara brisni, kan man karniki raya aikisma. Waihli nani mapara aisaia sip sna, kan man tâi baikram bamna. ¡Âu, yang lilia sni!