Pilipai 2:9 - DAWAN BÎLA AISKA

⁹ Baha mita, Gâd mita kau prana tara ba witin ra yan, bara nina sut purkara kau nina tara ba sin yaban,

Pilipai 2:9 ပူးပေါင်းရင်းမြစ်များ

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

Lawana Nani 110:1

Dawan bui yang dawanki ra win: “Man ba yang mihti aihkika ra iws, yang bui man waihlam nani ba man minam nani kahbaika daukamna ba kat.”

Lawana Nani 110:5

Dawan ba man mihtam aihkika ra bâra sa; ai kupia sauhkanka yua ra, king nani ba sauhki tikbia;

Lawana Nani 89:27

Bara yang luhpi almuk raitka ba maikamni, tasba kingka nani sut purara.

Lawana Nani 91:14

“Yang bui swaki sakamna baha nani sut ba mihta wina, kan witin latwan ai kaikisa ai kakaira ba mita.

Aiseya 52:13

Bara kaiks yang warkki dadaukra warkka ba, pain man takbia, purara sin bukan kabia, bara laih purara mangkan kabia.

Aiseya 53:12

Baha mita Gâd bui witin ra pliska kum yabia upla tara nani tilara, karnikira nani ba aikuki tilara pura lubia, kan witin pruaia ai wîna ba yan, watawikira nani tilara kulkan kata, kan kasak pali sika upla manis upla saura ba witin twilkan upla saura nani tâwan ai pura sunan.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Daniel 7:14

Bara witin ra yan karnika, prana ba bara king lâka ba sin, bara upla sâtka bani ba sut, bîla sât sât aisi ba sut ra sin yan dukia dauki kan. Ai karnika ba ban kaia ra sa, ai kingka lâka ba sauhki tikan kabia apia.

Matiu 11:27

“Yang Aisiki mita diara nani sut mihti ra mangkan sa. Upla kumi sin Luhpia ba pain pali kaikras, Aisa ba baman; bara Aisa ra upla kumi sin pain pali kaikras, Luhpia baman, bara ya ya Luhpia mita marikaia luki nani ba sin.

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Luk 10:22

“Diara nani sut na Aisiki mita yang ra atia aikan sa. Upla kumi sin Luhpia ba kaikras, Aisiki yakan mika; bara upla kumi sin Aisa ba kaikras, Luhpia baman bara baha nani Luhpia mita yarka kakaira takaia want ba baman.”

Jan 17:11

“Yang lika kau naha tasba ra takaskamna apia; sakuna witin nani lika tasba ra kabia, kan yang lika auna man wal kaia. Aisa Holikira, ninam karnika ba ni baha nani ra main kaiki bri bas, baha ninam yang ra aikram ba, bara baku mika witin nani sut asla kabia, sim man ba yang wal asla ba baku.

Jan 17:12

Yang naha tasba ra witin nani wal katna ba ra, man aikram ba sut main kaiki, kan kahbi bri kapri. Bamna witin nani wina kumi sin tiwras, sakuna witinka pat tiwan kata ba lika, Ulbanka dîa aisi ba aimakaia dukiara.

Jan 17:5

Bamna Aisa, nanara aik baha mayunra kau tasba na âpu kan wina man wal kan ba.

Apastil Nani Sturka 5:31

Gâd mita witin ba purara buki ai mihta aihkika tani ra yan iwan. Witin ba sin Wihta Tara bara Sasakra sin mangkan, Israel nisanka ra piua yaia, ai kupia lakaia bara ai saurka nani ban swin tikan lâka briaia ba dukiara.

Epesus 1:10

Gâd diara daukaia lukan ba lika, diara bani ba piua kat sut pali tnata alkan kabia, bara yaka paskanka aiska ba asla takbia ba ra, Kraist lika baha sut lal kabia, diara nani kasbrika purara ba bara tasba ra ba sut sin.

Kolosi 1:18

Baha sut purkara, Kraist ba wîna tara ba lal sa, baha sika serts ba. Witin sika naha wîna tara ra raya kaia lâka yabi ba; witin ba tâ pali wina ban bâra ba, Kraist ba pas pruan nani wina buan ba, baha mita diara nani sut tâura witin sa.

2 Tesalonaika 1:12

Bara naku mika, wan Dawan Jisas Kraist nina ba man nani mita prana daukbia, bara witin mita sin prana maikbia, wan Gâdka bara Dawan Jisas Kraist yamnika ba mita.

Hibru Nani 1:4

Gâd Luhpia ba lika, insal nani purkara kau tara pali takan sa, kan Gâd mita ai nina yaban ba lika insal nani nina sut purkara sa.

Hibru Nani 1:9

Man ba kasakka lâka ba latwan kaikram, bara saura lâka ba misbara kaikram; ba mita sika, Gâd, man Gâdkam ba mita bâk mai saki, uplika wala nani wal, man ra kau lilia tara maikan.”

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.

Hibru Nani 2:9

Sakuna yawan Jisas ba kaikisa, witinka Gâd mita piu wiria insal nani wina kau mâyara mangkan kan ba. Gâd ai latwanka mita want kan, Jisas ba upla sut dukiara prubia; bara nanara witin prura pâtka wahwan ba mita, prana kraunka ba bara pain kulkan lâka kraunka ba sin witin ra yaban sa.

1 Pita 3:22

Bara witinka sika kasbrika purara uli Gâd lama pali ra iwi ba, bara insal nani, kasbrika purara karnika bri nani ba, bara karnika wala bri nani ba sut purara sin, witin wihta aimakisa.

2 Pita 1:17

Yang nani kaikri, Gâd Aisa mita pain kulkan lâka bara prana sin yan ba, bara Gâd bîla baikra baha pranakira ra aisan ba naku natka ra sa: “Naha sika yang luhpi laitwankira, witin ra bâk sakri ba.”

3 Jan 1:7

Kan witin nani, Jisas Kraist warkka dukia daukaia wisi mahka impakisa, bara upla dukia wina hilpka kumi sin briras sa.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 19:16

Ai kwalka ra bara ai kuhma purara naha nina ulban kan: “King nani Kingka bara dawan nani Dawanka.”

Param Marikanka 3:21

Ya ya sip muni pura lubia ba, yang king iwaiki ra plis kum yabamna, yang wal iwaia, sim yang mita pura lui Aisiki wal ai king iwaika ra iwisna ba baku.

Param Marikanka 5:12

bara ai bîla baikra karna ni aisin: “¡Sakripais daukan Sîp Luhpia ba aitani sip sa pura aimakan karnika nani sut ba briaia, sins lâka ba, baha kukan ba, pain kulkan lâka ba, prana ba bara mayunra ba sin!”