Pilipai 2:30 - DAWAN BÎLA AISKA

³⁰ kan witin ba Kraist warkka tâwan pat pruaia man kan. Ai rayaka trabil ra mangkan, man nani bui hilp aikaia sip apia kapram ba, witin mita aikaia dukiara baku daukan.

Pilipai 2:30 ပူးပေါင်းရင်းမြစ်များ

Apastil Nani Sturka 20:24

Sakuna naha diara nani na mita lika kupi ra trabil ai munras. Yang pali rayaki sin bahki kulkisni, sakuna naha baman aitani lukamna: plapaia yabalka ba tnata kat liliakira plapamna kaka, bara baha warkka Dawan Jisas mita mihti ra mangkan ba tnata kat daukamna kaka, Gâd latwanka lâka sturka painkira upla nani ra witnis aisaia ba sin.

Roman 16:4

Kan witin nani lika yang swaki ai sakaia tâwan ai rayaka ba pât mihta ra mangkan; yang baman witin nani ra tingki wiras, sakuna Ju apia uplika nani Kraist daknika nani ba sut sin tingki wisa.

1 Korint 15:53

Kan yawan ra prui dukia ba, ban kaia pruras dukia ba ni ai kwalka baku dimaia sa; bara wan wîna tara prui na ban kaia ra pruras dukia ba ni ai kwalka baku dimaia sa.

1 Korint 16:10

Timoti balbia kaka, man nani trai kaiki witin ba tilamra aikuki liliam bris, kan witin ba Dawan warkka daukisa, yang wal baku.

1 Korint 16:17

Estéfanas, Fortunato bara Acaico sin yang ra balan ba mita, lilia sni; man nani âpu kapram ba mita, witin nani wamtlika ra aimakan.

2 Korint 12:15

Bamna yang maipa ra wilin pali tikamna dîa brisna ba man nani sulkam dukiara, bara yang pali wîni tara na sin ban tikamna; kaiks, man nani ra kau latwan mai kaikisna ba ra, man nani ba lika kau latwan ai kaikras taki banhwisma.

2 Korint 4:12

Baku bamna, prura ba yang nani ra ai warkka daukisa, sakuna rayaka ba lika man nani ra ai warkka daukisa.

Pilipai 2:17

Man nani kasakkam lâka mita Gâd ra prisant yabisma ba tnata alkaia dukiara, rayaki pali na sin sakripais dauki yabia kaka, yang lilia sni bara baha liliaka ba man nani sut aikuki brisni.

Pilipai 2:27

Kasak witin siknis kan, pruaia baila kata; sakuna Gâd mita umpira kaikan, bara witin ra baman apia, yang ra sin, sari nani brisna ba purkara kau sari brimna apia dukiara.

Pilipai 4:10

Dawan ra yang uya lilia takisna man nani bui yang ra kli lukram bamna. Yang ra âmya tiwan kan lika mai wiras, kan man nani hilp ai munaia piua âpu kapram.

Pilipai 4:18

Bamna yang lika pat diara nani sut briri, bara pura lui pali. Epafrodito wal prisant nani ai blikram ba ni, dîa dîa luha sna ba sut brisna. Man nani mita ai blikram ba lika dus nani mâka kîa yamni prisantka kum baku kan, sakripais kum Gâd mita pain kaiki bri ba baku.

Pilimon 1:13

Brin ai dauki kan, witin na yang wal nahara takaskbia man wamtlika ra duki daukaia, sturi yamni tâwan silak ra ai bri na piua ra.

Param Marikanka 12:11

Wan muihni nani witin pura luan sa Sîp Luhpia ba ai tâlia laikan ba mita, diara kasak kat witniska aisi ba mita sin; kan witin nani ai rayaka ba tikaia sibrin âpu, sakuna pruaia lika wilin nani kan.