Pilipai 2:25 - DAWAN BÎLA AISKA

²⁵ Sakuna aitani lukisna, wan muihni Epafrodito ba mai blikamna, witinka yang tnaiya ra wark karna pali takan ba, bara man nani mita blikram ba hilp ai munaia dukiara.

Pilipai 2:25 ပူးပေါင်းရင်းမြစ်များ

Sins Lâka 25:13

Insla dâkaia piua lapta bara kauhla iwi ba baku sa, blikan uplika kasakkira ba witin ai dawanka ba mapara; ai dawanka kupia raki bukisa.

Jan 13:16

Kasak pali yang mai wisni, alba kumi sin kau tara apia sa ai dawanka ba wal, bara blikan uplika kumi sin kau tara apia sa witinka bui blikan ba wal.

Jan 17:18

Naha tasbaya uplika nani ra ai blikram ba baku sin, yang mita naha nani yang mita tasba ra blikisni.

Roman 16:3

Laikula wis Priscila ra bara Áquila ra, baha uplika nani yang wal asla luki Kraist Jisas warkka dauki kan ba.

Roman 16:9

Laikula wis Urbano ra, Kraist Jisas wal asla lâka ra, yang nani aikuki wark tatakra ba, bara upliki laitwankira Estaquis ra sin.

1 Korint 3:9

Yang nani lika wark uplika Gâd warkka ra asla pâna nani baku wark dauki banhwisna, bara man nani ba Gâd warkka dauki ba tasbaya baku banhwisma. Man nani ba sin, Gâd watla tara kum mâki ba baku banhwisma.

2 Korint 2:13

Kuna kupi sip lilia apia kapri, wan muihni Taitus wal prawras kapri bamna. Baha mita, uplika nani ba ra lakula baman wih, mahka taki Macedonia tasbaya ra wari.

Pilipai 2:26

Witin ba man nani sut mai kaikan daukisa, bara uya lukisa witin ba siknis sa sturka wali banhram ba dukiara.

Pilipai 4:18

Bamna yang lika pat diara nani sut briri, bara pura lui pali. Epafrodito wal prisant nani ai blikram ba ni, dîa dîa luha sna ba sut brisna. Man nani mita ai blikram ba lika dus nani mâka kîa yamni prisantka kum baku kan, sakripais kum Gâd mita pain kaiki bri ba baku.

Pilipai 4:3

Bara man sin, wark daukaia mapa ra pâinika kasak sma ba, mamkabisna naha mairka nani ra hilp munma, witin nani ba yang wal swaki sakan sturka yamni ba smalki karna wark taki bamna, Clemente bara wala nani yang wal wark takan ba aikuki. Witin nani nina ba raya kaia wauhkataya ra ulban sa.

Kolosi 1:7

Naha na wan latwankira Epafras mai smalkan, witinka ba yang nani aikuki wark takan, bara man nani sin witin ba Kraist dukia dadaukra painkira kulki banhwisma.

Kolosi 4:11

Jisas, witinka nina Justo wi ba sin man nani ra ai lakula blikisa. Ju takan nani tila wina naha nani baman, yang wal Gâd King aimaki ba lâka dukiara wark takan, bara baha ba yang maipa ra maisa nihkra tara kum sa.

1 Tesalonaika 3:2

bara wan muihni Timoti ba man nani mai kaikaia blikri, kan witinka ba lika Gâd warkka dadaukra kum sa, bara yang nani aikuki Kraist sturka yamni ba aisi smalkaia warkka daukan. Witin ba bliki banhwisna wih mai kaikaia, man nani ba kau karna mai daukaia bara kasak lukankam lâka ba tâ baikaia sin,

Pilimon 1:24

bara Mk, Aristarco, Dimas, bara Luk sin; naha nani sika wark daukaia hilp ai muni nani ba.

Hibru Nani 3:1

Baku bamna, muihki kristian nani sma ba, man nani sin Gâd mita ai luhpia nani kaia wisi mai paiwan ba, Kraist Jisas ra kaiki bas, witinka Gâd mita blikan ba, yawan wan kasak lukan lâka warkka dauki ba Prîska Tara kaia dukiara.