Pilipai 2:19 - DAWAN BÎLA AISKA

¹⁹ Dawan Jisas hilpka ra, lukisni Timoti ba aihni ridi dauki man nani ra mai kaikaia blikamna, bara baku sturkam wali, yang lilia kamni.

Pilipai 2:19 ပူးပေါင်းရင်းမြစ်များ

Jirimaya 17:5

Dawan naku aisisa: “Saura pali kabia baha uplika ra ai kupia wina tnaya ai laki ba, ai lukanka ba upla nani ra kasak luki ba, witin nani wina hilp briaia pliki ba.

Matiu 12:21

Bara nisan nani sut ai bîla kaikanka ba witin ra bri kabia.”

Apastil Nani Sturka 16:1

Pal bara Silas wal impaki witin nani Derbe ra wan, baha wina Listra ra balan. Bahara sika lalukra kum wal prawan nina ba sika Timoti; witin ba Ju lalukra mairin kum luhpia, ai aisika lika Grik kata.

Roman 15:12

Prapit Aiseya sin ulban: “Jesé kiamka wina urhwi bal takbia, nisan nani pura wihtka aimakaia bal takbia, baha nani sin witin ra bîla kaiki kabia.”

Roman 16:21

Pâinika Timoti yang wal wark dauki ba mita ai lakula blikisa, bara Lucio, Jasón bara Sosípatro sin, witinka nani kuntriki wina ba.

1 Korint 4:17

Naha dukiara, Timoti ba man nani ra blikuna. Witin sika Dawan ra luhpi laitwankira bara kasak pali ba. Witin ba yang na Kraist ra lalukra baku nahki iwisna tânka ba man nani kupiam kraukbia, plis sut ra serts bani ra smalkisna ba baku.

Epesus 1:13

Bara man nani sin, diara kasak sturka ba walram, bara swaki mai sakan lâka smalkanka ba, bara Kraist ra kasak lukram ba ra sin, witinka ra asla mai prakan bara sîl sin mai mangkan Gâd dukia nani kaia ba mata, witin pramis aisin Spiritka Holikira ba mita.

Pilipai 1:1

Yang nani, Pal bara Timoti wal, Jisas Kraist napakanka nani sna ba, muihni nani sut Pilipai tawanka ra iwi nani ba ra naha wauhkataya ulbisna, pura kakaira nani ra bara hilpa nani ra sin. Witin nani ba Gâd uplika, bara Jisas Kraist wal asla mai prakan banhwisma.

Pilipai 2:18

Man nani sin liliam bas, bara yang liliaki na sin aikuki brip.

Pilipai 2:28

Baha mita, kau witin ba blikan pali ai daukisa, man nani mita kli kaiki liliam takma dukiara, bara yang sin uya sari pali kamna apia.

1 Tesalonaika 3:2

bara wan muihni Timoti ba man nani mai kaikaia blikri, kan witinka ba lika Gâd warkka dadaukra kum sa, bara yang nani aikuki Kraist sturka yamni ba aisi smalkaia warkka daukan. Witin ba bliki banhwisna wih mai kaikaia, man nani ba kau karna mai daukaia bara kasak lukankam lâka ba tâ baikaia sin,

1 Tesalonaika 3:5

Baha mita sika, yang mita Timoti ba blikri balan. Yang kau baha trabilka wahwaia sip apia katna, baha mita yang bui witin ba blikri man nani kasak lukankam lâka tânka ba mamkabi walaia wisi. Kan yang sibri kapri dibil man nani ba saura lâka ra pat mai batakan sa wisi, baku sa kaka, wark dauki banhri ba sut bahki baman kaia kan bamna.

2 Tesalonaika 1:3

Muihni nani, piu bani man nani sut dukiamra yang nani mita Gâd ra tingki wiaia sna; aitani sa baku dauki banhwi kamna, kan man nani kasak lukankam lâka ba tara pâwisa, bara pana pana walkam ra latwan lâka brisma ba sin piua bani kau tara takisa.

2 Timoti 1:12

Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.

Jems 4:15

Man nani naku ni aisaia sma: “Dawan baku want sa kaka, yawan raya kabia, bara dîa dîa daukan wan daukbia ba yawan daukbia.”

1 Pita 1:21

Kraist bâk Gâd ra kasak lukisma man nani, bara witinka sika pruan nani tila wina kli bukan bara prana sin yan; baku bamna, man nani kasak lukisma lâka ba kainamra diara bîla kaikisma ba sin Gâd ra kasak brisma.