Pilipai 2:14 - DAWAN BÎLA AISKA

¹⁴ Diara nani sut brukras bara blahwan sin âpu dauki bas,

Pilipai 2:14 ပူးပေါင်းရင်းမြစ်များ

Lawana Nani 106:25

ai tintka watla nani bilara, Dawan ra rangbi aisi kan, Dawan bîla adarka nani sin wali daukras kan.

Sins Lâka 13:10

Praut lâka bri ba wina lika unsaban baman sâkbia, kuna sins lâka ba lika, bawan lâka bri uplika nani ba wal sa.

Kulki Kaikanka 14:27

—¿Ahkia kat yang naha Israel uplika watawikira nani maipara brukwi aisi ba mapara, kupi alki takaski wali kamna ki? Witin nani maipara saura aisi ba aitani pat walri sa.

Matiu 20:11

Witin nani baha brin ba ra, dawanka ba mapara mahka brukwan,

Mark 14:5

Sip kan lalah mâ 300 pura mana atki, baha ni umpira nani ra hilp munaia. Bara mairka ba mapara ai kupia baiki banhwan.

Mark 9:14

Baha wina disaipil nani ra balan, bara kaikan upla ailal kutbi bri kan. Tilara Lâ Smasmalkra nani sin bâra kan, witin nani disaipil nani wal blahwi kan.

Luk 5:30

Sakuna parisi nani, Lâ Smasmalkra nani ai lukanka kumi bri ba aikuki, Jisas disaipilka nani mapara aisi, naku win: —¿Dîa kan pisma bara disma man nani Rom ra lal mana saki bliki uplika nani aikuki, bara saura dadaukra nani sin?

Apastil Nani Sturka 15:2

Naha diara na dukiara, Pal Bernabé wal baha uplika nani aikuki kasak blahwan. Ningkara, Pal bara Bernabé, bara upla tila nani sin sakan Jerusalem ra waia, apastil nani bara serts tâ uplika nani aikuki, naha tânka na dukiara aisi kaikaia.

Apastil Nani Sturka 15:39

Baha dukiara witin nani uya blahwan, ningkara wal dakwi takan; bara Bernabé mita Jan bara Mark ba brih duri tara ra aimakan, Chipre ra waia.

Apastil Nani Sturka 15:7

Pana pana kasak aisi blahwan ningkara, Pita buan, bara naku aisin: —Muihni nani, man nani pain kaikisma, nahki Gâd mita man nani tilam wina bâk ai saki ai brin, Ju apia nani ra sin swaki sakan lâka sturka ba smalkaia, baha nani sin kasak lukbia dukiara.

Apastil Nani Sturka 6:1

Baha yua nani ra, kristian nani ba kau ailal taki kan, bara Grik bîla aisi uplika nani mita Hibru bîla aisi uplika nani mapara brukwi aisi kan. Witin nani aisin, yu bani plun yui ba ra, ai piarkika nani ra aitani main kaikras.

Roman 12:18

Man nani sin trai kaiks, sip sma ba kat, upla sut wal kupia kumi lâka ra iwi kaia.

Roman 14:1

Bamna upla kumi kasak lukan lâka ra swapni sa kaka, ban tilamra bri bas, sakuna dîa ai tânka ba dukiara lika wal aisi blauhpara.

Roman 16:17

Bamna muihki nani, aman kaiki bas baha nani aihka dakwi takaia lâka bara mina prukaia lâka buki banhwi ba, kan baha uplika nani ba lika man nani dîa smalkanka lan takram ba mapara sa. Bamna witin nani wina aihka dakwi taks,

1 Korint 10:10

Gâd mapara sin brukpara, wan damika tila nani brukwan ba baku, bara Prura Insalka ba mita baha nani iki tikan ba.

2 Korint 12:20

Bamna si brisna man nani mai kaikaia wamna ba ra, yang brin ai dauki ba baku ban kra mai kaikamna apia, bara man nani ai kaikaia brin mai dauki ba baku kra ai kaikma apia. Si brisna ban kra man nani tilamra aiklaban nani, tuman lâka nani, kupia baikan lâka nani, wînam kat man lukan lâka nani, tatuskaia lâka nani, nina aisanka nani, praut lâka nani bara inipis lâka nani sut sin bâra kabia.

Galesha 5:15

Sakuna man nani pana walkam ra sami dakbi pisma kaka, aman kaiks, man nani klauna pih âpu taki banhma.

Galesha 5:26

Bamna yawan prautkira kabiara, upla kupia tatuskra kabiara, tuman lâka sin aikuki wan tilara bribiara.

Pilipai 2:3

Yakan dukiamra bara waihla lâka mita ban sin diara kumi daukpara; sakuna bawikira nani bas, bara kumi bani ai walka nani ba witin purkara kau pain sa kulkbia.

1 Tesalonaika 5:13

Witin nani ra kasak kulki bas, bara kasak sin latwan kaiks, witin nani wark dauki nani ba dukiara. Pana pana walkam nani aikuki kupiam kumi lâka ba brih iwi bas.

1 Tesalonaika 5:15

Aman kaiks, upla kum mita wala ra saura munbia kaka, pana saura munbiara. Sakuna, man nani piua sut pana pana walkam wal diara yamni ba daukaia trai muni bas, bara upla sut wal aikuki sin.

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.

Jems 1:20

Kan upla ai kupia baiki ba, Gâd kupia lâka ba kat sip daukras.

Jems 3:14

Sakuna man nani kupiam ra tuman lâka tahpla pali brisma ba ra, wînam dukiara sin diara nani daukisma kaka, sinskam ba dukiara wînam ra tara lukpara, kan baha ba kasak lâka mapara kunin aisisma, apia sin wisma.

Jems 5:9

Muihki nani, pana pana brukwanka bripara, baku lâmka daukbia apia; kan Gâd, witinka Wihta aimaki ba, dur lama kat buisa.

1 Pita 3:11

Saurka ba wina tnaya ra taki diara yamni daukaia sa; witin kupia kumi lâka pliki, baha nina kat waia sa.

1 Pita 4:9

Pana pana walkam nani ba wamtla ra dingki bris, brukwan âpu.

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.