Pilipai 2:10 - DAWAN BÎLA AISKA

¹⁰ bamna baku Jisas nina wali banhbia ba ra, kasbrika purara banhwi ba sut, tasba ra bara tasba mununhtara nani ba sut sin, ai lula kriki banhbia.

Pilipai 2:10 ပူးပေါင်းရင်းမြစ်များ

Blasi Sturka 41:43

Baha sut daukan ba ningkara, king ulaika wagin wala kum bâra kan ba win baha saki bri balan, bara baha purara Josep yaban iwan bara king bila win, upla nani ai tâura wapi ai pura wini aisabia: “¡Man nani yabal ba param dauks!” Baku dauki Josep ba Idsip tasbaya aiska mawanra wihta tara mangkan.

Lawana Nani 95:6

Man nani bal, wan lula ra bawi witin ra mayunpi; Dawan mawanra wan lula krikpi, kan witin wan paskan bamna.

Matiu 12:40

Inska tara biara ra Jona yu yumhpa bara tihmia yumhpa kan ba baku, Upla Luhpia Waitna ba sin yu yumhpa bara tihmia yumhpa tasba biara ra kabia.

Matiu 27:29

bara kiaya kraunka kum pitbi ai lal ra mangkan, ai mihta aihkika ra sin yauhrus dusa kum. Bara ai mawanra ai lula krikan, ai lawaska kiki, witin ra wi kan: —¡Raya kabia Ju nani Kingka ba!

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Roman 11:4

Kuna Gâd pana wisata: “Yang upliki nani 7,000 aihka sakri sa, witin nani gâd Baal ra kau ai lula krikras sa.”

Epesus 1:10

Gâd diara daukaia lukan ba lika, diara bani ba piua kat sut pali tnata alkan kabia, bara yaka paskanka aiska ba asla takbia ba ra, Kraist lika baha sut lal kabia, diara nani kasbrika purara ba bara tasba ra ba sut sin.

Epesus 3:14

Baha tâwan Aisa mawanra luli krikisna,

Epesus 4:9

¿Bamna, “purara uli wan ba”, dîa tânka sa ki? Baha tânka sika, witin pas tâura tasba kau mâyara pali iwi wan.

Hibru Nani 1:6

Sakuna Gâd mita ai Luhpia kumi baman ba naha tasba ra mahka blikuya kan ba ra, witin naku aisan: “Gâd insalka nani sut ba, witin ai pura suni mayuni banhwaia sa.”

Param Marikanka 20:13

Kabu ba mita ai pruanka nani yan. Prura ba mita bara pruan nani pliska ba sin pruan nani bahara nani kan ba yaban; bara sut lâka daukan kan, kumi bani dîa daukan kan ba kat.

Param Marikanka 4:10

almuk 24 ba witin mawanra ai lula krikuya, bara ban kaia ra raya iwi ba ra ai pura suni mayunisa, bara king iwaika mawanra ai kraunka nani ba mangki, wisa:

Param Marikanka 5:3

Sakuna kasbrika purara, tasba ra, bara tasba mununhtara sin kumi âpu kan baha wauhkataya kwâki, bahara kaikaia sip kaia.