Pilipai 1:30 - DAWAN BÎLA AISKA

³⁰ Man nani ba, yang wal baku sim aiklabanka ra banhwisma. Man nani pat kaikram nahki aiklabatna ba, bara nanara kau nahki aiklabisna sturka ba walisma.

Pilipai 1:30 ပူးပေါင်းရင်းမြစ်များ

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Pilipai 1:13

Bamna wihta tara suldiarka nani bara wala nani ba sin kaikisa Kraist tâwan silak watla ra sna ba.

Kolosi 1:29

Naha dukiara yang wark takisna, bara Kraist mita karnika aikan ba ni, aiska pali karna trai kaikisni.

Kolosi 2:1

Bamna brinki sa, aiklabanka tara brisna ba tânka brima, kan baha ba man nani dukiamra bara Leodisia ra iwi nani ba sin, bara yang wîni tara latan kaikras nani ba sut dukiara sin.

1 Tesalonaika 2:2

Man nani pain kaikisma, yang nani na pat kanra Pilipai tawanka ra nahki saura ai wisata bara nahki sin rau ai sauhkata ba, Tesalonaika ra balras katna ba ra. Baku ai muni banhwan, ban sakuna, Gâd mita yang nani ra hilp ai munan ai sturka yamni ba sibrin âpu mai smalki banhwamna dukiara, aiklabanka karna tilara.

1 Timoti 6:12

Kasak lukan lâka aiklabanka yamni ba aiklabi bas, bara raya ban kaia lâka ba man dukiam brima; kan baha dukiara sika Gâd mai paiwan ba, man ba kasak lukan lâka tânka yamni ba witnis ailal mawanra latan aisaram.

2 Timoti 4:7

Aiklabanka pain ba yang aiklabri, yabal ba aiska tnata kat plapri, kasak lukan lâka ba ban alki bri kapri.

Hibru Nani 12:1

Baha mita, yawan lika witnis ailal kutbi kir wan brisa. Baku bamna, dîa dîa yawan mapara wirha wan muni ba bara saurka mita wan blaki ba sin tnaya ra laki swip, bara wan kainara plapaia yabalka bri ba ban bapi buaia lâka ni plapi kap.

Hibru Nani 12:4

Kan man nani lika saurka mapara aiklabisma ba ra, kau pruras sma.

Param Marikanka 12:11

Wan muihni nani witin pura luan sa Sîp Luhpia ba ai tâlia laikan ba mita, diara kasak kat witniska aisi ba mita sin; kan witin nani ai rayaka ba tikaia sibrin âpu, sakuna pruaia lika wilin nani kan.