Pilipai 1:21 - DAWAN BÎLA AISKA

²¹ Kan yang maipa ra, raya kaia ba lika Kraist, bara pruaia ba lika diara kau pura praki briaia.

Pilipai 1:21 ပူးပေါင်းရင်းမြစ်များ

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

1 Korint 3:22

Pal ba, Apolos ba, Pita ba, naha tasba na, raya kaia ba, prura ba, nanara piua na, naika piua ba sin; sut na man nani dukiam atia sa,

2 Korint 5:1

Bamna yawan kaikisa, wan wîna tara na utla kum baku sip ban apia ba mita, sauhki tikan kabia; kuna Gâd mita wan watla ban kaia kasbrika purara ridi daukan sa, bara baha lika upla mita ai mihta ni daukras sa.

2 Korint 5:6

Bahamna, piua bani ban baha kat, yang nani kupi mangki lukisna. Yawan kaikisa, wan wîna tara ra kau raya iwi ba piua ra, utla ba wina laihura banhwisa, wiaia kaka, yawan ba Dawan wal sin asla apia sa;

2 Korint 5:8

Wan kupia ra aitani kat mangki luki banhwisa, bara kau ni brin wan daukisa, naha wîna tara lâka ra iwisna na mahka swi si, Dawan lamara wih iwaia.

Galesha 2:20

Yang lika Kraist wal dus prihni ra pruri; baha mita yang apia sika raya sna ba, sakuna Kraist sika yang ra raya iwisa. Bamna wîni tara mapa ra yang raya sna ba lika, Gâd Luhpia ra kasak lukisna ba mita raya sna, witinka yang ra latwan ai kaiki prura mihta ra ban aimakan ba.

Galesha 6:14

Kuna yang maipara, diara kumi dukiara sin maiyunaia brin ai daukras, Dawan Jisas Kraist dus prihni ra pruan ba baman lika. Bamna Kraist dusa prihni ba mita, yang maipara naha tasba na pat pruan baku sa, bara yang sin tasba mapara pruri sa.

Pilipai 1:20

Kan yang kasak lukisna Gâd bui yang ra ai swibia apia saura ra waia, sakuna kasak luki aisi kamna, bamna nanara bara piu bani ra sin, Kraist mayunaia tânka ba yang wîni ra kau pali upla nani mita kaikbia, raya kamna bara pruri kamna kra sin.

Pilipai 1:22

Sakuna yang kau wîni ra raya sna na ra, Kraist yamnika tâwan wark daukaia sip sna kaka, ani ba briaia sna sapa yang kaikras.

Pilipai 1:23

Diara wâl ba wina kum saki briaia ba karna sa yang maipara: kum lika mahka prui Kraist wal wih bahara kaia lukisna, kan baha ba kau yamni kabia yang maipara;

Pilipai 2:21

Upla wala nani lika, witin pain kaia baman plikisa, bara Kraist Jisas dukia nani ba lika ai kupia lukras.

Kolosi 3:4

Man nani rayakam pali ba sika Kraist, bara ani piua ra witin param takbia ba ra, man nani sin Kraist wal prana tara tilara latan takma, bara witin wal prana tara ba bri kama.

Param Marikanka 14:13

Bara bîla baikra kum kasbrika pura ba wina yang ra ai aisi kan walri: “Naha na uls: ‘Nanara wina pruan nani ba yamni pali sa, witinka nani Dawan ra lalukra nani taki si prubia ba.’ ” “Âu —Spirit ba baku wisa—, kan witin nani ai warkka karna nani wina ris brin sa, bara ai warkka nani mita ai yula kahbi kabia.”