Pilimon 1:7 - DAWAN BÎLA AISKA

⁷ Bamna man latwankam lâka ba mita, uya lilia bara karnakira ai daukram, bara man tânkam mita, muihki laitwankira, kristian ailal maisa nihkram sa.

Pilimon 1:7 ပူးပေါင်းရင်းမြစ်များ

1 Korint 16:18

Witin nani ba yang ra spirit mapa ra maisi nihkan sa, man nani ra maisam nihkan ba baku. Baha sât uplika nani ba pain pali kulki bas.

2 Korint 7:13

Baha mita, yang nani maisa nihkra briri. Bara maisa nihkra briri nani ba purkara, yang nani uya lilia takri, Taitus ai âuyapah pali kan ba dukiara; bamna man nani sut mita hilp munram witin ba ai kupia kumi kaia.

2 Korint 7:4

Man nani dukiamra uya pali lukisna bara sin âiyapah sna. Pât nani yang nani wahwisna ba tilara, tâi baikisna bara sin lilia pali sna.

1 Tesalonaika 1:3

Gâd wan Aisa mawanra kupi kraukisna, man nani nahki kasak lukan lâka wal wark takram ba, nahki latwan lâka wal wark daukram ba, bara nahki pali sin kainamra diara bîla kaikanka lâka ba Dawan Jisas Kraist kat ban bapi brisma.

1 Tesalonaika 2:13

Yang nani naha tâwan, piu sut Gâd ra tingki wisna. Gâd sturka yamni ba sal maikri ba ra, man nani walram bara alki briram; upla bîla baku lika briras katma, sakuna Gâd bîla baku mika. Bara kasak pali baha ba Gâd sturka yamni sika, bara man nani kasak lukisma ba tilamra baha ba wark daukisa.

1 Tesalonaika 2:19

¿Bamna yang nani kainira diara bîla kaikisna ba, liliaki ba bara yang nani maiyunra kraunka ba, dîa kabia ki? Baha ba man nani pali sika, wan Dawan Jisas Kraist balbia ba ra.

1 Tesalonaika 3:9

Bara nanara yang nani sip sna man nani mamta Gâd ra tingki wiaia. Gâd ra tingki wisna, witin mawanra uya lilia aiki banhram bamna.

2 Timoti 1:16

Dawan Onesíforo watla uplika ba ai yamnika yabia, kan witin aima manis hilp aikan, bara yang silak ra sna ba dukiara sin ai swira lukras kata.

Pilimon 1:20

Âu, muihki, Dawan wal asla lâka ra naha hilpka na dauki aik; Kraist wal wan muihni lâka ra maisi nihks.

2 Jan 1:4

Yang uya lilia pali takri, kan man luhpiam tila nani kaikri ba ra, witin nani lika kasak tânka kat ban iwisa; Gâd Aisa dîa adarka wankan ba tânka kat.