Pilimon 1:19 - DAWAN BÎLA AISKA

¹⁹ Yang Pal, mihti pali ni naha na mai ulbisni: Swis yang mai aibapamna. Yang mita kupiam kraukan lika ai daukras, kuna damra walisma si man pali rayakam ba yang ra tras aikaia brisma.

Pilimon 1:19 ပူးပေါင်းရင်းမြစ်များ

Blasi Sturka 43:9

Yang wîni tara na wal, muihki sirpi rayaka ba dukiara man ra pramis takisna. Witin ra dîa takbia kaka, baha mana ba man bui yang wina saki bris. Witin na kli naha kat bri sal maikras sna kaka, rayaki yua nani sut ra, man mamwanra yang pâtkira kamna.

Roman 16:22

Yang Tercio, naha wauhkataya ulbisna na mita sin laikula blikisna, Dawan wal asla lâka ra.

1 Korint 4:15

Bamna man nani ba, Kraist tânka mai smalkaia smasmalkra 10,000 bri kama sakuna, aisikam ailal lika âpu sma. Kraist Jisas ra kasak lukan lâka brisma ba mapa ra, yang sika man nani aisikam, swaki sakan sturka yamni maikri ba mita.

2 Korint 10:1

Bamna yang, Pal, man nani ra mamkabisna Kraist kupia swapnika bara latwanka ba dukiara. Upla nani aisisa, yang na man nani tilamra sna ba ra lika bawikira pali sna, kuna laihura sna ba ra man nani mampara aisasara sna.

2 Korint 3:2

Yang apia wisna, kan man nani sika wauhkataya kau painkira yang nani brisna ba; man nani sika wauhkataya kum ulban wan kupia ra ba, bara sip sa upla sut mita kakaira kaia bara aisi sin kaikaia.

2 Korint 9:4

Macedonia wina upla tila nani kra yang wal wabia ba ra, ban kra man nani kau ridi apia kama dukiara. Baha lika yang nani maipa ra uya swira lâka kabia, kan man nani kat wan kupia mangki luki ba mita, man nani mampa ra sin swira lâka kabia.

Galesha 5:2

Man nani, yang ra pain ai wals. Yang, Pal, mai wisna man nani Aisa sainka daukma kaka, Kraist ba man nani mampara bahki pali kabia.

Galesha 6:11

¡Kaiks, yang nanara mihti pali ni man nani ra ulbanka tara ni ulbisna na!

1 Timoti 1:2

Timoti, man kasak lukan lâka mapa ra luhpi kasak pali sma ba, naha wauhkataya mai ulbisna. Gâd wan Aisa bara Jisas Kraist wan Dawan ba mita man ra ai yamnika maikbia, umpira kaikan lâka bara kupia kumi lâka sin.

Taitus 1:4

Taitus, kasak lukan lâka ban bri ba tânka ra luhpi aihwa sma ba, naha wauhkataya mai ulbisni. Gâd wan Aisa bara Dawan Jisas Kraist wan Sasakra wal mita man ra yamnika maikbia, bara kupia kumi lâka sin.

Pilimon 1:18

Mampara diara saura daukan, apia kaka man wal tras diman sa kaka, baha ba yang ra ai kulks.