Pilimon 1:10 - DAWAN BÎLA AISKA

¹⁰ Yang bui man ra Onésimo dukiara hilp makabisna; witin lika naha silak watla na kat, spirit lâka ra yang luhpi baku takan sa.

Pilimon 1:10 ပူးပေါင်းရင်းမြစ်များ

2 Samuil 18:5

Baha purkara, king ba Joab ra, Abisai bara Itai ra sin win, witin ai kulkanka ra luki, wahma Absalón ba dukiara tânka pain laki kaiki kabia, aiklaklabra nani sut ba wali kan, king ba wihta tara nani ra Absalón dukiara adar yan ba.

Mark 9:17

Bara tila wina upla kum bui win: —Smasmalkra, luhpi waitna pirit saura kum brisa, ban bîlas daukan sa, bara man ra bri balri.

Roman 12:1

Baku bamna, muihki nani, Gâd kupia pihni lâka ba dukiara mamkabisna, man nani wînam aiska ba prisant raya kum baku ai mihta ra mangkma, baha ba holikira prisant yaia sma ba tânka sa.

1 Korint 4:14

Man nani swiram dauki baku lika naha na mai ulbras, sakuna kupia kraukanka kum maikaia dukiara, luhpi laitwankira nani ra baku.

1 Korint 4:15

Bamna man nani ba, Kraist tânka mai smalkaia smasmalkra 10,000 bri kama sakuna, aisikam ailal lika âpu sma. Kraist Jisas ra kasak lukan lâka brisma ba mapa ra, yang sika man nani aisikam, swaki sakan sturka yamni maikri ba mita.

Galesha 4:19

Luhpi lupia nani, kli aima wala man nani dukiamra latwan saura pali wahwisna, sim yapti kumi tukta mahka baikaia kan latwanka bri ba baku; latwan ba wahwi kamna, Kraist tânka ba aiska man nani brima ba kat.

Kolosi 4:9

Witin ba wal wan muihni latwankira bara kasakkira Onésimo sin auya; witinka lika man nani tilam pali wina sa. Dîa dîa nahara taki ba sut witin nani mita mai wibia.

1 Timoti 1:2

Timoti, man kasak lukan lâka mapa ra luhpi kasak pali sma ba, naha wauhkataya mai ulbisna. Gâd wan Aisa bara Jisas Kraist wan Dawan ba mita man ra ai yamnika maikbia, umpira kaikan lâka bara kupia kumi lâka sin.

Taitus 1:4

Taitus, kasak lukan lâka ban bri ba tânka ra luhpi aihwa sma ba, naha wauhkataya mai ulbisni. Gâd wan Aisa bara Dawan Jisas Kraist wan Sasakra wal mita man ra yamnika maikbia, bara kupia kumi lâka sin.

Pilimon 1:11

Kaina piua ra Onésimo ba, man mampara alba pain apia kan, kuna nanara lika witin na wan mapara alba pain pali sa, man mampara bara yang maipara sin.

Pilimon 1:13

Brin ai dauki kan, witin na yang wal nahara takaskbia man wamtlika ra duki daukaia, sturi yamni tâwan silak ra ai bri na piua ra.

3 Jan 1:4

Diara wala kumi mita sin lilia ai sakras, luhpi nani kasak ba kat taukisa win waluna ba baman lika lilia tara ai sakisa.