Param Marikanka 9:1 - DAWAN BÎLA AISKA

¹ Insal matsipka ba ai trumpitka puhban, bara slilma kum kasbrika pura wina tasba ra kauhan kan kaikri; baha tihuka tara kîka ba yan kata.

Param Marikanka 9:1 ပူးပေါင်းရင်းမြစ်များ

Aiseya 14:12

‘‘¡Nahki muni kasbrika purara wina kauhram, titan lakika tara! Tasba pali kat mai batakan, man sika kuntri nani ra pura lui katma ba.

Luk 10:18

Jisas pana win: —Âu, yang kaikri Sitan kasbrika pura ba wina kauhan, sim imyula baku.

Luk 8:31

Naha pirit saura nani Jisas ra makaban, tihu tara ra lika blîkbia apia.

Roman 10:7

bara sin: ‘¿Ya naha tasbaya mununhtara iwi wabia?’ ” —Naha na lika, Kraist ba yaka pruan nani tila wina uli balaia tânka sa.

Param Marikanka 1:18

Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna.

Param Marikanka 1:20

Bara naha sika slilma 7 mihti aihkika ra kaikram ba bara kiandil mina sin 7 gul ni paskan kaikram dahra yukukan ba: slilma 7 ba lika serts 7 ba insalka nani sa, bara kiandil mina 7 ba lika sertska 7 ba.

Param Marikanka 11:7

Sakuna ai warkka ba dauki tnata alkbia ba ra, daiwan aihka saura kum tihu tara wina taki aula ba, witin nani mapara aiklabia, witin nani ra sin pura lubia bara sut kat ikbia.

Param Marikanka 17:8

Bara daiwra saura kaikram ba lika pas piua raya iwi kan, sakuna nanara âpu sa; ban sakuna, witin ba tihu tara ba wina uli balbia ai pruanka tnata pali ba ra waia kainara. Tasba ra iwi uplika nani, tasba paskan wina kau ai nina nani raya kaia wauhkataya ra ulbi mangkras ba, daiwan saura na kaikbia ba ra, aihka pali lukbia. Kan baha ba kanra raya kata, bara nanara lika âpu sa, sakuna witin kli balbia.

Param Marikanka 20:1

Yang insal wala kum kasbrika pura ba wina bal iwuya kan kaikri, ai mihta ra tihu tara kî ba brih, bara sîn tara sin kum.

Param Marikanka 20:10

Bara dibil ba, witin nani ra kunin munan kan ba, pauta klauhan sulpa wal klauhi kan lakunka ba ra lulkan kata; bahara sika daiwan saura ba prapit kuninkira ba wal lulkan kan ba. Bahara witin nani rausauhkan kabia kakna bara tihmia, ban kaia ra ban.

Param Marikanka 6:13

slilma nani kasbrika purara ba, tasba ra kauhan, kwah damni dusa ai mâ kura nani, pâsa karna mita nikbuya ba ra bataki ba baku.

Param Marikanka 8:10

Insal yumhpika ba ai trumpitka puhban, bara slilma tara kum awas klauhi baku kasbrika pura wina kauhan. Baha ba awala nani bara lî kârma nani mânka yumhpa wina kumi prais purara kauhan.

Param Marikanka 8:12

Insal walhwalka ba ai trumpitka puhban, bara wan yu lapta mânka yumhpa wina kumi prais ba sauhkan kan, kati mânka yumhpa wina kumi prais, bara slilma nani mânka yumhpa wina kumi prais sin. Baha mita, baha nani mânka yumhpa wina kumi prais ba tihmu takan, bara kakna mânka yumhpa wina kumi prais bara tihmia mânka yumhpa wina kumi prais sin ai ingnika yabras kata.

Param Marikanka 8:2

Baha ningkara insal 7 Gâd mawanra bûi nani kan ba kaikri; witin nani ra trumpit 7 yan kan.

Param Marikanka 9:2

Ba ningkara, baha tihuka ba kwâkan ba ra, baha wina kiasma takan sim kubus tara kum kiasmika baku; bara baha kiasmika mita yan wan yu lapta ba bara pâsa ba sin tihmu takan.