Param Marikanka 8:8 - DAWAN BÎLA AISKA

⁸ Insal wala ba ai trumpit ba puhban, bara il tara kum baku pauta wal klauhi kan ba, kabu ra lulkan dimwan. Kabu ba mânka yumhpa wina kumi ba tala baman takan,

Param Marikanka 8:8 ပူးပေါင်းရင်းမြစ်များ

Jirimaya 51:25

Man sauhki tatikra ilka takram, yang lika man mampara sna, tasba aiska sauhkisma ba. Yang, Dawan, kasak aisisna. Klala maikaia mihti bukamna, walpa tara nani pura wina karwi bal iwma, il tara kum pauta mita aman ba baku mai daukamna.

Isikiel 14:9

“Bara prapit kum kunin munbia kaka, bara sturi aisabia ba, yang Dawan kunin munri kabia, baha prapitka ra; bara mihti sakbamna yang upliki nani ra bara klala yabamni, bara sauhki sin âpu tikamni Israel luhpia nani tila ba wina.

Emus 7:4

Bara Dawan ba kli diara wala naku mairikan: Yang kaikri witin buan ba ra, pauta klauhan ba ni mahka lâ daukan. Bara kabu tihuka tara laya ba klang lawi âpu takan, bara tasba prumhni nani ba sin mahka angki tikuya kan.

Sakaraya 13:8

Naha kuntrika ra iwi nani ba tila wina kwâra tara prui banhbia; bara kwârika wala baman raya kabia. Baha raya nani ba pauta klauhi bâk bri lui wamna; silbar baku slilki sunu sakamni, gul lipni daukan ba baku daukamni. Bara witin nani bui yang ra ai pura sunbia, yang sin pana witin nani ra aisamna. Bara ai nina ba sin ‘Yang upliki nani’ mâkamni, bara witin nani sin pana ai wibia: ‘Dawan ba yang nani Gâdki.’ Yang, Dawan, naha aisisni.”

Mark 11:23

Kasak man nani ra mai wisna: Ya ya naha ilka ra ‘Naha wina taki kabu ra dimi was’ wibia kaka, ai kupia ra namhpa namhpa lukras, bara diara aisin ba kat kasak lukbia kaka, baku takan kabia.

Param Marikanka 11:6

Baha witniska nani mita kasbrika pura ba prakaia karnika brisa, bara Gâd dahra aisabia yua nani ra sin, yaka lî auhaia apia. Witin nani lî ba tala ra lakaia karnika brisa, bara pât saura sât sât ni tasba ra rausauhkaia sin, aima an witin nani want kabia ba kat.

Param Marikanka 12:4

Bara ai wâika ni, kasbrika purara slilma nani yumhpa bani wina kumi ba raski tasba ra lulkan. Dragun ba mairin mahka aisubaia kan ba mawanra buan, ai luhpia aisubi takbia ba mahka piaia wisi.

Param Marikanka 8:7

Insal pas ba ai trumpitka puhban, bara lî mâ tara nani, pauta lakni tala wal miks auhan, bara baha ba wan tasba purara lulkan kan. Wan tasba na mânka yumhpa wina kumi ba ami tiwan, dus nani mânka yumhpa wina kumi ba prui kan, bara twi kura mânka yumhpa wina kumi ba sin.

Param Marikanka 9:15

Insalka walhwal ba lanhkan kan; witin nani ba ridi daukan kan baha awarka ra yua ra, katka ra bara sim manka ra upla yumhpa bani wina kumi ba ikaia.

Param Marikanka 9:18

Upla yumhpa bani wina kumi ba naha pâtka saura yumhpa aras nani bîla wina taki kan ba ikan kan: pauta, kiasma, bara sulpa ba mita.