Param Marikanka 7:15 - DAWAN BÎLA AISKA

¹⁵ Baha mita Gâd king iwaika mawanra buisa, bara ai tempelka ra kakna bara tihmia ai dukia daukisa. Witinka king iwaika ra iwi ba witin nani tilara ban takaski ai kaina kahbia.

Param Marikanka 7:15 ပူးပေါင်းရင်းမြစ်များ

1 King Nani 6:13

Bara yang watla na bilara kamna Israel luhpia nani lilapas ra, bara upliki Israel luhpia nani ba lulki swimna apia.”

1 Kronikas 23:25

Debit bui aisi win kata: “Dawan, Israel Gâdka ba, ai uplika nani ra yaban sa lamni lâka bara ai iwaika pliska kum Jerusalem ra.

Impakan Sturka 29:45

Bara yang lika Israel luhpia nani tilara iwamna, bara yang lika witin ai Gâdka kamna.

Isikiel 37:27

Witin nani tilara iwamna, bara yang ai Dawanka kamna bara witin nani upliki nani kabia.

Libait Lâka 26:11

“Yang lika man nani tilamra bâra kamna, kli mai lulki mai swimna apia;

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

1 Korint 3:16

¿Man nani kaikras sma ki Gâd tempelka banhwisma ba, bara Gâd Spiritka ba man nani ra iwisa?

2 Korint 6:16

Bara diara kum mapa ra sin sip apia sa Gâd tempelka ba aidul nani wal prakaia. Bamna yawan nani lika Gâd rayakira ba tempelka sika, Gâd witin pali aisin ba baku: “Yang lika witin nani tilara iwamna bara sin taukamna; yang lika witin nani Gâdka kamna bara witin nani ba upliki nani kabia.”

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.

Hibru Nani 8:1

Yawan diara nani aisi yana tânka kau tara ba sika naha: wan prîs tara ba naku sa, bara kasbrika purara Gâd king iwaika lama pali kat iwisa.

Param Marikanka 11:19

Bamna Gâd tempelka kasbrika purara ba kwawan, bara lâ auhbaia watla ba tempel ra kaikan kata. Bara imyula nani, bin nani, alwani nani, tasba nikban sin kum takan, lî mâ tarka tara nani sin auhan.

Param Marikanka 13:6

Baha baku daukan; Gâd mapara aisan, watla ba mapara, bara kasbrika purara upla nani ba mapara diara saura aisin.

Param Marikanka 20:10

Bara dibil ba, witin nani ra kunin munan kan ba, pauta klauhan sulpa wal klauhi kan lakunka ba ra lulkan kata; bahara sika daiwan saura ba prapit kuninkira ba wal lulkan kan ba. Bahara witin nani rausauhkan kabia kakna bara tihmia, ban kaia ra ban.

Param Marikanka 21:22

Tawanka ba ra yang tempel kumi sin kaikras, baha ba Dawan Gâd, karnika sut bri ba, witinka sin Sîp Luhpia ba, witin ai tempelka sa bamna.

Param Marikanka 22:3

Lahtuban dukia baha tawanka bilara kau âpu kabia. Gâd bara Sîp Luhpia king aimaki iwaika ba baha tawanka ra kabia, bara ai warkka dadaukra nani mita ai pura suni mayunbia.

Param Marikanka 22:5

Bahara tihmia âpu kabia, bara bahara iwi nani ba lamp ingnika, yu lapta ingnika sin luha kabia apia, kan Dawan Gâd mita witin nani ra ingni yabia, bara witin nani king aimaki kabia ban kaia ra ban.

Param Marikanka 4:4

Naha kingka iwaika ba kir, king iwaika kau 24 bâra kan kaikri, bara baha nani ra almuk 24 iwi kan, baha nani ba kwala pihni dimi bara ai lal purara gul kraunka nani bri kan.

Param Marikanka 4:8

Diara rayakira walhwal ba kumi bani ai tnawa 6 bri kan, bara nakra pali baman banhki kan pura tani ra bara bîla tani ra sin; kakna bara tihmia naku aisi takaskras kan: “¡Holi, holi, holi, Dawan, Gâd karnika sut bri ba, witinka kaina wina bâra kata ba, bâra ban ba, bara naika balaia ba!”

Param Marikanka 4:9

Bara diara rayakira nani ba mayunra, prana bara tingki sin king iwaika ra iwi ba ra yabuya piua bani, witinka ban kaia ra ban raya ba,

Param Marikanka 7:9

Baha ningkara yang kaikri, bara bahara upla ailal pali bâra kan, bara ailal kan bamna upla kum mita sin sip kulkras kata. Baha nani ba nisan sât sât wina, taika sât sât wina, bîla aisi sât wina, bara upla nani sât sât wina kan, bara king iwaika ba mawanra bara Sîp Luhpia ba mawanra sin bûi kan. Witin nani kwala pihni dimi kan, ai mihta nani ra sin dus wahia sâtka nani bri kata.