Param Marikanka 7:1 - DAWAN BÎLA AISKA

¹ Naha ningkara, yang insal walhwal kaikri, bara baha nani ba wan tasba mapa walhwal ba purara ai mina ra bûi banhwi kan, bara witin nani mita wan tasba payaska walhwal ba dutki alki kan, baha ba wan tasba purara wiria pan yaka krawbia apia dukiara, kabu purara sin apia, dus kumi purara sin apia.

Param Marikanka 7:1 ပူးပေါင်းရင်းမြစ်များ

Aiseya 11:12

Witin nisan nani mawanra sain kum sunbia, Israel luhpia nani laihura yakaban nani ba asla daukbia, bara tasba tâ walhwal ra, Juda uplika nani yakaban ba asla daukbia.

Aiseya 27:3

Yang, Dawan nasla ba main kaikisna, piua bani lî laikisna. Tihmia ra kakna ra main kaikisna, upla kumi mita sin saura munaia apia ba mata.

Aiseya 27:8

Gâd uplika nani ra klala yaban tasbaya wina saki tasba wala ra blikan witin ai wingka puhbra ni sirang saura ikan, lalma pâsa karna krawi ba baku.

Jirimaya 49:36

Tâ walhwal wina baha uplika nani mapara pâsa bri balaisna, ai yukuwaika pliki kuntri nani sut ani anira waia daukaisna.

Isikiel 37:9

Bamna Dawan bui ai win: “Yang nini ra pâsa ra aisas raya kaia wingka puhbi ba ra wis: ‘Dawan naku aisisa: Tasba mapa walhwal wina bal bara upla pruan nani na ra rayaka yas.’ ”

Isikiel 7:2

“Yang Dawan sna ba, Israel kuntrika ra wisni: Pat tnata ba aula, tasba aiska tnata ba aula.

Daniel 11:4

Ban sakuna, ai king lâka ba bapbia, sakuna ai king lâka ba âpu daukan kabia, bara ai kingka lâka tar baiwi walhwal ra daukan kabia. Baha king lâka karnika ba ai kiamka nani ra laki yan kabia apia, bara ai king lâka ba kaina piua ra karna kan ba baku kabia apia, kan baiki sakan kabia ba mita, ban sin upla wala witin ai watlika ra king aimakan kabia ba tâka.

Daniel 7:2

“Yang yapriki ra kaiki kapri pâsa mapa walhwal ba wina krawi kan, bara kabu laya tara ba klahbi kan.

Daniel 8:8

“Bara guts wainhka ba piua bani kau karnakira taki kan, sakuna piua bani kau karnakira taki kan ba piua kat, ai aringka tara ba kriwan, bara baha watlika ra aringka wala walhwal pâwi bal takan, bara aringka tâ walhwal ba pâsa mapa walhwal ra tawan kata.

Jona 1:4

Sakuna Dawan pâsa karna pali kum blikan, kabu ra pâsa saura pali buan duri ba kriki tikaia praiska kat.

Sakaraya 6:1

Lilka aihka wala kum kaikri. Bras ilka wâl lilapasku, war waginka walhwal taki aula kan.

Sakaraya 6:5

Insal ba pana ai win: “Baha nani sika pâsa walhwal, Dawan mawan wina taki tasba aiska ra auya ba.

Matiu 24:31

Bara ai insalka nani blîkbia trumpit binka tara ni ai uplika bâk sakan nani ba pâsa mapa walhwal ba wina asla daukaia, tasba tâ kum wina tâ wala kat.

Mark 13:27

Witin ai insalka nani blîkbia, bara pâsa mapa walhwal ba wina, ai uplika pliki sakan nani ba asla daukbia, tasba tnata lâs ba wina, kasbrika pura lâs tnata ba kat sin.

Param Marikanka 20:8

bara tasba aiska nisanka nani ra kunin munaia taki wabia. Witin mita Gog bara Magog kunin munaia wabia, bara baha wal suldiarka daknika nani ba asla daukbia war aiklabaia dukiara; baha daknika nani ba lika ailal pali sa, sim kabu auhika baku.

Param Marikanka 6:6

Bara diara rayakira nani walhwal tila ba wina bîla baikra kum naku aisi kan walri: “Plawar kwart kumi mana ba silin kumi, bara barli mâ kwart yumhpa ba silin kumi; sakuna oliv batana laya bara wain ba sin man bui yarka tiwbiara.”

Param Marikanka 7:3

“¡Man nani tasba ra saura munpara, kabu ra, dus nani ra sin watawi munpara, yang nani wan Gâdka dukia dadaukra nani ba lal purara sîl kum ni sain mangkamna ba kat!”

Param Marikanka 8:7

Insal pas ba ai trumpitka puhban, bara lî mâ tara nani, pauta lakni tala wal miks auhan, bara baha ba wan tasba purara lulkan kan. Wan tasba na mânka yumhpa wina kumi ba ami tiwan, dus nani mânka yumhpa wina kumi ba prui kan, bara twi kura mânka yumhpa wina kumi ba sin.

Param Marikanka 9:14

Bara bîla baikra ba insal 6 trumpit bri kan ba ra win: “Éufrates awalka tara ra insal walhwal priskan ba, lanhks.”

Param Marikanka 9:4

Witin nani ra adar yan kan tasba ra twi ba saura munaia apia, diara kura kumi ra sin apia, dus kumi ra sin apia, upla nani Gâd sîlka ba ai mawan purara mark munras ba baman lika.