Param Marikanka 6:4 - DAWAN BÎLA AISKA

⁴ Bara aras wala kum bal takan, baha ba lika pauni kan, bara purara uli kan ba karnika bri kan, tasba aiska wina kupia kumi lâka ba sakaia, bara yaka upla nani ba aiklabi pana pana prui tiwaia; bara witin ra sord tara kum sin yan kata.

Param Marikanka 6:4 ပူးပေါင်းရင်းမြစ်များ

Lawana Nani 17:13

Dawan, bus, ¡witin nani mawanra man aimaks! ¡Muns witin nani ai lula krikbia! Sordkam ni upla watawi nani mihta wina swaki ai sâks;

Daniel 5:19

Baha karnika yan ba mita, upla nani sut, nisan wala nani bara bîla sât wala aisi nani sut ba bui tara kulkan, bara sîa sin yabi kan. Bara witin yaura ikaia lukan ba ikan, purara bukaia kan ba bukan, bara wala nani ra batakaia kan ba sin batakan.

Sakaraya 1:8

Tihmia kum naha lilka aihka kaikri: Waitna kum aras pauni ra uli kan; witin il bîla langnika kumi ra takaskan kan, tangni nani pâwi kan ba tilara, bara baha ninara aras wala nani sin bûi kan, tila taya pauni, taya sai, pihni sin kan.

Sakaraya 6:2

Wagin tâura ba, aras pauni nani aubi kan; wagin wala ba, aras siksa nani aubi kan;

Matiu 10:34

“Man nani lukpara yang na naha tasba ra kupia kumi lâka yabaia balri; apia, yang lika aiklabanka bri balri, kupia kumi lâka lika apia.

Matiu 24:6

Man nani sin war nani dukiara bara war trabilka nani dukiara sin aisi kabia walma, sakuna sirang iwpara, baha ba baku kaia sa bamna; kuna tnata ba lika kau sa.

Jan 19:11

Bamna Jisas pana win: —Man lika yang purira karnika kumi sin âpu kaia kapram, Gâd mita maikras kata kaka. Sakuna ya mita man mihtam ra ai mangkan ba sika, saurka kau tara brisa man ba wal.

Param Marikanka 12:3

Baha ningkara kasbrika purara sain wala kum takan: Baha ba dragun pauni kum kan, ai lal 7 bri kan, aringka matawalsip bara ai lal bani purara sin kraun kum.

Param Marikanka 13:10

“Baha nani silak ra mangkaia kan ba silak ra brih wan kabia; bara ani uplika sord ni ikaia kan ba, sord ni ikan kabia.” Nahara kaikbia Gâd uplika kasakka lukan ba nahki bapi buaia ba sin.

Param Marikanka 17:3

Spirit ba ai karnika munhtara ai brin, bara insal ba mita upla iwras tasbaya ra ai brih wan. Bahara mairin kum kaikri daiwan saura pauni kum purara iwi kan, bara daiwra wîna tara pura aiska ba, Gâd mapara saura aisaia nina baman kan; baha ba lal 7 bri kan, aringka sin matawalsip.

Param Marikanka 17:6

Bara kaikri mairka ba, Gâd uplika nani tâlia bara Jisas witniska taki kan tâwan ikan nani ba tâlia dih, witin bla takan. Yang baha kaikri ba ra, aihka pali tâ iwri.