Param Marikanka 6:2 - DAWAN BÎLA AISKA

² Yang kaikri, bara bahara aras pihni kum kata, bara purara uli kan ba lika ai mihta ra pantamangka kum bri kan. Witin ra kraun kum yan, bara witin ba sip muni pura lui bal takan, bara pura luaia mata.

Param Marikanka 6:2 ပူးပေါင်းရင်းမြစ်များ

Lawana Nani 110:2

Saion wina, wapaikam dusa ba, Dawan maikisa baha karnika brisma ba sainka. ¡Waihlam nani ba taibi bas!

Lawana Nani 76:7

¡Man ra upla sut si brisa! ¿Ya sip sa man mamwanra bûi kaia man kupiam sauhkisma bara?

Lawana Nani 98:1

¡Man nani bui Dawan ra lawana raya kum aiwans, kan witin diara aihka daukan bamna! ¡Kan witin pura luanka ba alkan sa, karnika tara bara ai klahkla ba wal!

Aiseya 25:8

Ban kaia ra ban prura ra, Dawan mita sauhkan kabia; mawan nani wina, Dawan mita nakra laya nani sut diki sâkbia bara tasba aiska wina ai uplika nani swira lâka ba bri sâkbia. Dawan ba aisin.

Sakaraya 1:8

Tihmia kum naha lilka aihka kaikri: Waitna kum aras pauni ra uli kan; witin il bîla langnika kumi ra takaskan kan, tangni nani pâwi kan ba tilara, bara baha ninara aras wala nani sin bûi kan, tila taya pauni, taya sai, pihni sin kan.

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

1 Korint 15:25

Kan Kraist ba king kaia sa, Gâd mita ai waihla nani sut ai mina nani munhtara mangkbia ba kat.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 11:18

Nisan nani ba kupia baiwisa, sakuna man lawankam yua ba balan sa, pruan nani lâka daukaia piua ba sin, bara dukiam dadaukra nani man damhra aisi kan ba ra ai prisantka ba yama, holikira nani ra, bara ninam kulki nani ra sin, tara nani, apia kaka, sirpi nani kabia sin. Naha tasba sauhki uplika nani ra, sauhki tikaia katma piua ba balan sa.”

Param Marikanka 14:14

Bara yang kaikri, bamna kasbrika pihni kum bâra kan; bara kasbrika ba purara upla baku kum iwi kan. Witin ai lal purara gul kraunka kum bri kan, bara ai mihta ra lika ispara mala pali kum bri kan.

Param Marikanka 15:2

Glas kabuka baku kum sin kaikri, pauta klauhan abalki daukan; bara witinka nani daiwan saura ba wina, ai lilka wina bara ai nina numbika ra sin sip muni pura luan nani ba, baha glas kabuka lamara kan, Gâd arp nani yaban kan ba brih.

Param Marikanka 17:14

Witin nani Sîp Luhpia ba mapara aiklabi kabia, sakuna Sîp Luhpia ba witin nani pura lubia; kan witin ba Dawan nani dawanka sa, King nani kingka sin, bara witin wal nani ba lika, Gâd mita paiwan sa bara wahbi sakan sa, bara kasak sin banhwisa.”

Param Marikanka 19:14

Kasbrika purara war daknika nani ba aras pihni nani purara uli, linin kwalka painkira, pihni bara klin dimi, ai nina bliki kan.

Param Marikanka 3:21

Ya ya sip muni pura lubia ba, yang king iwaiki ra plis kum yabamna, yang wal iwaia, sim yang mita pura lui Aisiki wal ai king iwaika ra iwisna ba baku.

Param Marikanka 9:7

Tristrisia nani ba aras nani war ra waia ridi daukan ba baku kan; bara ai lal nani purara diara kum gul kraunka talia baku bri kan, bara ai mawan ba lika upla mawan baku.