Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Param Marikanka 5:12 - DAWAN BÎLA AISKA

12 bara ai bîla baikra karna ni aisin: “¡Sakripais daukan Sîp Luhpia ba aitani sip sa pura aimakan karnika nani sut ba briaia, sins lâka ba, baha kukan ba, pain kulkan lâka ba, prana ba bara mayunra ba sin!”

အခန်းကိုကြည့်ပါ။ ကော်ပီ




Param Marikanka 5:12
19 ပူးပေါင်းရင်းမြစ်များ  

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!


Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.


Yaprika wala, Jan kaikan Jisas witin ra aula kan, bamna upla nani ra naku win: “Kaiks man nani, naha waitnika aula na sika Gâd Sîpka Luhpia, naha tasba saurka bri saki ba.


Man mita sika Luhpiam ra karnika yaram ba, upla wala nani sut purkara, raya ban kaia lâka yaia baha nani sut man mita witin ra yabram ba.


Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.


Baha mita, ¡ban kaia ra yawan prana bara mayunra yabi kap; ban kaia Kingka ra, witin sip pruras ba, sip wan nakra ni kaikras ba, bara Gâd kumi baman ba! Baku kabia.


bara yawan na king tasbaya kum bara prîs nani sin wan daukan sa, ai Aisika Gâd warkka daukbia. ¡Bamna prana ba bara karnika ba sin, ban kaia ra witin dukia kabia! Baku kabia.


Tasba paskan piua wina, Sîp Luhpia ikan ba raya kaia wauhkataya ba ra nina ulbras uplika nani tasba ra ba baha nani baman, baha daiwra saura ra mayunbia.


Baha witin nani Gâd dukia dadaukra, Moses lawana aiwani nani kan, Sîp Luhpia lawana ba sin. Bara baha lika naku kata: “Dawan Gâd, karnika sut brisma ba, diara aihkakira daukram ba sut tara bara painkira pali sa. Nisan nani Kingka, yabalkam nani ba wapni bara kasakkira pali baman sa.


Naha ningkara, upla ailal bîla baikra tara kasbrika purara aisi kan, yang walri: “¡Dawan nina ba mayunan kabia! Swaki sakan lâka ba, prana ba bara karnika ba, wan Gâdka dukia sa.


“Dawan wan Gâdka, man lika mayunra ba, prana ba bara karnika ba briaia aitani sma; kan man sika diara sut paskram ba, bara man kupiam lâka mita sika baha nani ba ban sa bara paskan kata.”


Gâd mita diara paskan nani ba sut sin walri, baha nani kasbrika purara ba, tasba ra ba, tasba mununhtara nani ba, kabu ra nani ba, bara baha nani ra kan ba sut naku aisi kan: “¡Mayunra ba, pain kulkan lâka ba, prana ba, karnika ba sin, king iwaika ra iwi ba ra yan kabia, Sîp Luhpia ba ra sin, ban kaia ban kaia ra!”


Bara king iwaika ba diara rayakira walhwal ba lilapas, almuk nani ba lilapas kat, Sîp Luhpia kumi bûi kan kaikri, baha ba ikan baku kata. Witin ba aringka 7 bara nakra sin 7 bri kan; baha Gâd spiritka nani 7 tasba aiska ra blikan ba.


witin baha wauhkataya ba prak brin ba ra, diara rayakira walhwal ba bara almuk 24 ba, Sîp Luhpia ba mawan kat ai lula krikan. Witin nani sut arp kum bri kan, gul ni daukan kapka sin dus mâka kîa pain banhki bri kan, bara baha nani ba lika Gâd uplika nani pura sunra nani sa.


Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.


Bara Sîp Luhpia ba sîl 7 ba wina pas ba krikan ba kaikri, bara diara rayakira walhwal ba wina kum ba ai bîla baikra ba sin alwani baku naku aisan walri: “¡Man nani bal!”


naku aisi kan: “¡Baku kabia! Mayunra ba, prana ba, sins lâka ba, tingki lâka ba, kulkan lâka ba, karnika ba, bara karna kaia lâka ba sut sin, wan Gâdka ra yan kabia, ban kaia ban kaia ra. ¡Baku kabia!”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ