Param Marikanka 4:7 - DAWAN BÎLA AISKA

⁷ Diara rayakira pas ba layan baku kan; wala ba bîp bul baku kan; yumhpika ba mawan lika upla mawan baku kan; walhwalka ba lika yakal kum pâli baku kan.

Param Marikanka 4:7 ပူးပေါင်းရင်းမြစ်များ

Blasi Sturka 49:9

Juda, man, yang luhpi. Man ba layan luhpia kum ai daiwra ikan ba pi si, ai lal makupi bara bawi ba baku sma, layan tara bawi ba baku. ¿Bara ya sin witin ra munka mahka bubia?

2 Samuil 1:23

“Saúl bara Janatan wal latwankira pali kan, ai rayaka ra bara ai prurika ra sin sip dakwi takras kan. ¡Yakal wal sin kau isti plapi kan! ¡Layan wal sin kau karna kan!

Sins Lâka 28:2

Kuntri kum ra, lâ sauhkanka manis bal taki ba tâka wina sika, ai wihtka nani ailal bal takisa; sakuna pain tâ bri ba sip sa wapni lâka kat briaia.

Aiseya 40:31

sakuna Dawan bîla kaiki luki nani ba, witin nani karnika raya bribia, witin nani yakal tara nani baku ai tnawa nani buki pâlbia; sip kabia plapaia bara bahkia takbia apia, bara sin wapbia swapras kira.

Isikiel 1:10

Rayaka walhwal mawan ba naku kan: tâura mawan ba, upla kum mawan bri kan; ai aihkika tani ra ba, layan kum mawan; ai smihka ba, bîp wainhka kum mawan; bara nina tani ba yakal kum mawan.

Isikiel 1:8

Ai mawan walhwal, ai tnawa walhwal bri ba purkara, naha rayaka bri nani ba, upla mihta nani sin bri kan ai tnaya walhwal ra, ai tnawa nani mununhtara sin. Ai tnawa nani ba wal pana pana prawi kan. Wapi tauki bara ai tnawa nani ba wal aiblakras kata, ai kaina kat wapi kan.

Isikiel 10:14

Bara kumi bani ba mawan walhwal bri kan: tâ pali ra ba bîp wainhka mawan bri kan; wala ba upla mawan; yumhpika ba layan mawan; walhwalka ba yakal mawan.

Isikiel 10:21

Kumi bani mawan walhwal bri kata, kumi bani tnawa walhwal, bara tnawa mununhtara, upla mihta talika bri kata.

Daniel 7:4

Pas ba layan baku kan, sakuna ai tnawa nani bri kan yakal baku. Kau ban kaiki kapri ba ra, ai tnawa nani ba daikan, bara ban tasba wina yan buan; mina tani ba upla baku kan, bara kupia lukra ba upla baku kata.

Abdías 1:4

Yakal tara pâli baku purara pali uli slilma nani tilara wamtla mâkma kra, sakuna baha wina yang mai batakamni.” Dawan ba kasak aisisa:

Kulki Kaikanka 23:24

Baha uplika nani layan baku sirang ikisa, witin nani takaskaia apia ai mapara bûi ba sut âpu daukbia ba kat, ai waihla nani tâlia ba sut dibia.”

Kulki Kaikanka 24:9

Witin nani ba bahara yapisa layan baku, upla kumi sin wih rakaia munbiara. ¡Yamni mai muni uplika ba, yamni munan kabia, lahtubi mai munbia uplika sin, lahtuban kabia!”

1 Korint 14:20

Muihki nani, tuktan sirpi nani baku luki kapara. Saura daukaia mapa ra lika tuktan nani baku bas, sakuna lukankam mapa ra lika upla almuk nani baku bas.

Kli Smalkanka 28:49

Tasba ra kuntri kau laihura ba wina, Dawan mita nisan kum yakal pâli baku, isti pali man mampara blîkbia, baha nisanka bîla aisi ba sin man aisaras;

Param Marikanka 4:6

King iwaika mawanra glas kabuka baku bâra kan, glas sangni pali baku. King iwaika ba lilapas ra bara baha kir sin diara rayakira walhwal bâra kan, bara baha nani ba nakra baman banhki kan, mawan tani ra bara nina tani ra sin.

Param Marikanka 6:3

Sîp Luhpia ba sîl wâl ba krikan ba ra, diara rayakira walhwal ba wina wâlka ba naku aisan walri: “¡Man nani bal!”

Param Marikanka 6:5

Sîp Luhpia ba sîl yumhpika ba krikan ba ra, diara rayakira walhwal ba wina yumhpika ba naku aisan walri: “¡Man nani bal!” Yang kaikri, bara bahara aras siksa kum kan. Baha purara uli kan ba ai mihta ra paun kum bri kan.

Param Marikanka 6:7

Sîp Luhpia ba mita sîl walhwalka ba krikan ba ra, diara rayakira walhwal ba win: “¡Man nani bal!”