Param Marikanka 4:4 - DAWAN BÎLA AISKA

⁴ Naha kingka iwaika ba kir, king iwaika kau 24 bâra kan kaikri, bara baha nani ra almuk 24 iwi kan, baha nani ba kwala pihni dimi bara ai lal purara gul kraunka nani bri kan.

Param Marikanka 4:4 ပူးပေါင်းရင်းမြစ်များ

Ester 8:15

Bara Mardoqueo ba king watla ba wina, king kwalka mapla sangni bara pihni wal dimi taki wan; baha purkara sin, kraun gul wal daukan kum bara kwala mapla linin kumi sin pami brih taki wan. Bamna Susa tawanka aiska ba lilia tara pali brin,

Lawana Nani 21:3

Man bui witin ba yamnikam tara nani wal briram, bara ai lal ra sin gul aihwa kraunka kum mangkram.

Matiu 19:28

Jisas witin nani ra win: —Man nani ra kasak pali mai wisna, Upla Luhpia Waitna ba ai king iwaika pranakira ra iwbia ba ra, diara nani sut raya daukan kabia piua ra, Upla Luhpia Waitna ai iwaika pranakira ra iwbia bara man nani nini blikram ba sin king iwaika 12 nani ra iwma, Israel kiamka 12 ba lâka daukaia dukiara.

Luk 22:30

Man nani plun pima, diara sin dima yang tibilki ra king aimakaisna ba ra, bara king iwaika nani ra iwi, Israel kiamka 12 ba lâka sin daukma.”

2 Timoti 4:8

Bara nanara lika kasakka lâka prisantka ba, yang duki wisi sunan sa; bara baha ba Dawan mita, witinka lâ wihta kasakkira ba, baha yua ra aikbia. Bara yang ra baman lika aikbia apia, sakuna ani uplika nani latwan lâka wal witin balaia ba bîla kaiki nani ra sin.

Param Marikanka 11:16

Bara almuk 24 nani ai king iwaika nani ra iwi Gâd mawanra nani kan ba, ai mawan nani ra tasba kat kauhi, Gâd ra ai pura suni mayuni kan,

Param Marikanka 14:3

Bara witin nani lawana raya kum aiwani banhwi kan, king iwaika ba mawanra, diara rayakira walhwal ba mawanra, almuk nani ba mawanra sin. Upla kumi sin baha lawana ba sip lan takras kan, baha nani 144,000 tasba uplika nani tila swaki sakan ba baman lika.

Param Marikanka 19:14

Kasbrika purara war daknika nani ba aras pihni nani purara uli, linin kwalka painkira, pihni bara klin dimi, ai nina bliki kan.

Param Marikanka 19:4

Bara almuk nani 24 ba bara diara rayakira walhwal ba sin, tasba kat kauhi, Gâd witinka king iwaika ra iwi ba ra ai pura suni mayuni, naku aisan: “¡Baku kabia! ¡Dawan nina ba mayunan kabia!”

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.

Param Marikanka 20:4

Bara yang lika king iwaika nani kaikri, baha nani purara iwi nani kan ba sin; witin nani ba lâ daukaia karnika brin kan. Bara yang kaikri baha nani Jisas witniska taki kan bara Gâd sturka yamni ba tâwan, lal dakban sulka nani ba sin. Witin nani lika daiwan saura nani lilka ra sin ai pura suni mayunras kan, baha markka sin ai lal purara bara ai mihta ra yan mangkras kata. Yang kaikri naha nani kli raya takan, bara Kraist wal mani 1,000 king aimakan.

Param Marikanka 3:18

Baha mita, man ra mai smalki mai wisni, yang wina gul pauta ra pain pali slilkan ba atkma, bara baha mita kasak pali yuyakira kama. Yang wina sin kwala pihni atks, bara wînam kwala âpu swiram kira ba dimaia. Yang wina sin wan nakra saika atks, bara namkra diara kaikaia sip kama.

Param Marikanka 4:10

almuk 24 ba witin mawanra ai lula krikuya, bara ban kaia ra raya iwi ba ra ai pura suni mayunisa, bara king iwaika mawanra ai kraunka nani ba mangki, wisa:

Param Marikanka 4:6

King iwaika mawanra glas kabuka baku bâra kan, glas sangni pali baku. King iwaika ba lilapas ra bara baha kir sin diara rayakira walhwal bâra kan, bara baha nani ba nakra baman banhki kan, mawan tani ra bara nina tani ra sin.

Param Marikanka 5:11

Baha ningkara kaikri, bara insal ailal bîla baikra walri; baha nani ba king iwaika ba kir, diara rayakira nani ba, bara almuk nani ba sut kir kata. Witin nani ba milian bara milian kan,

Param Marikanka 5:14

Diara rayakira walhwal ba naku aisi kan: “¡Baku kabia!” Bara almuk nani 24 ba ai lula krikan bara mayunan.

Param Marikanka 5:6

Bara king iwaika ba diara rayakira walhwal ba lilapas, almuk nani ba lilapas kat, Sîp Luhpia kumi bûi kan kaikri, baha ba ikan baku kata. Witin ba aringka 7 bara nakra sin 7 bri kan; baha Gâd spiritka nani 7 tasba aiska ra blikan ba.

Param Marikanka 5:8

witin baha wauhkataya ba prak brin ba ra, diara rayakira walhwal ba bara almuk 24 ba, Sîp Luhpia ba mawan kat ai lula krikan. Witin nani sut arp kum bri kan, gul ni daukan kapka sin dus mâka kîa pain banhki bri kan, bara baha nani ba lika Gâd uplika nani pura sunra nani sa.

Param Marikanka 6:11

Bara witin nani bani ra kwala pihni kum yan kan; witin nani ra sin win kata piu wiria ris bribia, ai muihni nani Gâd warkka dauki ba sut daukbia ba kat, bara baha nani ba sin witin nani ra ikan ba baku ikaia kan.

Param Marikanka 7:11

Bara insal nani ba sut king iwaika ba kir, almuk nani ba, bara diara rayakira walhwal ba sin kir bûi kan; bara king iwaika ba mawanra ai mawan nani ra kauhi, Gâd ra mayuni,

Param Marikanka 7:9

Baha ningkara yang kaikri, bara bahara upla ailal pali bâra kan, bara ailal kan bamna upla kum mita sin sip kulkras kata. Baha nani ba nisan sât sât wina, taika sât sât wina, bîla aisi sât wina, bara upla nani sât sât wina kan, bara king iwaika ba mawanra bara Sîp Luhpia ba mawanra sin bûi kan. Witin nani kwala pihni dimi kan, ai mihta nani ra sin dus wahia sâtka nani bri kata.

Param Marikanka 9:7

Tristrisia nani ba aras nani war ra waia ridi daukan ba baku kan; bara ai lal nani purara diara kum gul kraunka talia baku bri kan, bara ai mawan ba lika upla mawan baku.