Param Marikanka 4:11 - DAWAN BÎLA AISKA

¹¹ “Dawan wan Gâdka, man lika mayunra ba, prana ba bara karnika ba briaia aitani sma; kan man sika diara sut paskram ba, bara man kupiam lâka mita sika baha nani ba ban sa bara paskan kata.”

Param Marikanka 4:11 ပူးပေါင်းရင်းမြစ်များ

Blasi Sturka 1:1

Kau diara wala nani sut paskras kan ba tâura, Gâd bui kasbrika pura ba bara tasba ba wal pas paskan.

2 Samuil 22:4

Man, Dawan, aitani sip pali sma mayunra ba briaia: yang bui man ra winisna ba ra, waihli nani wina swaki ai sakisma.

Nihimaya 9:5

baha ningkara Libait nani Jasua, Cadmiel, Binuy, Hasabnías, Serebías, Hodías, Sebanías bara Petahías sin buan bara win: “Bûi banhs, bara Dawan Gâdkam ra yamni wis ban kaia ra ban kabia. ¡Yamni wis ai nina pranakira mayunra sut pali wal kau purkara ba!”

Job 36:3

diara tânka kaikaia sip sna ba, laihura mangki kaikamna, baku lika mairikbia nahki papaskra ba kasak sa.

Lawana Nani 18:3

Man, Dawan, mamyunaia ba aitani sa, yang mai wisna ba ra, waihli nani wina swaki ai sakisma.

Lawana Nani 68:34

Gâd karnika ba aitani kulkisna; kingka lâka bri ba Israel purara, ai karnika ba kasbrika sangni nani ba kat bâra sa.

Impakan Sturka 20:11

Kan yu matlalkahbi yua ra, Dawan kasbrika pura ba, tasba, kabu bara diara nani sut ba baha bilka ra paskan bamna, bara yua 7 ba, witin ris brin. Bahamna Dawan bui sabat ba yamni munan, bara aihka saki holikira kulkan sa.

Sins Lâka 16:4

Dawan diara kumi bani daukan ba witin ai warkka dukiara sa, âu, upla watawikira ba sin daukan, trabil yua ra klala yaia ba.

Aiseya 40:26

Man nani namkra nani purara buki kaiks; bara kaiks ya naha diara nani na paskan ba. Baha nani sut ba witin kumi saki kulkisa; baha nani sut ba witin nina nani kat mâki winisa, sut ba bâra sa. Baku sika witin tara sa, ai karnika ba sin, ai kingka lâka karnika ba sin.

Aiseya 40:28

¿Man kaikras sma ki? ¿Man walras sma ki? Dawan sika Gâd ban kaia ba, tasba lui waia piua sin witin mita paskan ba. Witin dring swapras, swapan bara bahkia takras, witin diara tânka kaiki ba sut alkaia ba upla kumi sin âpu sa.

Jirimaya 10:11

(Man nani, Israel luhpia nani, idan nani ra wis: “Kasbrika pura ba bara naha tasba na sin paskras gâdka nani ba lap tiwbia; baha nani kumi sin kasbrika munhtara nâra kabia apia.”)

Jirimaya 32:17

‘Dawan, man kasbrika pura bara tasba sin paskram ba ni karnikam tara ba marikisma. Man daukaia sip apia dukia ba âpu sa.

Apastil Nani Sturka 14:15

—Upliki nani, ¿dîa kan man nani naku dauki banhwisma ki? Yang nani na sin man nani wal baku upla sna. Sakuna nâra yang nani balri na, man nani ra sturi yamni ba mai smalkaia, naha diara bahki nani na swi si Gâd rayakira ba nina blîkma, witinka mita kasbrika pura, tasba, kabu nani ra dîa dîa baha nani bilara ba sut paskan bamna.

Apastil Nani Sturka 17:24

‘‘Gâd bui tasba paskan ba bara dîa dîa baha bilara ba, witin sika kasbrika pura bara tasba Dawanka. Witin lika upla bui paskan tempelka sâtka nani ra iwras sa,

Roman 11:36

Kan diara nani sut ba Gâd wina aula, witin paskan bara witin dukiara baman sa. ¡Prana kabia Gâd ra, ban kaia ra! Baku kabia.

Epesus 3:9

Bara adar sin aikan upla sut yarka kaikbia, Gâd patitara piua wina diara yukuki bri kan ba dîa kata sapa, witinka sika diara nani sut paskan ba.

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

Hibru Nani 1:10

Gâd bila sin: “Man, Dawan, kaina pali ra tasba na paskram, bara mihtam nani wal kasbrika pura nani ba sin daukram.

Hibru Nani 1:2

bara nanara naha tnata yua nani na ra lika, witin mita ai Luhpia bâk wan aisin sa. Naha Luhpia na bâk Gâd mita tasba nani na paskan, bara diara nani sut ba witin mihta ra swin sa.

Param Marikanka 1:6

bara yawan na king tasbaya kum bara prîs nani sin wan daukan sa, ai Aisika Gâd warkka daukbia. ¡Bamna prana ba bara karnika ba sin, ban kaia ra witin dukia kabia! Baku kabia.

Param Marikanka 10:6

bara Gâd nina mâki swer taki, witinka ban kaia ra raya iwi ba, bara kasbrika purara, tasba, kabu bara diara nani sut bahara banhwi ba paskan ba, bahara naku wisata: “Kau piua âpu kabia.

Param Marikanka 14:7

Bara witin ai bîla baikra tara ni aisi kan: “Man nani bui Gâd ra sibrin luks bara mayunra sin yas, witin ba lâ daukaia awarka ba pat aimakan sa bamna. Gâd ra puram suni mayuni bas, witinka ba kasbrika purara, tasba, kabu, bara lî kârma nani sin paskan ba.”

Param Marikanka 19:1

Naha ningkara, upla ailal bîla baikra tara kasbrika purara aisi kan, yang walri: “¡Dawan nina ba mayunan kabia! Swaki sakan lâka ba, prana ba bara karnika ba, wan Gâdka dukia sa.

Param Marikanka 5:12

bara ai bîla baikra karna ni aisin: “¡Sakripais daukan Sîp Luhpia ba aitani sip sa pura aimakan karnika nani sut ba briaia, sins lâka ba, baha kukan ba, pain kulkan lâka ba, prana ba bara mayunra ba sin!”

Param Marikanka 5:2

Insal karnakira kum kaikri, bara witinka ba ai bîla baikra tara ni wini, makabi wali kan: “¿Ya ba aitani sa sîl nani ba kriki, wauhkataya ba kwâkaia?”

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.