Param Marikanka 3:2 - DAWAN BÎLA AISKA

² Rawi bus, bara diara nani kau brisma ba mahka dutki alki dauks, kau aiska pali pruras ba ra; kan yang kaikri man diara daukisma ba, Gâdki mapara kasak aihwa apia sa.

Param Marikanka 3:2 ပူးပေါင်းရင်းမြစ်များ

1 King Nani 11:4

Bara Salaman ba pat almuk takan kan, bara ai mairka nani bui munan ai kupia laki gâd bahki nina blikan, baha mita ai kupia aiska ba Dawan ai Gâdka ra yaras kan, ai papika Debit daukan ba baku.

1 King Nani 15:3

Bara Abiam witin sin saura daukan ai aisika wal baku; Dawan ai Gâdka wal wapni apia kan, ai damika Debit kupia kan ba baku apia kan.

2 Kronikas 25:2

Amasías daukanka nani ba Dawan mawanra wapni kan, kuna ai kupia aiska wal lika apia kata.

Job 16:5

Latwan lâka aisinka ni bara maisa nihkra bîla nani ba ni aisi tâm baikamna.

Aiseya 35:3

Mihta swapan nani ba man nani mita karna daukma, lula karnika âpu takan nani ba sin man nani mita karnika yama.

Aiseya 56:10

Upliki nani aihwaki kaiki nani ba sut, blain man sa, witin nani sut diara tânka briras sa. Witin nani sut ba, yul bîlas wakras nani baku sa, ai rayaka aiska ba bawi bara yaprisauhkan kaiki luisa; yapan ra latwan kaikisa.

Aiseya 57:12

Sakuna man daukankam nani aisaisna, dîa man lukisma, kasak wapni sma.

Isikiel 34:16

Sîp tiwan nani ba plikamna, yabal tnaya ra wan nani ba bri balamna, mina kriwan nani ba kwala blakamna, swapni takan nani ba main kaikamna, batana bara karna nani ba main kaikamna. Yang mita main kaikamna nahki ba baku.

Daniel 5:27

TEKEL: Man kingkam lâka ba mâyara pali iwram sa;

Sakaraya 11:16

Kan yang naha kuntrika ra sepad kum mangkamna sîp aimawahkan ba dukiara diara lukras kabia ba, tiwan ba plikbia apia, insauhkan nani ba sîka daukbia apia, swapan ba sin plun yabia apia, sakuna sîp kau batana nani ba sut pibia, sûska nani sin swibia apia.

Matiu 23:5

Diara dauki bani ba upla nani kaikbia wisi daukisa. Witin nani ai wauhkataya watla nani ba tara brisa, ai kwalka un nani ba sin tara daukisa.

Matiu 25:13

Bara kau pura praki Jisas witin nani ra win: —Man nani aihwaki bas, yang balaia yua, bara awarka ba sin kaikras sma bamna.

Matiu 25:7

Baha tiara nani ba sut mahka bûi, ai lampka nani ridi daukan.

Apastil Nani Sturka 18:23

Bahara yu tila nani luan, ningkara kli taki impakan plis wala nani ra, Galesha ra bara Frigia ra sin; bahara iwi kristian nani sut tâ baiki kan.

Kli Smalkanka 3:28

Jasua ra smalki, tâ baiks ai karnika bribia, kan witin sika upla nani kainara wabia, witin mita sika upla nani ra baha kuntrika ba yabia, man baha pliska kaikisma ba.’

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.

1 Pita 5:8

Tânkira watauki bara aihwaki bas; kan waihlam dibil ba ya ya piaia wisi, layan ihbi baku pliki taukisa.

Param Marikanka 16:15

“Man nani kaiks, yang na bîli kaikras kan aulni, âimplikra baku. Yamni pali sa, ya aihwaki bara ai kwalka sin ban bri ba, witin ba kwala âpu takbiara sîa, bara upla sut mawanra sin ai swira takbiara sîa.”

Param Marikanka 2:4

Kuna mampara diara kum brisna: baha ba lika, pas latwanka lâka bri katma ba tikram sa.

Param Marikanka 3:1

“Sardes sertska insalka ra sin ulbi wis: ‘Gâd spiritka 7 bri ba bara slilma sin 7 bri ba naha aisisa: Dîa daukisma ba, yang sut kaikisna, bara kaikisna man ba pruram sa sakuna sturka brisma ba lika raya sma.

Param Marikanka 3:3

Kupiam krauki bas smalkanka briram ba, bara baha nina blîks bara kli tawi Gâd ra bal. Man raya apia kama kaka, âimplikra baku man ra wamna, bîli kaikras kama ba ra.