Param Marikanka 3:18 - DAWAN BÎLA AISKA

¹⁸ Baha mita, man ra mai smalki mai wisni, yang wina gul pauta ra pain pali slilkan ba atkma, bara baha mita kasak pali yuyakira kama. Yang wina sin kwala pihni atks, bara wînam kwala âpu swiram kira ba dimaia. Yang wina sin wan nakra saika atks, bara namkra diara kaikaia sip kama.

Param Marikanka 3:18 ပူးပေါင်းရင်းမြစ်များ

Lawana Nani 107:11

Dawan adarka nani mapara buan tâka, Laih Purara iwi ba warkka nani ra bahki kulkan bamna.

Lawana Nani 16:7

Yang bui Dawan ra yamni wimni, witin ai smalki ai tapahkisa bamna; bara yang kupi lukanka ba, tihmia ra ai smalki wapni ai daukisa.

Lawana Nani 32:8

Dawan ba naku aisisa: “Man kat yang mai kaikisni. Yang mai smalki mai wimna, yabal ba mamrikamna man anik waia sma ba.

Lawana Nani 73:24

man sins lâka mairiki, ai brih taipahkram naha diara sut lubiara, man kulkanka aikma.

Sins Lâka 1:25

Kau ni maipara bahki kulkram, yang kupiam kraukanka maikri ba, man brin mai daukras kan, yang smalkanki ba sin.

Sins Lâka 1:30

Yang kupia kraukanka yabisna ba, brin daukras sa; yang smalkanki ba saura kulkisa.

Sins Lâka 19:20

Lâ tânka mai smalki ba wals, bara kupia krauki ba alki bris, baha mita man almuk takma bara sinskira kama.

Sins Lâka 23:23

Kasak tânka ba bara sins lâka ba atki bris, smalkanka bara diara tânka alkaia ba, ¡atkrika wabiara!

Smasmalkra 8:2

King adarka nani ba dauks, man baku Gâd nina mâki âu takram.

Aiseya 47:3

yabrika wînam ba kwala luha kaprika mai kaikbia, âu, dîa susu pali kama, kan pana mana aibapaia daukamni bara upla kumi sin ai takaskbia apia.”

Aiseya 55:1

‘‘Diran dauki nani sut, man nani bal lî nâra sa dis; lalah âpu nani, man nani sin bal, mana luha plawar pis; wain laya, tialka laya sin, mana luha bris.

Jirimaya 13:26

Yang sin sut susu mai daukaisna upla mawanra mai swiaisna swiram takaia.

Daniel 12:2

Raiti ra yapi banhwi ba ailal pali kli buan kabia: manis raya ban kaia lâka ba bribia, bara wala nani ra lika swira lâka bara pât ban kaia ra takbia.

Miqueas 1:11

¡Safir tawanka uplika nani, man nani kwala âpu, swira lâka ba wal, kangbi mai sakan tasbaya ra taki was! ¡Zaanán tawanka ra iwi uplika nani ba, baha wina bal takaia lukbiara! ¡Bet-ésel uplika nani sari ini banhwisa, bamna man nani ra sip tâm baikbia apia!

Nahum 3:5

Dawan karnika sut bri ba, naku aisisa: “Kaiks, yang Dawan, nahara man mampara bui nâra sni, prâmka ba buki lamla purara kat sunamna, bara nisan nani sut mai kaikbia man kwala luha takram ba; mamwan swira ba, king tasbaya nani sut kaikbia.

Malaquía 3:3

Dawan bal iwbia prîs nani Libai kiamka nani ba sunu daukaia, silbar bara gul slaslilkra nani pauta klauhan ra kiski tâskika saki ba baku. Baha kat lika witin nani daukaia kata ba baku dauki si, prisantka nani Dawan ra brih balbia.

Matiu 13:44

“Gâd king aimaki lâka ba tasba kum ra diara manira yukukan ba baku sa. Baha ba upla kum sakisa, bara baha sim tasbaya ra yukukisa. Ai lilia bamna, ai dukia nani bri ba sut wauhi atki muni, baha tasbaya atkisa.

Matiu 25:9

Sakuna tiara sinskira nani ba mita pana win: ‘Apia, baku lika yang nani briaia bara man nani briaia sin lamp laya ra aitani kabia apia. Kau yamni sa atki pliska ra wama kaka, bara man nani dukiam atki brima.’

Luk 12:21

Upla ra baku takisa, ya ai wîna dukiara baman luki diara suni ba ra, sakuna Gâd mawanra diara âpu pali ba.”

2 Korint 5:3

baha ba prâk baku wan dingkan kabia, prâk âpu wan taya baman ba baku kaia apia ba mata.

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.

1 Timoti 6:18

Witin nani ra smalki wis, diara pain ba daukbia, bara wark yamni nani mapara yuyakira taki kabia, bara wilin kabia dîa bri nani ba upla wala nani aikuki yui briaia.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

1 Pita 1:7

Kan man nani kasak lukankam lâka ba, gul baku sa; baku bamna pauta ni trai munan kaia sa, pain, apia kaka, saura sapa kaikaia dukiara. Ani kasak lukanka lâka baha traika kaikan ra bapi bubia kaka, gul purkara kau mana tara sa; bara gul ba lika âpu takisa. Bamna, kasak lukankam lâka baku trai munan kabia ba ra, Jisas Kraist param takbia ba ra, man nani lika brima mayunra lâka, prana bara pain kulkan lâka ba.

Param Marikanka 16:15

“Man nani kaiks, yang na bîli kaikras kan aulni, âimplikra baku. Yamni pali sa, ya aihwaki bara ai kwalka sin ban bri ba, witin ba kwala âpu takbiara sîa, bara upla sut mawanra sin ai swira takbiara sîa.”

Param Marikanka 19:8

mairka bara linin kwalka painkira, klin bara ingnikira yan diman sa.” Linin kwalka pain ba lika, Gâd uplika nani ai rayaka wapni bri ba tânka sika.

Param Marikanka 2:9

Man pât nani wahwisma bara umpira sma ba sut yang kaikisna, man lika yuyakira sma sakuna. Witinka nani ai nina Ju mâki ba bara mampara saura aisi ba sin kaikisna, sakuna baha nani lika Ju apia sa; baha nani lika Sitan daknika uplika nani sa.

Param Marikanka 3:17

Kan man ba lalahkira wisma, bara diara sut mapara pain baman, bara diara luha apia sma; sakuna damra walras sma man ba trabil saura ra sma, umpira pali sma, diara âpu, blain, bara kwala sin âpu.

Param Marikanka 4:4

Naha kingka iwaika ba kir, king iwaika kau 24 bâra kan kaikri, bara baha nani ra almuk 24 iwi kan, baha nani ba kwala pihni dimi bara ai lal purara gul kraunka nani bri kan.

Param Marikanka 7:13

Bara almuk nani ba wina kum, yang ra ai makabi walan: “¿Naha nani kwala pihni dimi nani na, ya sa? ¿Bara ani wina witin nani balan?”