Param Marikanka 3:1 - DAWAN BÎLA AISKA

¹ “Sardes sertska insalka ra sin ulbi wis: ‘Gâd spiritka 7 bri ba bara slilma sin 7 bri ba naha aisisa: Dîa daukisma ba, yang sut kaikisna, bara kaikisna man ba pruram sa sakuna sturka brisma ba lika raya sma.

Param Marikanka 3:1 ပူးပေါင်းရင်းမြစ်များ

Luk 15:24

Kan naha luhpi waitna pruan kan, kli rawan; tiwan kan, yawan bui witin na kli sakan sa.’ Bamna mahka lilia daukan.

Luk 15:32

Sakuna nanara lika pain sa yawan lilia tara daukaia, kan muihkam pruan kata ba kli rawan sa; witin tiwan kan ba, kli yawan sakan sa.’

Jan 1:16

Yang nani sut witin ai yuyaka tara nani ba wina, yamnika sât sât nani bri banhri sa.

Jan 1:33

Baha kat sin yang lika witin ba ya sapa kau kaikras katna; sakuna witinka lî ni tahbi daukaia ai blikan ba mita ai wisata: ‘Ani waitnika purara Spirit Holikira ba bal iwi takaskan kaikma ba, baha mita sika Spirit Holikira ni tahbi dauki ba.’

Jan 20:22

Jisas mita disaipil nani sut ra ai wingka puhbi, naku win: —Man nani Spirit Holikira ba bris.

Jan 3:34

bamna Gâd mita blikan uplika ba, Gâd bîla nani ba aisisa, kan Gâd mita ai Spiritka ba piua bani yabisa.

Apastil Nani Sturka 2:33

Baku bamna, Gâd mita ai mihta aihkika ba ni witin ba purara pali bukan, bara Spirit Holikira witin ra yan, Aisa mita pramis munan kan ba. Bahamna, diara nani sut man nani walisma na bara kaikisma na sin, witin wina atia sa.

Epesus 2:1

Blasi man nani watawika lâka tâka saurka lâka tilara pruram katma.

Epesus 2:5

bamna yawan na Kraist wal aikuki asla raya kaia lâka ba wankan sa, kau wan saurka nani tâka mita pruan kan ba piua ra. Baku bamna, Gâd latwanka lâka ba mita man nani sut swaki mai sakan sa.

Kolosi 2:13

Piua luan ra, man nani sut lika spiritkam mapa ra pruram nani katma saurkam nani ba tâka mita, bara Aisa sainka briras kapram ba mita sin; sakuna nanara, Gâd mita Kraist ra mai praki raya kaia lâka asla ba maikan, bara saurkam nani sut sin swin tiwan sa.

1 Timoti 5:6

Sakuna ani piarkika ai wîna brinka ra iwi nani ba, witin ba raya kabia kuna pat pruan baku sa.

Jems 2:26

Wan wîna tara ba spirit âpu kaka, pruan sa; bara kasak lukan lâka daukanka yamni ba maikras kaka, baha sin pruan sa.

1 Pita 1:11

Kraist Spiritka mita, patitara piua wina pât wahwaia kan ba prapit nani ra param mariki kan, bara baha ningkara prana balaia kan ba sin; bara witin nani baha uplika ba ya sapa pliki sakaia trai muni kan, bara baha Spiritka witin nani ra iwi kan ba mita piua mariki kan ba, ani sapa sin kaikaia pliki kan.

Judas 1:12

Man nani aikuki pana pana latwan lâka ra lilia dukia daukisma ba lika, swira lâka pali sa; kan baha liliaka ra witin nani pih bara dih lilia takisa, kuna kulkanka lâka lika âpu pali sa, bara sepad nani baku, witin nani lika ai wîna kat baman main kaikisa. Witin nani sin kasbrika nani lî âpu kan, pâsa mita brih auya ba baku sa; dus nani ai piua kat sin mâ sakras kan, ai plamaya wina daikan bara aima wâl pruan ba baku sa.

Param Marikanka 1:11

bara yang ra ai win: “Dîa dîa kaikma ba sut wauhtaya kum ra uls, bara 7 serts Asia ra ba ra blîks, baha ba naha nani sa: Epesus, Esmirna, Pergamum, Tiatira, Sardes, Filadelfia, bara Leodisia.”

Param Marikanka 1:16

Ai mihta aihkika ra slilma 7 bri kan, bara ai bîla ba sord napa wâl mala ba baku kan. Ai mawan ba lika ingni kan sim wan yu lapta ai karnika aiska ni ingwi ba baku.

Param Marikanka 1:20

Bara naha sika slilma 7 mihti aihkika ra kaikram ba bara kiandil mina sin 7 gul ni paskan kaikram dahra yukukan ba: slilma 7 ba lika serts 7 ba insalka nani sa, bara kiandil mina 7 ba lika sertska 7 ba.

Param Marikanka 1:4

Yang Jan, Asia tasbaya ra serts 7 ba ra ulbisna. Gâd wina yamnika nani bara kupia kumi lâka ba man nani bris, witinka bâra ban ba, ban kan ba, bara naika balaia ba; spirit 7 ai king iwaika mawan kat ba wina sin,

Param Marikanka 2:13

Yang kaikisna, man ba Sitan king aimaki pliska ra iwisma, sakuna man lika yang tâiwan kasak pali ban sma. Antipas mita, yang witniski kasakkira ba, man nani tilamra Sitan iwi pliska ra ikan piua ra, man lika yang ra ban kasak luki kapram.

Param Marikanka 2:19

Dîa daukisma ba, yang sut kaikisna; latwan lâka brisma ba yang kaikisna, kasak lukisma ba, warkkam daukisma ba, bara ban bapi buisma ba sin. Yang kaikisna nanara man kau wark daukisma tâura daukram ba wal.

Param Marikanka 2:2

Dîa daukisma ba, yang sut kaikisna; wark karna daukisma ba bara ban bapi buisma ba sin, bara kaikisna upla saura dauki nani ba mapara sip ban swiras. Baha nani ai nina apastil mâkisa, sakuna apastil apia bara ai tânka trai kaikram ba sin, yang pain kaikisna; bara kaikram baha nani ba kuninkira nani sa.

Param Marikanka 2:9

Man pât nani wahwisma bara umpira sma ba sut yang kaikisna, man lika yuyakira sma sakuna. Witinka nani ai nina Ju mâki ba bara mampara saura aisi ba sin kaikisna, sakuna baha nani lika Ju apia sa; baha nani lika Sitan daknika uplika nani sa.

Param Marikanka 3:15

Dîa daukisma ba, yang sut kaikisna. Yang kaikisna man ba kauhla apia sma bara lapta sin apia. ¡Aitani lukamna man ba kauhla, apia kaka lapta katma kaka!

Param Marikanka 3:2

Rawi bus, bara diara nani kau brisma ba mahka dutki alki dauks, kau aiska pali pruras ba ra; kan yang kaikri man diara daukisma ba, Gâdki mapara kasak aihwa apia sa.

Param Marikanka 3:8

Dîa daukisma ba sut yang kaikisna; kaiks mamwanra dur kwâkan kum mangkri sa, bara baha ba upla kumi mita sin sip prakras sa; man karnika wiria man brisma, sakuna yang bîli ban wali kapram ba ra, yang ai kulkaia apia wiras kapram.

Param Marikanka 4:5

King iwaika ba wina imyula nani, bin nani bara alwani nani sin taki kan; bara king iwaika mawanra pauta lakni lampka 7 klauhi kan, baha nani lika Gâd spiritka 7 ba.

Param Marikanka 5:6

Bara king iwaika ba diara rayakira walhwal ba lilapas, almuk nani ba lilapas kat, Sîp Luhpia kumi bûi kan kaikri, baha ba ikan baku kata. Witin ba aringka 7 bara nakra sin 7 bri kan; baha Gâd spiritka nani 7 tasba aiska ra blikan ba.