Param Marikanka 22:14 - DAWAN BÎLA AISKA

¹⁴ Lilia pali sa ai kwalka nani tuski nani ba, raya kaia dusa ba wina briaia ai raitka briaia, bara sin durka nani bâk tawan ra dimaia sip kaia.

Param Marikanka 22:14 ပူးပေါင်းရင်းမြစ်များ

Blasi Sturka 2:9

Bara tasba ba wina yan dus nani pranakira sât sât pâwan, baha mâ nani ba sin kaiki aihni pin wan dauki sâtka ba. Baku sin giadin lilapas kat yan pâwan raya kaia dusa ba, bara diara yamni bara diara saura ba wal tânka kaikaia dusa ba sin.

Blasi Sturka 3:22

Bara Gâd win: “Nâra kaiks, nanara upla ba yawan nani kumika baku takan sa, yamni bara saura ba wal tânka kaikisa. Nanara kaiks, witin ai mihta sâkbia raya kaia dusa ba wina sin brih pibia, bara witin pruras ban kabia ba sîa.”

Lawana Nani 112:1

¡Dawan ba mayunan kabia! Yamni pali sa baha waitnika, Dawan kulki nani ba, bara ai lâka bîla kat wali dauki ba.

Lawana Nani 118:20

Naha sika Dawan durka ba, baha bâk sika upla kasak nani ba dimbia.

Impakan Sturka 19:10

bara Dawan kli witin ra win: —Was bara upla nani ra wis, naiwa bara yauhka wal ba, witin nani ridi takaia sa yang ra mayunra kum dauki aikaia. Witin nani ai kwalka nani ba tuski sakaia sa,

Daniel 12:12

Lilia pali kabia baha upla kasak luki bîla kaiki kabia ba, 1,335 mani lubia ba kat.

Jan 10:7

Bamna Jisas kli parisi nani ra win: “Kasak pali man nani ra mai wisni: Yang sika sîp nani dimaia durka ba.

Jan 10:9

Yang sika dur ba: bamna ani uplika yangku dimbia ba, swaki sakan kabia. Bara witinka ba lika sîp kumi klarka ra dimi si, ai pata pliki taki auya baku kabia.

Jan 14:15

“Bamna man nani latwan ai kaikisma kaka, lâika bîla nani ba wali dauki kama.

Jan 14:6

Jisas bila: —Yang sika yabal ba, kasak tânka ba bara rayaka ba sin. Yang bâk baman sip sa Aisa ra waia.

Jan 4:12

Yang nani damiki Jekob naha liwanhta na wankan; witin pali sin naha wina din, ai luhpia nani bara ai daiwra nani sin. ¿Bamna dîa man kau tara sma ki witin ba wal?

1 Korint 7:19

Aisa sainka bri, kaia apia kaka âpu kaia ba lika, bahki sa; Gâd lâka nani bîla wali daukaia ba sika diara tara ba.

1 Korint 8:9

Sakuna, aman kaiki bas, baha pri lâka bri banhwisma ba mita, yarka witinka nani ai kasak lukan lâka mapa ra swapni ba saura lâka ra batakbiara.

1 Korint 9:5

bara baku yang sin kristian mairin kum mayi brih taukaia, apastil wala nani dauki ba baku, Dawan muihnika nani sin, bara Pita sin.

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

1 Jan 3:3

Bara upla bani naha bîla kaikanka Kraist ra bri ba, witin ai wîna ba holikira sakisa, sim Kraist holikira ba baku.

1 Jan 5:3

Baku bamna, Gâd ra latwan kaikaia ba lika ai lâka bîla nani sin wali daukaia sa; bara ai lâka bîla nani ba mita wirha wan taibras sa.

Param Marikanka 2:7

¡Ya ai kiama bri kaka, Spirit mita serts nani ra wi ba pain walaia sa! Ya ya sip muni pura lubia ba, raya kaia dusa Gâd paradaiska ra ba wina, yang mita yârika pibia.’

Param Marikanka 21:12

Tawanka ba kir walpa ni kutban kan, baha ba tara bara purara pali; get 12 bri kan bara getka bani ra insal kum. Israel taika nina 12 ba sin getka nani ra ulban kan.

Param Marikanka 21:27

Sakuna tâski dukia kumi sin, upla diara saura pali bara kunin sin aisi ba, bahara sip dimbia apia. Baha nani ai nina ba raya kaia wauhkataya Sîp Luhpia bri ba ra ulbi mangkan ba baman, tawanka ba ra dimbia.

Param Marikanka 22:2

Tawan wakpaska lilapas ra bara awala baila wâlsut ba ra raya kaia dusa ba pâwi kan kati bani ai mâ saki kan, baha sika mani kumi bilara ai mâ 12 saki kan; bara dusa wahia nani ba nisan nani ba rakaia dukiara kan.

Param Marikanka 22:7

Jisas bila: “¡Wals, yang aihni aulni! ¡Yamni pali sa ya naha wauhkataya ra Gâd dahra aisin nani bîla kat bîla wali dauki ba!”

Param Marikanka 7:14

Yang bui wîri: “Dawan, man baman kaikisma; yang lika kaikras.” Bara witin ai wisata: “Naha nani sika trabil tara bâk lui aula ba, bara ai kwalka nani tuskan ba Sîp Luhpia ba tâlia ra pihni daukan sa.