Param Marikanka 22:12 - DAWAN BÎLA AISKA

¹² “Âu, yang aihni aulni. Kumi bani ra mana yabaia sna ba yang brisna, bara dîa daukan ba kat yang mana ba yabamni.

Param Marikanka 22:12 ပူးပေါင်းရင်းမြစ်များ

Job 34:11

Witin lika upla bani ai warkka nani ba kat mana aibapisa, upla bani dîa briaia ba kat yabisa.

Lawana Nani 28:4

Ai warkka mana ba yas, dîa witin nani briaia ba, ai daukanka saura ba mana; upla wala ra dîa munan mana ba ni kli aibaps, saurka nani daukan ba kulkanka mana ba kat.

Aiseya 40:10

Kaiks, Dawan ba ai karnika wal aula bara witin Dawan aimakbia. Ai uplika nani brih aula witin holi atki saki brin ba.

Aiseya 62:11

Dawan mita naha sturka na maisa pakisa tasba aiska ra upla sut walaia: “Man nani Saion tawanka ra wis: Kaiks man sasakrikam ba pat aula. Dawan lika ai uplika nani ba wal aula, ai warkka daukan ba mana witin ai mawanra yabia.”

Jirimaya 17:10

Yang, Dawan, upla kupia tânka pliki kaikisna, bara lukanka nani ba tihuka ra kaikisna; witin nani dîa briaia aitani ba kat kumi bani ra mana yabisna.”

Sofonías 1:14

¡Dawan yua tara aula ba, pat baila sa! ¡Pat klutka sa, baku sin isti pali aula! Dawan yua binka tara ba, saura, tahpla pali kabia, ¡kau kupia karnakira nani ba sin ini wini kabia!

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Roman 14:12

Baku bamna, yawan kumi bani wan tânka ba saki Gâd ra param wibia.

1 Korint 3:14

Ani uplika utla tara mâkan ba, pauta klauhan ba mapara ban bapi bubia kaka, witin lika ai mana bribia.

1 Korint 3:8

Mangki uplika nani ba wih lî laiki nani ba wal kumi sa; sakuna Gâd mita kumi bani ra ai warkka daukan ba kat ai mana yabia.

Param Marikanka 11:18

Nisan nani ba kupia baiwisa, sakuna man lawankam yua ba balan sa, pruan nani lâka daukaia piua ba sin, bara dukiam dadaukra nani man damhra aisi kan ba ra ai prisantka ba yama, holikira nani ra, bara ninam kulki nani ra sin, tara nani, apia kaka, sirpi nani kabia sin. Naha tasba sauhki uplika nani ra, sauhki tikaia katma piua ba balan sa.”

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.

Param Marikanka 20:12

Bara pruan nani ba kaikri, tara nani bara sirpi nani, Gâd mawanra ai mina ra bûi kan. Wauhkataya nani ba kwâkan kan, bara wauhkataya wala sin kum, baha sika raya kaia wauhkataya ba. Pruan nani ba dîa dauki kan ba kat lâka daukan kata, dîa baha wauhkataya nani ra ulban ba kat.

Param Marikanka 22:20

Naha tânka latan aisasara ba mita naku wisa: “Âu, yang aihni aulni.” Baku kabia. ¡Bal, Dawan Jisas!

Param Marikanka 22:7

Jisas bila: “¡Wals, yang aihni aulni! ¡Yamni pali sa ya naha wauhkataya ra Gâd dahra aisin nani bîla kat bîla wali dauki ba!”

Param Marikanka 3:11

Yang aihni aulni. Bamna dîa brisma ba pain alki bri bas, upla kumi mita sin prisantkam ba mihtam wina dakbi bribia.