Param Marikanka 21:1 - DAWAN BÎLA AISKA

¹ Baha ningkara, yang kasbrika pura raya kum bara tasba raya kum sin kaikri. Kasbrika pura pas kata ba, bara tasba pas kata ba sin lap tiwan, bara kabu sin kli âpu kan.

Param Marikanka 21:1 ပူးပေါင်းရင်းမြစ်များ

Aiseya 27:1

Baha yua ra Dawan mita klala karna yabia ai sordka tara, karnakira ba ni, Leviatán ra, piuta plaplapra ba, Leviatán piuta âuya mâira ba, bara dragun ba ikbia kabu ra bâra ba.

Aiseya 51:11

Kasak pali Dawan mita atki sakan nani ba, baku kli tawi balbia; aiwani kli tawi balbia Saion ra bara ai lal nani purara kaiki, lilia lui waras ba liliaka bâra kabia; lilia aihwa ba bribia, bara sari lâka bara ai mamna lulkanka ba sin lap tiwbia.

Aiseya 57:20

Sakuna saurakira nani ba sin, kabu praut taki ba baku sa, sip sâp takras, buhutni drapapa laya manis saki ba baku kabia.”

Aiseya 66:22

Baku sin Dawan kasak aisin: Kasbrika purara raya bara tasba raya ba baku yang paskaisna baha nani bâra ban kabia, baku sin man nani kiamkam nani ba bâra ban kabia, bara ninam ba sin.

Daniel 7:3

Tisku kan, kabu wina daiwan tara walhwal uli balan, kumi bani ba sât aihka kan.

Roman 8:21

kan paskanka aiska ba alba kaia lâka ba wina bara sauhki tikaia lâka ba wina pri sakan kabia, baku mika witin nani sin Gâd luhpia nani pri sakan pranakira ba tilara ai dukia bri kabia.

2 Pita 3:10

Sakuna Dawan yua lika balbia, bîla kaikras ba piua ra, sim âimplikra tihmia ra aula ba baku. Bamna bin tara ni kasbrika purara nani sut âpu daukan kabia, bara dîa dîa bilara ba pauta mita âpu daukbia, bara tasba na sin dîa dîa bilara ba sut aikuki, Gâd lâ tara daukbia ba ra kahban kabia.

2 Pita 3:13

kuna yawan lika, Gâd pramis taki win ba kat, kasbrika raya bara wan tasba raya ba bîla kaikisa, bara bahara lika diara sut ba kasakkira bara pain baman kabia.

Param Marikanka 13:1

Bara yang daiwan saura kum kabu wina bal uluya kan kaikri; witinka ba lal 7 bri kan, bara aringka matawalsip. Ai aringka bani ra kraun kum bri kan, bara ai lal nani ra Gâd kupia sauhkaia nina kum ulban kata.

Param Marikanka 20:11

Bara yang lika king iwaika pihni kum kaikri, baha purara iwi kan ba sin. Ai mawan wina tasba bara kasbrika pura ba aiska lap tiwan, bara baha nani pliska kumi sin sip kaikras kan.

Param Marikanka 21:5

Bara king iwaika ra iwi kan ba naku aisin: “Kaiks, nanara yang diara nani ba sut raya daukisni.” Naku sin win: “Naha na uls, kan bîla nani na kasak sa bara baha nani kat kasak kulkaia aitani sa.”

Param Marikanka 6:14

Kasbrika purara lap tiwan wauhtaya kum karbi blaki ba baku, bara il nani ba sut, kî dakura nani ba sin ai pliska nani wina kitban kan.