Param Marikanka 2:7 - DAWAN BÎLA AISKA

⁷ ¡Ya ai kiama bri kaka, Spirit mita serts nani ra wi ba pain walaia sa! Ya ya sip muni pura lubia ba, raya kaia dusa Gâd paradaiska ra ba wina, yang mita yârika pibia.’

Param Marikanka 2:7 ပူးပေါင်းရင်းမြစ်များ

Blasi Sturka 2:9

Bara tasba ba wina yan dus nani pranakira sât sât pâwan, baha mâ nani ba sin kaiki aihni pin wan dauki sâtka ba. Baku sin giadin lilapas kat yan pâwan raya kaia dusa ba, bara diara yamni bara diara saura ba wal tânka kaikaia dusa ba sin.

Sins Lâka 11:30

Kasakka lâka ba rayaka yabisa, karnika ni sauhki tiki ba lika rayaka sakisa.

Sins Lâka 13:12

Wan kanra briaia luki ba, wihka takaski ba mita, wan kupia ba sari wahwisa, sakuna yawan brin wan dauki ba bal takan ba ra, raya kaia dusa ba baku sa.

Sins Lâka 15:4

Latwan luki wan twisa tawa aisi ba, raya kaia dusa sa, kuna warha aisi kaka, upla spiritka sauhkisa.

Sins Lâka 3:18

Sins lâka ba, rayaka lâka sa ya baha bri ba; ¡dutki bri alki uplika nani ba, lilia pali sa!

Isikiel 28:13

Eden ra katma, Gâd giadinka ra, mai sakahkan kan walpa pranakira sât sât wal: rubi walpaya, krisulait, jadi walpaya, topas walpaya, karnilian walpaya, jasper walpaya, sapair walpaya, garnit walpaya, esmeralt walpaya; bangkilkam ba bara kiamam lula ba gul ni ridi daukan kan, mai paskan yua wina.

Isikiel 31:8

Yalam dusa kum sin âpu kan Gâd ra giadinka ra witin wal praki kaikaia; awas dusa kumi sin witin tnawa bri ba baku âpu kan, castaño dusa kumi sin wahia ailal briras kan, dus kumi sin Gâd giadinka ra âpu kan witin ai prana ba wal prakaia.

Matiu 11:15

Ya ai kiama bri ba, walbia.

Matiu 13:43

Bara Gâd bîla wali dauki nani ba, ai Aisa king aimaki tasbaya ra lapta baku ingwan kabia. Man nani kiamam brisma kaka, wali banhs.

Matiu 13:9

Man nani kiamam walaia brisma kaka, wali bas.”

Mark 4:9

Bara Jisas kau aisin: “Ya ai kiama bri kaka, aman walaia sa.”

Mark 7:15

Dîa dîa lata wina upla ra dimi ba, sip tâski daukras. Sakuna upla kupia wina taki ba lika, upla ra tâski daukisa.

Mark 7:16

[Man nani kiamam brisma ba, wali bas.]

Luk 23:43

Jisas pana wisata: —Kasak mai wisni, naiwa yang wal man Paradais ra kama.

Luk 8:8

Sakuna mâ wala nani lika tasba pain ra kauhan, bara pâwan, mâ pain yan, mâ bani wina tila handat prais sin sakan.” Jisas naha diara aisin ningkara, witin ai bîla baikra karna wini, naku win: “¡Man nani kiamam nani walaia brisma kaka, pain wali banhs!”

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

1 Korint 2:10

Naha dukia nani sika Gâd ai Spiritka bâk, tânka nani wan marikan ba. Spirit lika diara sut turbi kaikisa, Gâd tânka nani tihu ba sin.

2 Korint 12:4

bara witin ba Paradais kat brih wan, bahara bîla baikra tânka sip briras ba walan, bara baha tânka sip upla kumi ra sin wiaia adar âpu kan.

1 Jan 2:13

Man nani ra ulbisna, aisa nani, diara nani sut kau paskras kan bara witinka pat bâra kan ba kakaira takram ba dukiara. Wahma nani, man nani ra sin ulbisna, dibil ra pura luram bamna.

Param Marikanka 13:9

Man nani kiamam brisma kaka, wali bas:

Param Marikanka 14:13

Bara bîla baikra kum kasbrika pura ba wina yang ra ai aisi kan walri: “Naha na uls: ‘Nanara wina pruan nani ba yamni pali sa, witinka nani Dawan ra lalukra nani taki si prubia ba.’ ” “Âu —Spirit ba baku wisa—, kan witin nani ai warkka karna nani wina ris brin sa, bara ai warkka nani mita ai yula kahbi kabia.”

Param Marikanka 15:2

Glas kabuka baku kum sin kaikri, pauta klauhan abalki daukan; bara witinka nani daiwan saura ba wina, ai lilka wina bara ai nina numbika ra sin sip muni pura luan nani ba, baha glas kabuka lamara kan, Gâd arp nani yaban kan ba brih.

Param Marikanka 2:11

¡Ya ai kiama bri ba, Spirit mita serts nani ra wi ba, pain walbia! Ya ya sip muni pura lubia ba, prura wala ba mita saura kumi sin munbia apia.’

Param Marikanka 2:17

¡Ya ai kiama bri ba, Spirit serts nani ra wi ba, witin walaia sa! Ya sip muni pura lubia ba, manâ yukukan ba wina yang mita yârika pibia; bara walpa pihni kum yabamna, bara baha walpaya ra nina raya kum ulban sa baha ba upla kumi sin kakaira apia, uplika brisa ba baman.’

Param Marikanka 21:7

Bamna ani uplika nani sip muni pura lui bubia ba, naha sut ai dukia bribia; bara yang na witin nani Gâdka kamna, bara witin nani ba yang luhpi nani kabia.

Param Marikanka 22:14

Lilia pali sa ai kwalka nani tuski nani ba, raya kaia dusa ba wina briaia ai raitka briaia, bara sin durka nani bâk tawan ra dimaia sip kaia.

Param Marikanka 22:17

Spirit Holikira ba bara Sîp Luhpia maya mairin ba naku wisa: “¡Bal!” Bara wali uplika ba wiaia sa: “¡Bal!” Ya din dauki ba, balaia sa; ya brin dauki ba, raya kaia laya ba mana luha dibia.

Param Marikanka 22:2

Tawan wakpaska lilapas ra bara awala baila wâlsut ba ra raya kaia dusa ba pâwi kan kati bani ai mâ saki kan, baha sika mani kumi bilara ai mâ 12 saki kan; bara dusa wahia nani ba nisan nani ba rakaia dukiara kan.