Param Marikanka 19:8 - DAWAN BÎLA AISKA

⁸ mairka bara linin kwalka painkira, klin bara ingnikira yan diman sa.” Linin kwalka pain ba lika, Gâd uplika nani ai rayaka wapni bri ba tânka sika.

Param Marikanka 19:8 ပူးပေါင်းရင်းမြစ်များ

Lawana Nani 132:9

Prîskam nani ba swaki sakan kwalka ni dingkan kabia; uplikam aihwa nani ba ai lilia wini kabia.

Sins Lâka 31:22

Witin krikri ra palkaia kwalka twakni ai mihta ni paskisa, bara kwala kau painkira ba ni ai prâka brih dimisa.

Aiseya 3:23

wan mawan kaikaia glaska nani, linin painkira, prâk pura dimaika nani ba, bara mawan pura prakaika nani sin âpu daukbia.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Isikiel 16:10

Kwala pranakira mai dingkamna, minam dingkaika painkira sin maikri, linin kwalka maisam wilkaika maikri, bara kwalka yamnikira maman sin maikri.

Isikiel 44:17

Witin nani get bâk tempel bîla pali ba ra dimaia wabia bara linin kwalka dimi kabia. Tempel bîla pali ra warkki dauki ba taim witin nani sîp taya prâka dimbiara.

Matiu 17:2

Bahara Jisas wîna tara ba aihka takan witin nani mawan kat. Ai mawan ba ingni pali kan sim lapta baku, bara ai prâka ba pihni pali sim ingni baku.

Matiu 22:12

Bara witin ra win: ‘Upliki, ¿nahki kan man marit kwalka dimras si nâra ban bal dimram?’ Sakuna wala ba diara kumi sin aisaras.

Mark 9:3

Ai prâka lipni bara pihni pali takan; upla kum sin baku kwalka tuski baha sât pihni daukras kan.

Luk 24:4

Witin nani tâ iwan pali takan bara dîa daukaia sapa sin kaikras kan. Baku bamna, witin nani ai lamara waitna wâl bûi kata, kwala ingnikira dimi.

Apastil Nani Sturka 1:10

Witin nani kasbrika purara ai nakra buki kaiki kan, Jisas uli auya kan ba ra, baha piua ra waitna wâl kwala pihni dimi witin nani lamara bal takan.

Roman 13:14

Sakuna, Dawan Jisas Kraist ba ni war aiklabaia prâka baku dims, bara wînam brinka saura nani baman pliki dauki âmyapah kaia upla natka kaia lukpara.

Roman 3:22

Jisas Kraist ra kasak luki ba mita, kasak lalukra nani sut ra Gâd bui kasakkira nani daukisa. Kan sât aihka natka âpu sa:

Param Marikanka 15:4

Dawan, ¿ya man ra sîam briras kabia? ¿Ya sin man ra mamyunras kabia? Kan man baman sika holikira, bara nisan nani sut bal man ra ai pura suni mamyunbia, daukankam kasak nani ba upla sut mita kaikan bamna.”

Param Marikanka 15:6

Dawan wal aisaia watla ba wina baha insalka 7 pât tara 7 bri kan nani ba bal takan. Witin nani ba linin kwalka klin bara ingnikira ni dimi kan, bara gul maisa wila nani ni sin ai lama dusa kir wilkan kan.

Param Marikanka 19:14

Kasbrika purara war daknika nani ba aras pihni nani purara uli, linin kwalka painkira, pihni bara klin dimi, ai nina bliki kan.

Param Marikanka 3:18

Baha mita, man ra mai smalki mai wisni, yang wina gul pauta ra pain pali slilkan ba atkma, bara baha mita kasak pali yuyakira kama. Yang wina sin kwala pihni atks, bara wînam kwala âpu swiram kira ba dimaia. Yang wina sin wan nakra saika atks, bara namkra diara kaikaia sip kama.