Param Marikanka 18:2 - DAWAN BÎLA AISKA

² Bara ai bîla baikra tara ni wini kan: “¡Pat kauhan, pat kauhan Babilon tara ba! Nanara witin na dibil nani bara pirit saura nani watla takan sa; pirit saura tâski nani watla daiwan wail tâski misbarkira nani watla takan.

Param Marikanka 18:2 ပူးပေါင်းရင်းမြစ်များ

Aiseya 14:23

Yang mita swamp baman daukamna, istapla nani pliska daukamni, kaina kutbanka ba wih, sauhki tatikra brumka ba wal pahbamni.” Baha sika Dawan karnika sut bri ba aisisa.

Jirimaya 25:30

“Jirimaya, man bui yang nini ra naha sturka nani na witin nani ra wis: ‘Dawan ba pura wina alwani baku ai bîla baikra ba blikisa, ai iwaika holikira iwi ba wina. Ai sîpka nani ba mapara winisa wain tataibra nani wini ba baku, tasba ra upla nani iwi ba sin mapara.

Jirimaya 51:37

Bara utla slingwan almuk upla dimras baman bâra kabia, suksuk tara nani watla takbia, lasa nani upla nani sut ra sirang iki tasbaya, upla sip bâra iwras tasbaya takbia.

Jirimaya 51:8

Sakuna wan dara walras kan Babilon pat kauhan, yuya sirpi man takan. ¡Man nani lika witin pura mata ins! Sîka nani bri bal insauhkan ba yukaia, rawbia sapa kaikaia.”

Joel 3:16

Jerusalem Saion ilka ba wina Dawan aisabia bîla baikra ba alwani binka baku walbia, bara kasbrika tasba sin mahka tatatwi kabia. Sakuna Dawan ba ai uplika nani, Israel luhpia nani ba, yukuwaika kan kahbaika ban kabia.

Sofonías 2:14

Watla nani sut daiki tikan kabia, bara baha watlika ra, sîp daknika nani bahara dimbia, daiwan wail nani sâtka sut sin. Watla slingwanka ra, iskri nani, sikiski nani dimi yapi kabia, katauhkatauh nani sin windarka dusa ra uli katauhki kabia.

Param Marikanka 1:15

Ai mina nani ba ingwi kan bras slilki lipni pali daukan ba baku; bara ai bîla baikra ba lika karna kan, sim lî aubra binka baku.

Param Marikanka 10:3

Bara ai bîla baikra tara ni winan, sim layan kum ihbi ba baku. Witin winan ba ra, alwani 7 ba ai bîla baikra nani saki winan.

Param Marikanka 11:8

Ai wîna tara nani pruan ba, wan Dawan dus prihni ra saban tawanka tara wakpaska nani ra prawi kabia. Baha nina ba pirit tânka mapa ra Sodoma mâkisa, Idsip sin.

Param Marikanka 14:15

Bara tempel ba wina insal wala kum takan, bara ai bîla baikra tara ni kasbrika purara iwi kata ba ra wini kan: “Ispara ba ni mâ ba klaks; kan piua ba balan sa, bara insla mâ tasba ra ba pat pihwan sa.”

Param Marikanka 14:8

Insal wala kumi baha nina blikan, bara naku wisata: “¡Pat kauhan! ¡Babilon tara ba pat kauhan sa, witin ai tâskika lâka wainka laya ni upla nani sut ra dakaki bla ikan bamna!”

Param Marikanka 16:13

Bara yang kaikri dragun, daiwan dahra aisasara kuninkira nani ba bîla wina, pirit saura yumhpa pikpik baku taki kan.

Param Marikanka 16:19

Tawan tara ba baikanka yumhpa ra kriwan, bara tasba aiska tawanka nani ba sut kauhan. Babilon tawanka tara ba dukiara Gâd ai kupia kraukan, ai kupia baiwanka tara wainka laya blikan ba yaka lanhkaia dukiara.

Param Marikanka 17:18

Mairin kaikram ba lika baha tawanka tara ba sika, naha tasba kingka nani purara karnika alki taibi bri ba.”

Param Marikanka 17:5

Ai lal purara sin dahra prakan nina kum ulbi bri kan: “Babilon tara ba, mairin rugkira nani yaptika bara tasba ra misbara lâka nani ba sut yaptika sin kan.”

Param Marikanka 18:10

Witin nani Babilon rausauhkanka ba sîa laihura takaski, naku aisi kabia: “¡Alai, alai, Babilon, tawan tara, tawan karnikira! Wan nakra klipan kum ra klalkam balan sa.”

Param Marikanka 18:21

Bara insal karnakira kum ba walpa kum bukan, baha ba akbaia walpaya tara baku kan; bara kabu ra lulki, naku win: “Babilon, tawan tara ba, sim naha walpaya naku mai batakan kabia, bara upla kumi sin kli mai kaikbia apia.

Param Marikanka 5:2

Insal karnakira kum kaikri, bara witinka ba ai bîla baikra tara ni wini, makabi wali kan: “¿Ya ba aitani sa sîl nani ba kriki, wauhkataya ba kwâkaia?”