Param Marikanka 18:13 - DAWAN BÎLA AISKA

¹³ bara sinimint, sîka kîa yamni nani, dus mâka kîa yamni nani, bara isint, wain, batana, plawar kau pain ba, plawar sin; wark takaia daiwra nani sin brih balan, sîp nani, aras nani, karita nani, alba nani, upla rayaka nani sin.

Param Marikanka 18:13 ပူးပေါင်းရင်းမြစ်များ

1 King Nani 10:10

Bara kwin ba mita king ra yan gul 5 ton bahmuna, isint kîa painkira bara diara sâtka ailal pali, walpa manakira nani, kau aima kumi sin baku isint nani briras kata, Sabá kwinka bui Salaman ra yan ba.

1 King Nani 10:15

diara wauhi atki uplika nani wina lal man aibapi kan ba lalahka nani, baku sin Arabia kingka nani bara baha tasbaya ra wihta tara nani ba wina sin lalah bri kan ba kulkras kata.

1 King Nani 10:25

Bara witin nani sut wina mani bani diara nani, silbar, gul, prâk nani, aiklabaia dukia nani, kîa painkira nani, aras bara muyul nani sin bri sal ai prisantka yabi kan.

1 Kronikas 5:21

Ningkara ai waihla nani daiwra nani ba brih wan, baha lika 50,000 kiamil nani, 250,000 sîp nani bara 2,000 biriku nani. Baha purkara, silak ra alki brih wan ba asla lika 100,000 upla nani kata.

2 Kronikas 9:9

Bara baha wina kwin ba gul 5 ton bahmuna, isint kîa pain nani, walpa manakira nani ba ailal pali king ra yan. Kau aima kumi sin baku isint ban ailal pali Israel ra brih waras kan, baha Sabá kwinka Salaman ra bri si yan ba baku.

Nihimaya 5:8

Bara witin nani ra naku wîri: “Yang nani nahki sip katna ba kat wan muihni Ju nani ba swaki sakaia daukri, upla sât wala nani ra atkan kan ba mihta wina; ¿bara nanara man nani mita kli muihkam nani ba alba kaia atkisma, bara yang nani bui witin nani ba atki pri sakaia sna ki?” Bara baku witin nani ai bîla praki sâp banhwi kan, diara kumi sin aisaia âpu kan.

Impakan Sturka 21:16

“Ani uplika bui upla kum ra alki priski lâka ra bri si, pâtkas atkan wan sa kaka, witin ba sin pât ra laki ikan kaia sa.

Sins Lâka 7:17

Yang mita purara isint kîa pain nani laikri sa; sîka mâka kîa painkira, alus bara sinimint aihwa sin.

Yamni Kulki Lawana 1:3

Batankam laya kîa ba, wan kakma ra kiawalaia auhni pali sa, man ninam mâkisa, batana laya kîa pain laiwan ba. ¡Baha mita mairin nani ba, uba pali laik mai kaikisa!

Yamni Kulki Lawana 3:6

¿Baha ba dîa ki, upla iwras tasbaya wina taki aula ba, impaki aula ba kiasma tara nani tilara, sîka mâka kîa painkira kiasmika tilara bara awas mâka kîa tilara sin bara isint sâtka kîa pain nani sut kira?

Yamni Kulki Lawana 5:5

Yang laitwankira waitna ba durka sakaia buri, mihti nani wina, baku sin mihti sirpi nani wina, sîka mâka kîa painkira laya tahwan dur bukutbaika ba purara. ¡Bîla baikra ba walri ba ra, pat yang pruisna daihra walri!

Aiseya 50:1

Dawan aisisa: “¡Man nani lukpara waitna ai maya lulki swi ba baku, yang, Israel ba lulki swiri, apia kaka witin nani alba baku man nani ra atkri, witin nani ba yang wal tras diman aibapras ba tâwan! Wals man nani watawikam lâka ba mita sika mai atkan ba; man nani maipara buaia lâka brisma ba mita sika yaptikam Israel mita mai lulki mai swin ba.

Isikiel 27:13

Baku sin Grik tasbaya, Tubal bara Mésec man wina diara atki kan, baha mana alba bara bras maikaia win.

Emus 2:6

Dawan naku aisisa: “Israel luhpia nani ba saura ailal pali daukan, bamna yang bui witin nani ba klala yabras ban swimna apia; upla kasakkira nani pât luha ba ra, lalah mana atkan wisa; upla umpira nani ra lika, sûs maya kum mana atkisa.

Emus 6:6

Kahmi tara ra wain laya laiki disma, batana laya kîa damni ba aimakisma. ¡Sakuna Josep tawanka slingwan kabia ba dukiara lika man nani sari briras!

Emus 8:6

¡Baku yawan umpira nani ba, kau rausauhki umpira lâka ra brih wabia, baha nani ai umpirka tâka mita, yawan ra ai wîna tara aiska alba kaia dukiara atkbia, ai traska nani aibapaia wisi, ban kra sûs kumi baman mana tras bri kabia sin! Plawar mâ aisawan nani ba sin witin nani ra atkbia.”

Kli Smalkanka 24:7

“Israel uplika kum mita ai tasbaya uplika ra impliki alba natka ra lakbia, apia kaka atkka wabia, baha ba pruaia pâtka ra lakbia. Baku lika man nani tilamra saurka lâka bâra âpu daukbia.

Kli Smalkanka 28:68

Bara Dawan mita mai win kan Idsip yabal kat kli wama apia, ban sakuna duri tara ra mai mangki kli mai lakbia, bara waihlam nani ra alba baku mai atkbia; kuna upla kum sin atki mai briaia brin daukras kabia.”

1 Timoti 1:10

marit takras tâski lâka dauki nani ba, waitna ai tahkia wal tâski lâka dauki nani ba, upla ai tahkia ra impliki nani ba, kuninkira nani, swer taki kunin aisi nani ba sut, wibia sa kaka, ani uplika nani smalkanka kasak ba mapara bûi ba tani ra lâ ba bâra sa.

2 Pita 2:3

Lalah ra uya want ba mita, kunin smalkanka ni kasak pali mai smalkbia; kuna witin nani ra pât ra lulki swiaia ba lika ai bîla kaikisa, kan witin nani ba pat piua wihka luan wina pât ra lakan sa bamna.

Param Marikanka 18:14

Bara tawanka uplika ra wibia: “¡Dus mâ nani auhnira man bri kapram ba, nanara sip briras sma man uya want katma ba; baha sut man tikram sa, diara painkira nani bara yuyaka nani brisma ba sut!”

Param Marikanka 18:15

Naha dukia nani bisniska dauki, baha tawanka wina yuyakira nani takram ba, klala briaia ba sîa laihura takaskbia. Witin nani ini sari karna wini iwbia,