Param Marikanka 18:10 - DAWAN BÎLA AISKA

¹⁰ Witin nani Babilon rausauhkanka ba sîa laihura takaski, naku aisi kabia: “¡Alai, alai, Babilon, tawan tara, tawan karnikira! Wan nakra klipan kum ra klalkam balan sa.”

Param Marikanka 18:10 ပူးပေါင်းရင်းမြစ်များ

Aiseya 21:9

Bara nanara kaikisna aras wâl wagin kumi raski aula.” Bara upla kum aisi, win: “¡Kauhan, Babilon ba kauhan! Ai aidulka gâdka nani sut tasba ra kauhi kriwi yuya baman takan.”

Aiseya 47:9

Damra walras kira, yu kumi bilara, diara saura wâl ba man ra takbia: piarka bara luhpias takma, ban sukia warkka smaya kaikaia bara yapi kaikaia warkka tnata âpu daukram sakuna.

Jirimaya 30:7

¡Trabil saura piua kum baila aula, baha yua pâtka sât kau takras! Jekob uplika nani sarka piua kum, sakuna yang bui witin nani swaki sakamna.

Isikiel 32:9

‘Mai sauhki tikri dahra ba, kuntri nani kakaira apia sma ba kat wabia, bara yabamna tawan nani ailal ba aihka ai dahra walaia.

Joel 1:15

¡Dawan ai warkka daukaia yua ba, pat baila pali sa! ¡Yua saura pali kabia, sauhki tikanka tara kabia upla nani purara, Dawan karnika tara bri ba mita baha ba brih aula bamna!

Emus 5:16

Dawan karnika sut pali bri ba naku aisisa: “Asla takaia pliska nani sut ra, yahwi inanka bâra kabia; yabal nani sut ra sari pali ai pura wini ini kabia; insla dadaukra nani ra sin paiwbia, witin nani ai tilara bal inaia wibia, upla wala nani ra sin mana aibapi kabia, witin nani ai pura mata inbia dukiara.

Kulki Kaikanka 16:34

Witin nani ai pura wini, ini banhwi kan walan ba ra, Israel luhpia nani baha nani tnaya kir bûi kan ba taki plapi kan, bara aisi banhwan: “¡Tasba yawan ra sin wan langkbia!”

Param Marikanka 11:8

Ai wîna tara nani pruan ba, wan Dawan dus prihni ra saban tawanka tara wakpaska nani ra prawi kabia. Baha nina ba pirit tânka mapa ra Sodoma mâkisa, Idsip sin.

Param Marikanka 14:8

Insal wala kumi baha nina blikan, bara naku wisata: “¡Pat kauhan! ¡Babilon tara ba pat kauhan sa, witin ai tâskika lâka wainka laya ni upla nani sut ra dakaki bla ikan bamna!”

Param Marikanka 16:19

Tawan tara ba baikanka yumhpa ra kriwan, bara tasba aiska tawanka nani ba sut kauhan. Babilon tawanka tara ba dukiara Gâd ai kupia kraukan, ai kupia baiwanka tara wainka laya blikan ba yaka lanhkaia dukiara.

Param Marikanka 17:12

“Aringka matawalsip kaikram ba king matawalsip sika, bara baha nani king aimakaia lâka ba kau briras; sakuna witin nani king aimakaia karnika bribia awar kum prais, daiwan saura ba wal asla.

Param Marikanka 18:18

bara tawanka ami ba kiasmika kaiki, ai pura wini banhwan: “¿Ani tawanka wala naha tawanka tara na wal praki kaikbia?”

Param Marikanka 18:19

Ai lal nani purara yamhpus mangkan, bara ini sari taki, naku ai pura wini kan: “¡Alai, alai, tawan tara ba mapara saura pali sa! Ai yuyaka ni kabu ra slaup nani bri kan ba sut yuyakira takan; ¡bara aihni pali witin ba pat sauhki tikan sa!”

Param Marikanka 18:21

Bara insal karnakira kum ba walpa kum bukan, baha ba akbaia walpaya tara baku kan; bara kabu ra lulki, naku win: “Babilon, tawan tara ba, sim naha walpaya naku mai batakan kabia, bara upla kumi sin kli mai kaikbia apia.

Param Marikanka 18:8

Baha tâwan, yu kumi bilara ai pâtka tara nani ba balbia: prura, sari, bara plun wahwan; witin ba pauta ni angkan kabia. Kan Dawan Gâd, witinka ra lâka dauki ba, karnakira sa.”