Param Marikanka 17:7 - DAWAN BÎLA AISKA

⁷ Bara insal ba ai win: “¿Dîa kan aihka pali lukram sa ki? Yang mita mairka dahra prakan tânka ba mai wimna ba ra, daiwan saura witin ra brih auya dahra prakan ba sin, baha daiwra lal 7 bara aringka matawalsip bri ba.

Param Marikanka 17:7 ပူးပေါင်းရင်းမြစ်များ

2 Tesalonaika 2:7

Baku bamna, saurka dahra yukukan ra ba, pat yabal ra sa; sakuna bîla kaikisa baha alki takaski bri ba tila wina sâkbia ba.

Param Marikanka 1:20

Bara naha sika slilma 7 mihti aihkika ra kaikram ba bara kiandil mina sin 7 gul ni paskan kaikram dahra yukukan ba: slilma 7 ba lika serts 7 ba insalka nani sa, bara kiandil mina 7 ba lika sertska 7 ba.

Param Marikanka 12:3

Baha ningkara kasbrika purara sain wala kum takan: Baha ba dragun pauni kum kan, ai lal 7 bri kan, aringka matawalsip bara ai lal bani purara sin kraun kum.

Param Marikanka 17:8

Bara daiwra saura kaikram ba lika pas piua raya iwi kan, sakuna nanara âpu sa; ban sakuna, witin ba tihu tara ba wina uli balbia ai pruanka tnata pali ba ra waia kainara. Tasba ra iwi uplika nani, tasba paskan wina kau ai nina nani raya kaia wauhkataya ra ulbi mangkras ba, daiwan saura na kaikbia ba ra, aihka pali lukbia. Kan baha ba kanra raya kata, bara nanara lika âpu sa, sakuna witin kli balbia.

Param Marikanka 18:1

Naha ningkara, yang insal wala kum kasbrika pura ba wina bal iwuya kan kaikri. Witin na karnika bri kan, bara ai ingnika ba mita tasba aiska na ingni takan.