Param Marikanka 17:4 - DAWAN BÎLA AISKA

⁴ Mairka na kwala balianta talia bara pauni sin dimi kan, gul ni, walpa painkira nani bara walpa manakira nani ni sin aiskahkan kan. Ai mihta ra gul kapka kum bri kan diara tâski baman banhki, ai rugka lâka dukia saura sin banhki.

Param Marikanka 17:4 ပူးပေါင်းရင်းမြစ်များ

1 King Nani 14:24

Baha tasbaya ra bâra kan, ur waitna bara mairin nani sâtka, bara nisan wala nani saurka lâka nani ba bri, ai gâd bahki ra mayuni kan. Dawan bui Israel luhpia nani mawan wina lulki sakan saurka nani sut alki brih dauki kan.

2 King Nani 21:2

Sakuna witin saura daukan Dawan mawanra, kan nisan wala nani saura daukan ba Israel luhpia nani mawanra bara Dawan mita kangbi sakata ba baku witin daukata:

Esdras 9:11

prapit albikam nani bâk yang nani ra aisaram ba. Yang nani ra ai wiram, baha tasbaya ra yang nani tasbayi briaia auna ba, uplika nani ba saurka lâka ba mita tâski pali takan sa, idan nani ai natka wal, misbara kaikanka nani, watawi dauki tâski pali takan kan baha tasbaika ba.

Aiseya 66:3

Sakuna upla bâra sa bîp wainhka iki sakripais dauki ba, bara waitna kum iki ba sin; sîp mairin kum nana klaki dakbi ba, yul kum nana dusa kriki ba, plun laya prisantka yabi ba sin, bara kwirku tâlia prisantka yabi ba sin; kîa pain angki sakripaiska dauki ba sin, aidul kum ra mayuni ba sin. Bahara misbara kaikaia pura sunra nani ba witin nani dauki ba, witin nani baha dukia nani sut daukaia ba lihkisa.

Jirimaya 51:7

Babilon ba yang mihti ra gul kapka kum baku kan, tasba aiska ba baha wina yan di bla taki kan. Nisan nani baha wainka ba di sinska tiwi kan.

Inanka Nani 1:9

Witin ai kwalka aiska ba tâski ni banhwan sa; baha wina pâtka tara aula ba dukiara lukras kan. Sip kasak lukras nahki muni kauhan sapa; upla kumi sin âpu sa witin ra ai maisa nihkaia. ¡Dawan, kaiks, yang umpirki na, bara waihli nani prautka lâka ba sin!

Isikiel 20:30

“Israel tawanka ra wis: ‘Naku wisa Dawan ba: ¿Dîa muni man nani, almukkam nani baku tâski takaia brinkam sa? ¿Dîa muni yang wal kasak apia sma, aidul yamni kaikras ra mayuni banhwisma?

Isikiel 24:11

dikwa bîla man ba bri si pauta pura ba ra mangks, bras ba pauni pali takbia kat sâks bara tâski ba wina klin takbia, ¡ahkia piua alahmika ba siahwi takbia ba kat!

Isikiel 24:13

‘Jerusalem, yang brinki kan tâski ba wina pri lâka brima, kuna man klin takras kapram. Man klin takma, yang kupi sauhkanka puramra blikamna ba kat lika.

Isikiel 28:13

Eden ra katma, Gâd giadinka ra, mai sakahkan kan walpa pranakira sât sât wal: rubi walpaya, krisulait, jadi walpaya, topas walpaya, karnilian walpaya, jasper walpaya, sapair walpaya, garnit walpaya, esmeralt walpaya; bangkilkam ba bara kiamam lula ba gul ni ridi daukan kan, mai paskan yua wina.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Daniel 11:38

Ban sakuna, kan kahbaika pliska nani gâdka ra mayunbia, ai damika nani bui tânka briras kan ba gâdka ra mayunbia, bara sin yabia gul, silbar, walpa manakira nani bara diara mana tara bri nani ba sin.

Oseas 9:10

Dawan aisisa: “Yang lika Israel wal prawri yua ba, lilia ai daukan, sim upla iwras tasbaya ra wain pâwan kan sakan liliaka baku. Man nani damikam nani ba naikra ra kaiki kapri ba kwah mâ disang baku kan. Sakuna witin nani Baal-peor ra wan piua ra bara kuninkira nani ba gâdka ra tawan. Bara witin nani lika upla bahki pali takan, baha aidulka nani latwan kaiki ba wal baku takan.

Kli Smalkanka 29:17

bahara yawan kaikan gâd kuninkira nani aidul nani dus ni paskan, aitani kulkanka âpu ba, walpa, silbar bara gul ni paskan, baha uplika nani mayuni ba.

Param Marikanka 14:8

Insal wala kumi baha nina blikan, bara naku wisata: “¡Pat kauhan! ¡Babilon tara ba pat kauhan sa, witin ai tâskika lâka wainka laya ni upla nani sut ra dakaki bla ikan bamna!”

Param Marikanka 18:12

diara nani kwahki gulka nani, ai silbarka nani, ai walpaya manira nani, ai walpaya klauhira nani, linin kwalka painkira nani, silk kwalka nani, balianta talia kwalka nani bara kwala pauni nani suni kan ba; dus kîa painkira sât sât, elepant napa ni paskan dukia nani, dus painkira ni paskan dukia nani, bras ni paskan dukia nani, ayan ni bara walpa pihni ni paskan dukia nani;

Param Marikanka 18:16

bara naku wibia: “¡Alai, alai, tawan tara ba mapara saura pali sa! Mairin kum linin kwalka painkira dimi bara kwala balianta talia pauni wal dimi baku kan, bara gul ni, walpa manakira nani bara walpa klauhira nani ni ai wîna tara ba skahki kan.

Param Marikanka 19:2

Kan witin lâ dauki ba wapni bara kasakka lâka kat sa; rug mairin tara kata ba pât ra lakan sa, ai rugka lâka dauki tasba sauhki kata ba; Gâd bui witin ra pana munan sa, ai dukia dadaukra nani ra ikan bamna.”

Param Marikanka 21:21

Getka 12 ba walpa klauhira sâtka 12 ni paskan kan; get kumi ba walpa sât kumi. tawan wakpaska ba gul aihwa pali kan, glas sangnika baku.

Param Marikanka 9:21

Ai kupia sin lakras upla nani iki ba swiaia, sukia lâka nani, bara rug lâka nani, diara impliki nani ba sin swiras.