Param Marikanka 17:11 - DAWAN BÎLA AISKA

¹¹ Daiwan saura kanra raya kan sakuna nanara âpu ba, baha kat 8 king; witinka na 7 ba wina kumi sa, sakuna baha ningkara sauhki tikan kaia pâtka ra auya.

Param Marikanka 17:11 ပူးပေါင်းရင်းမြစ်များ

Param Marikanka 13:10

“Baha nani silak ra mangkaia kan ba silak ra brih wan kabia; bara ani uplika sord ni ikaia kan ba, sord ni ikan kabia.” Nahara kaikbia Gâd uplika kasakka lukan ba nahki bapi buaia ba sin.

Param Marikanka 13:12

Bara daiwra saura pas kata ba karnika aiska bri kan ai mawan kat. Witin mita muni kan tasba ba bara bahara iwi nani ba sin daiwan saura pas kata ba ra ai pura suni mayunbia wisi, witinka pruaia insauhkanka bri kan wina rawan kan ba.

Param Marikanka 13:3

Daiwra tringsar, lal kumi ra insauhkan kum bri kan pruaia praiska; sakuna insauhkanka ba rakan, bara tasba aiska ba tâ iwan, bara daiwra tringsar ba nina blikan.

Param Marikanka 17:8

Bara daiwra saura kaikram ba lika pas piua raya iwi kan, sakuna nanara âpu sa; ban sakuna, witin ba tihu tara ba wina uli balbia ai pruanka tnata pali ba ra waia kainara. Tasba ra iwi uplika nani, tasba paskan wina kau ai nina nani raya kaia wauhkataya ra ulbi mangkras ba, daiwan saura na kaikbia ba ra, aihka pali lukbia. Kan baha ba kanra raya kata, bara nanara lika âpu sa, sakuna witin kli balbia.