Param Marikanka 16:8 - DAWAN BÎLA AISKA

⁸ Insal walhwalka ba kâp ba yu lapta purara laikan, bara yu lapta ra karnika yan upla nani ra ai laptika ni angkaia.

Param Marikanka 16:8 ပူးပေါင်းရင်းမြစ်များ

Aiseya 24:23

Karnika sut bri Dawanka ba, witin king baku ai warkka daukbia ba ra Saion ilka ba ra, Jerusalem ra. Kati, lapta tihmia takbia bara wihta nani ba Dawan prana ba kaikbia.

Jona 4:8

Yu ulan ba ra, Gâd daukan lalma payaska lapta krawaia, bara yu laptika ba Jona lal kat angkan; bara mahka sinska tiwi kan, bara witin pruaia kat lukan. Witin naku aisin: —Yang pruaia kanra yamni, raya kamna ba wal.

Matiu 13:6

Sakuna lapta ba takan, sut aman, bara plamaika âpu kan ba ra, sut srawi luan.

Luk 21:25

“Bamna sain nani takan kabia lapta ra, kati ra bara slilma nani ra sin, naha tasba ra nisan nani ba aihka aimawahkan kabia, bara sibrin tara sin takbia kabu ripka binka tara ba mita.

Apastil Nani Sturka 2:20

Lapta ba tihmia takbia, kati ba lika tala baku pauni takbia, Dawan yua tara pranakira kau balras ba ra.

Param Marikanka 14:18

Bara altar ba wina insal wala kum bal takan, bara witin lika pauta klauhan purkara karnika bri kan. Witin ispara mala pali bri kan bara ai bîla baikra tara ni wini, naku win: “¡Isparkam mala pali daukan ba ni wain kiwka mâ wihta nani tasba ra ba klaks, baha nani ba pawan sa bamna!”

Param Marikanka 6:12

Sîp Luhpia ba sîl matlalkahbika ba krikan ba ra, yang kaikri bara tasba nikban tara takan. Lapta ba siksa takan sim sari kwalka siksa baku, bara kati ba pauni pali takan tala baku;

Param Marikanka 7:16

Witin nani kli plun wauhbia apia, lî din sin daukbia apia; wan yu laptika ambia apia, lapta wala mita sin munbia apia,

Param Marikanka 8:12

Insal walhwalka ba ai trumpitka puhban, bara wan yu lapta mânka yumhpa wina kumi prais ba sauhkan kan, kati mânka yumhpa wina kumi prais, bara slilma nani mânka yumhpa wina kumi prais sin. Baha mita, baha nani mânka yumhpa wina kumi prais ba tihmu takan, bara kakna mânka yumhpa wina kumi prais bara tihmia mânka yumhpa wina kumi prais sin ai ingnika yabras kata.

Param Marikanka 9:2

Ba ningkara, baha tihuka ba kwâkan ba ra, baha wina kiasma takan sim kubus tara kum kiasmika baku; bara baha kiasmika mita yan wan yu lapta ba bara pâsa ba sin tihmu takan.