Param Marikanka 14:4 - DAWAN BÎLA AISKA

⁴ Naha nani sika mairin nani wal tâski taki banhras kan ba, bamna witin nani sunu ban sa. Witin nani na Sîp Luhpia ba nina blikisa ani anira wabia ba; witin nani na upla nani tila wina swaki sakan sa, bara naha nani sika pas upla nani Gâd dukia bara Sîp Luhpia ba dukia sin.

Param Marikanka 14:4 ပူးပေါင်းရင်းမြစ်များ

Lawana Nani 45:14

Ai prâka pranakira diman ba wal, witin ba king mawanra brih auya. Tiara wala nani, kulkan yabi ninara wapi dimi auya, baha ba ai uplika nani daknika sika.

Lawana Nani 74:2

Man uplikam ra kupiam krauki bas, tâ pali wina bâk saki briram ba, baha nani atki saki briram, man uplikam kaia; Saion ilka ra kupiam krauks man bahara iwi katma ba

Yamni Kulki Lawana 1:3

Batankam laya kîa ba, wan kakma ra kiawalaia auhni pali sa, man ninam mâkisa, batana laya kîa pain laiwan ba. ¡Baha mita mairin nani ba, uba pali laik mai kaikisa!

Yamni Kulki Lawana 6:8

Kwin mairin nani 60 sa, king lilika nani 80 sa, tiara nani ba lika sip kulki sakras.

Jirimaya 2:3

Israel ba yang baman mayi kan, mâ kau pain nani ba witin wina dâki kapri. Upla kum witin ra saura munuya ba ra, uplika ba klala yabi kapri pât saura nani baha uplika ra bliki. Yang, Dawan, kasak aisisna.”

Emus 6:1

¡Saura pali kabia baha nani, Saion ra wark daukras bahki man bâra iwi nani ba! ¡Baha nani Sameria ra lukras kira iwi nani ba, saura pali kabia, tawan tara nani lalka, kau tara kulkan nani bri ba, baha nani ra Israel luhpia nani ba wih pliki ba!

Matiu 19:12

Waitna nani sip marit takras tânka ba ailal sa: kum kum ba ai yapti biara wina marit takaia sip apia ban balan sa; wala nani ba sip apia sa upla nani mita marit takaia sip apia daukan bamna; bara wala nani marit takras ban sa Gâd king aimaki lâka ba tâwan. Ya ya naha smalkanka tânka briaia sip kaka, briaia sa.

Matiu 25:1

“Baha yua ra, Gâd king aimaki lâka ba lika tiara matawalsip na wal baku kabia, witinka nani ai lampka laya nani brih wan, waitna marit takuya ba yula kahbaia dukiara.

Matiu 8:19

Bara Lâ Smasmalkra kum Jisas lamara bal, naku win: —Smasmalkra, anira wama ba, ninam blikaia brinki sa.

Jan 10:27

Sîpki nani ba bîli baikra pain walisa; yang bui witin nani ba kakaira sna, bara witin nani nini blikisa.

Jan 12:26

Bamna upla kumi yang duki daukaia want sa kaka, witin nini blikaia sa; bara anira sna pliska ba ra, yang duki dadaukra ba sin bâra kabia. Bamna upla kumi yang duki daukisa kaka, Aisiki mita prana daukbia.

Jan 13:37

Pana Pita bila: —Dawan, ¿dîa muni nanara yang sip ninam blikamna apia? Yang ridi sni man tâmwan rayaki ba yaia.

Jan 8:12

Jisas kli upla nani ra aisi, win: —Yang sika upla nani ingnika; ya yang nini bliki ba, raya kaia yabi ingnika ba bri kabia, bara kli sin tihmia ra tauki kabia apia.

Apastil Nani Sturka 20:28

Baku bamna, man nani pali dukiamra aihwaki bas, kristian daknika ba dukiara sin, witinka nani dukiara sika Spirit Holikira mita mai mangkan, Gâd sertska uplika nani ba main kaikaia, baha witin ai tâlia ni atkan sa.

1 Korint 16:15

Estéfanas ai watla uplika wal tânka ba kaikisma; witin nani sika Acaya tasbaya ra pas upla nani kristian takan ba, bara witin nani ai wîna aiska ni Gâd uplika nani dukia daukisa.

1 Korint 6:20

Gâd mita mana kum ni mai atkan sa. Baha mita man nani, wînam ra Gâd ra pain kulkaia sma.

1 Korint 7:28

Sakuna marit takuma kaka, man saurka kumi sin daukras sma; bara tukta mairin kum marit takbia kaka, witin sin saurka kumi sin daukras sa. Sakuna marit taki uplika nani ba tani trabil nani bribia, bara naha trabilka nani bri ba yang want apia sna.

2 Korint 11:2

Kan yang lika man nani tâmwan lawisna, tâmwan lawanka kum Gâd wina sa; kan man nani ba Kraist mihta ra mai mangkri, bamna brin ai daukisa man nani ba witin mawanra mai brih waia, sim tiara pain kumi waitna kumi kat wal marit taki ba baku kaia.

Epesus 1:14

Spirit Holikira ba sika Gâd ai uplika nani ra diara yaia pramis munan ba tukinka, bara baha ba baku takbia, Gâd ai uplika nani ra pri lâka yaia win kasak pali aimakbia ba ra. ¡Bamna kaisa Gâd prana ba mayunaia!

Epesus 5:27

bara baku mika witin ai mawanra bri balan sim serts pranakira baku, taya tâski âpu, bara taya sriwan âpu, dîa dîa bahmuna sâtka wala sin âpu, sakuna holikira bara kasakkira pali.

1 Timoti 4:3

Naha uplika nani smalkisa, marit takaia apia bara plun tila nani piaia ba sin saura sa; sakuna Gâd mita naha pata nani na paskan, lalukra nani bara kasak tânka kakaira nani ba witin ra tingki yabi ningkara, pibia dukiara.

Hibru Nani 12:23

Man nani ba Gâd luhpia tawahkia nani asla aidrubanka liliakira lamara balram sa, witinka nani nina nani kasbrika purara ulban ba. Man nani ba Gâd lamara balram sa, witinka upla sut Lâka Dadaukra ba, bara upla yamni nani Gâd mita kasakkira nani daukan ba lamara sin.

Jems 1:18

Sturi kasakkira bâk rayaka wankan sa, diara nani sut paskan ba tilara, yawan pas tâura kaia dukiara; kan witin baku pali want sa bamna.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

Param Marikanka 17:14

Witin nani Sîp Luhpia ba mapara aiklabi kabia, sakuna Sîp Luhpia ba witin nani pura lubia; kan witin ba Dawan nani dawanka sa, King nani kingka sin, bara witin wal nani ba lika, Gâd mita paiwan sa bara wahbi sakan sa, bara kasak sin banhwisa.”

Param Marikanka 21:22

Tawanka ba ra yang tempel kumi sin kaikras, baha ba Dawan Gâd, karnika sut bri ba, witinka sin Sîp Luhpia ba, witin ai tempelka sa bamna.

Param Marikanka 21:23

Tawanka ba wan yu lapta ba, kati ba sin, ai ingnika yaia apia kabia, Gâd ingnika pali ba witin ra ingwisa bamna, bara Sîp ba ai lampka sa.

Param Marikanka 3:4

Ban sakuna, Sardes nani tilara brisma, baha nani lika kau ai kwalka nani tâski daukras; witin nani lika yang wal kwala pihni dimi tauki kabia, baha nani ba baku kaia aitani sa bamna.

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.