Param Marikanka 14:2 - DAWAN BÎLA AISKA

² Bara kasbrika pura ba wina bin kum taki kan walri, baha ba lî aubra binka baku, bara alwani karna binka ba baku kan; arp kakangbra ailal ai arpka nani kangbi ba binka baku kan.

Param Marikanka 14:2 ပူးပေါင်းရင်းမြစ်များ

2 Samuil 6:5

Witin nani auya kan ba ra, Israel luhpia nani sut Debit aikuki lika, Dawan mawanra ai karnika aiska aiwani dans puli wapi kan bara arp, miusik awira, arp tara, drum sirpi pruki, maraka singbi, pân pruki banhwi kan.

2 Kronikas 20:28

Witin nani Jerusalem ra wan ba ra, gitar tara nani, sirpi nani bara trumpit nani binka dauki Dawan tempelka ra diman.

Lawana Nani 149:3

Ai nina ba mayunan kabia dans puli ba wal, witin ra aiwans arp puli bara drum puli kira.

Lawana Nani 33:2

Dawan ra mayuns arp kangbi kira, witin ra aiwans, arp awa matawalsip ba kangbi kira.

Lawana Nani 57:8

Sulki, yapisma ba wina rawi bus, rawi bus, arp binka bara arp tara binka dauki; rawi buamni yua raya ra.

Lawana Nani 92:3

miusik awa bri ba kangbi bara arp tâwa puli bara drum kangbi binka dauki kira.

Lawana Nani 93:4

sakuna man Dawan, purara sma man ba kau karnika brisma rip tilrika ba wal, bara kabu nani binka dauki ba wal sin.

Lawana Nani 98:5

Dawan ra arp kangbi lawana aiwans, gitar awa bri nani ba wal sin.

Impakan Sturka 19:16

Bara yu yumhpa alkan yua ba, nan yu baiwi kan ba ra, mahka imyula nani bara alwani nani sin puli kan. Bara kasbrika siksa tara kum, il ba pura kat bal takaskan. Trumpit binka karna pali sin puhbi kan, bara upla nani sut sibrin mita tatatwi kan.

Impakan Sturka 20:18

Israel luhpia nani ba alwani binka ba wali kan, imyula nani ba kaiki kan, trumpit binka ba sin wali kan, il wina kiasma taki ba sin kaiki kan; bara sibrin dauki ba mita, laihura takaski baha wina bûi kaiki banhwi kan.

Aiseya 17:13

Sakuna Gâd mita witin nani ra lawi daukbia, bara witin nani laihura plapbia, munka plapbia, kapan taya nani pâsa ra pâli ba baku, pukpuka nani prari bri pâli ba baku sin.

Isikiel 43:2

bara kaikri Israel Gâd prana ba lalma wina aula kan. Bin karna pali wali kan, lî tara binka baku kan, bara tasba ba Dawan ingnika ni ingwan.

Sakaraya 9:14

Dawan bal ai uplika nani purara latan takbia; imyula lipi baku ai trisbaika nani lulkbia. Dawan, Gâd, trumpit ba puhbia, waupasa payaska karna krawi nani ba tilara wapi balbia.

1 Korint 13:1

Yang na upla nani aisi ba bîla ra, bara insal nani bîla sin aisaia sip kamna sakuna, latwan lâka âpu sna kaka, aisinki ba lika drum prukan kli kli ini ba baku sa, pân taya prukan bin dauki ba baku.

Param Marikanka 1:10

Bara Dawan yua kumi ra, Spirit Holikira mita ai karnika munhtara ai brisata, bara nini tani ra bîla baikra tara kum walri, sim trumpit binka baku,

Param Marikanka 1:15

Ai mina nani ba ingwi kan bras slilki lipni pali daukan ba baku; bara ai bîla baikra ba lika karna kan, sim lî aubra binka baku.

Param Marikanka 11:12

Baha ningkara, witnis wâl ba kasbrika purara ba wina bîla baikra kum witin nani ra aisan walata: “¡Man nani pura na ra uli bal!” Bara ai waihla nani kaiki kan ba ra kasbrika purara uli wan kasbrika kum bilara.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 15:2

Glas kabuka baku kum sin kaikri, pauta klauhan abalki daukan; bara witinka nani daiwan saura ba wina, ai lilka wina bara ai nina numbika ra sin sip muni pura luan nani ba, baha glas kabuka lamara kan, Gâd arp nani yaban kan ba brih.

Param Marikanka 18:22

Bara yabalkam nani bilara arp nani binka, plut nani binka, trumpit nani binka sin kli walbia apia; wark tatakra sât sât sin man ra kli âpu kabia, akbaia walpaya binka ba sin man ra kli walbia apia.

Param Marikanka 5:8

witin baha wauhkataya ba prak brin ba ra, diara rayakira walhwal ba bara almuk 24 ba, Sîp Luhpia ba mawan kat ai lula krikan. Witin nani sut arp kum bri kan, gul ni daukan kapka sin dus mâka kîa pain banhki bri kan, bara baha nani ba lika Gâd uplika nani pura sunra nani sa.

Param Marikanka 6:1

Bara Sîp Luhpia ba sîl 7 ba wina pas ba krikan ba kaikri, bara diara rayakira walhwal ba wina kum ba ai bîla baikra ba sin alwani baku naku aisan walri: “¡Man nani bal!”

Param Marikanka 8:7

Insal pas ba ai trumpitka puhban, bara lî mâ tara nani, pauta lakni tala wal miks auhan, bara baha ba wan tasba purara lulkan kan. Wan tasba na mânka yumhpa wina kumi ba ami tiwan, dus nani mânka yumhpa wina kumi ba prui kan, bara twi kura mânka yumhpa wina kumi ba sin.