Param Marikanka 14:1 - DAWAN BÎLA AISKA

¹ Baha ningkara yang kaikri, bara Sîp Luhpia ba Saion ilka ra bûi kan. Witinka wal upla 144,000 bâra kan, bara baha nani ai lal purara Sîp Luhpia nina ba bara ai Aisika nina ba sin ulbi bri kata.

Param Marikanka 14:1 ပူးပေါင်းရင်းမြစ်များ

Lawana Nani 2:6

“Saion, yang ilki bâk sakri ba ra, yang kingki ba pat mangkri sa.”

Aiseya 49:14

“Saion aisisa: ‘Dawan ba yang ra lulki ai swin, yang Dawanki ba ai âuya ai tikan.’

Jirimaya 1:11

Dawan ba yang ra aisi, naku ai win: “Jirimaya, ¿man dîa kaikisma?” “Amans tnawa kum kaikisna” —wîri.

Isikiel 1:4

Baha ningkara kaikri, yahbra wina prari, pâsa karnakira kum aula kan; bara kasbrika tara kum wina pauta klauhan kum taki kan imyula baku. Bara ai kaina kir ba ingni tara dingki bri kata. Pauta klauhi ba lilapas ra bras ingni tara bri ba bâk klauhi kata,

Isikiel 10:1

Tisku kan kaikri, kasbrika pura sangnika tara ba purara rayaka bri nani tnawa nani bri ba lal ba purara, diara lilka bal takan, king iwaika kum sapair ni paskan baku kata.

Isikiel 10:9

Bara kaikri, wilwaia dukia walhwal bâra kata, kirubin nani ba lamara, kirubin kumi bani lamara wilwi tawi ba kum bâra kan; lipi kan krisulait ni paskan baku kata.

Isikiel 2:9

Bara kaikri mihta kum sakban kan yang tani ra, witin wauhtaya kum ulbi blaki bri kan.

Isikiel 44:4

Ningkara waitnika ba ai brih wan yahbra tani ra dimaika bâk, tempel ba mawanra. Kaikri Dawan prana ba tempel ba banhwan kata, bara bawri maiwan ba tasba kangbaia kat.

Isikiel 8:7

Ningkara ai brih wan pliska bîla tara dimaika ba kat bara kutbanka ba ra unta kum bâra kata.

Isikiel 9:4

Bara win: “Jerusalem lila bâk lui was, bara sain kum mangks upla nani lal purara, baha nani sari bri nani ra, baha saurka nani witin nani ai tilara dauki ba dukiara.”

Daniel 12:5

“Bara yang Daniel, kaikri waitna wâl bûi kan, awala baila wala ba bani ra.

Joel 2:32

Sakuna ya ya Dawan ra makabi ai pura sunbia ba, baha nani pruras swak takbia. Saion ilka Jerusalem ra swaki sakan lâka ba bâra kabia bamna, Dawan pramiska baku takbia win ba baha bîla kat aimakbia. Witin mita bâk sakan uplika nani baman, pruras raya kabia.”

Emus 8:2

bara witin bui yang ra maikabi walan: —Emus, ¿man bâra dîa kaikisma? —Dus mâ pawan baman kûa banhki kum na kaikisna —wîri. Bara Dawan naku ai win: —Yang upliki Israel nani ba, dus mâ pawan baku sa; rausauhkaia yua ba bal aimakan sa; witin nani saura dauki ba ban kupi alki brih kaiki kamna apia.

Sakaraya 4:2

“¿Man dîa kaikisma?” Bara yang pana witin ra wîri: “Batana laya watlika gul ni paskan kum kaikisni, batana laikaika kum pura tani ra brisa. Purara lamp 7 bâra sa, batana laya nani ba baha kat wisa, untika 7 bâk.

Luk 12:8

“Yang bui man nani ra mai wisna, ani uplika mita upla wala nani mawanra yang ra lukisa dukiara param aisabia ba, Upla Luhpia Waitna mita Gâd insalka nani mawanra witin ra lukisna dukiara param aisamna.

Roman 9:33

Ulbanka ba ra dîa aisi ba: “Yang bui walpa tara kum Saion ra mangkuna, walpa kum bahara witin nani ai mina prukaia; ya bahara kasak lukbia ba, ai lukanka ba kunin munbia apia.”

Param Marikanka 14:14

Bara yang kaikri, bamna kasbrika pihni kum bâra kan; bara kasbrika ba purara upla baku kum iwi kan. Witin ai lal purara gul kraunka kum bri kan, bara ai mihta ra lika ispara mala pali kum bri kan.

Param Marikanka 14:3

Bara witin nani lawana raya kum aiwani banhwi kan, king iwaika ba mawanra, diara rayakira walhwal ba mawanra, almuk nani ba mawanra sin. Upla kumi sin baha lawana ba sip lan takras kan, baha nani 144,000 tasba uplika nani tila swaki sakan ba baman lika.

Param Marikanka 15:5

Naha ningkara kasbrika pura ba kwawan ba ra, Dawan wal aisaia watla ba kaikri, lâ bîla nani suni bri kan tintka ba sin.

Param Marikanka 22:4

Witin nani pana pana ai mawan kaikbia, bara witin nina ba ai lal purara ulban kabia.

Param Marikanka 3:12

Ani uplika nani sip muni pura lubia ba, yang baha nani ra Gâdki tempelka ra walpa bapanka baku daukamna, bara baha wina kli taki wabia apia ban kaia ra. Witin nani ra Gâdki nina ba ulbamna, Gâdki tawanka nina ba sin, baha ba Jerusalem raya kasbrika purara ba wina bara Gâdki wina aula ba. Witin nani ra sin nini raya ba ulbamni.

Param Marikanka 4:1

Naha diara nani ningkara, diara aihka wala kum kaikri: kasbrika purara dur kum kwâkan kan; bara baha bîla baikra trumpit baku pas pali yang ra aisan kata ba ai win: “Nâra uli bal, bara naha ningkara diara nani takaia ba mamrikamni.”

Param Marikanka 6:8

Yang kaikri, bara bahara aras lalahni kum kata. Baha purara uli kan ba nina Prura. Bara baha ninara pruan nani tasbaya wina ba aula kan, witin nani ra karnika yan kan tasba mânka walhwal ba wina mânka kumi ba purara karnika alkaia, bara war daukaia, plun tiwan nani sin bri balaia, siknis nani bara tasba daiwra wail nani ni sin bri balaia upla ikaia.