Param Marikanka 13:3 - DAWAN BÎLA AISKA

³ Daiwra tringsar, lal kumi ra insauhkan kum bri kan pruaia praiska; sakuna insauhkanka ba rakan, bara tasba aiska ba tâ iwan, bara daiwra tringsar ba nina blikan.

Param Marikanka 13:3 ပူးပေါင်းရင်းမြစ်များ

Isikiel 30:24

Bara yang Babilon kingka ra karnika yabamna, bara sordki witin mihta ra mangkamna. King fero klahkla nani ba krikamna, bara witin brukbia, insauhkan ai dahra walbia bara ai waihla nani mawanra.

Luk 2:1

Baha piua nani ra king tara Augusto mita adar kum blikan, tasba aiska ra upla nani iwi ba sut ai nina mangkan kaia sa.

Jan 12:19

Bara parisi nani pana tawi aisi banhwi kan: —¡Kaikram si man nani, nahki witin ra sip diara munaia tânka apia sa; kan upla sut, witin nina blikisa!

Apastil Nani Sturka 8:13

Baha Saimanka sin kasak lukan bara tahbi daukan, bara witin Pilip wal ban tauki kan. Witin tâ iwan pali sin taki kan baha sain nani bara wark aihka nani dauki kan ba dukiara.

Param Marikanka 13:12

Bara daiwra saura pas kata ba karnika aiska bri kan ai mawan kat. Witin mita muni kan tasba ba bara bahara iwi nani ba sin daiwan saura pas kata ba ra ai pura suni mayunbia wisi, witinka pruaia insauhkanka bri kan wina rawan kan ba.

Param Marikanka 13:14

Bara baha sainka nani daiwan saura pas kata ba mawanra yan dauki kan bâk, tasba ra iwi uplika nani ra kunin munan, bara witin nani ra adar yan baha daiwra saura ba sord ni klakan sakuna ban raya kaia sip kan ba, lilka kum daukaia.

Param Marikanka 17:10

Baha nani wina matsip pat kauhan sa, kum ba nanara king aimakisa, bara wala ba lika kau balras; bara ningka pali ba balbia ba ra, witin wihka takaskbia apia.

Param Marikanka 17:11

Daiwan saura kanra raya kan sakuna nanara âpu ba, baha kat 8 king; witinka na 7 ba wina kumi sa, sakuna baha ningkara sauhki tikan kaia pâtka ra auya.

Param Marikanka 17:13

Kingka matawalsip ba sut ai lukanka kumi brisa, bara witin nani ai kamisanka ba, ai karnika ba sin daiwan saura ba ra yabia.

Param Marikanka 17:17

Gâd mita witin nani kupia ra mangkan witin kupia lâka daukaia, baha nani wal ai lukanka kumi daukan bamna, bara daiwan saura ba ra king nani karnika yan ba mita, Gâd bîla nani aisan ba aimakbia ba kat.

Param Marikanka 17:6

Bara kaikri mairka ba, Gâd uplika nani tâlia bara Jisas witniska taki kan tâwan ikan nani ba tâlia dih, witin bla takan. Yang baha kaikri ba ra, aihka pali tâ iwri.

Param Marikanka 17:8

Bara daiwra saura kaikram ba lika pas piua raya iwi kan, sakuna nanara âpu sa; ban sakuna, witin ba tihu tara ba wina uli balbia ai pruanka tnata pali ba ra waia kainara. Tasba ra iwi uplika nani, tasba paskan wina kau ai nina nani raya kaia wauhkataya ra ulbi mangkras ba, daiwan saura na kaikbia ba ra, aihka pali lukbia. Kan baha ba kanra raya kata, bara nanara lika âpu sa, sakuna witin kli balbia.