Param Marikanka 13:15 - DAWAN BÎLA AISKA

¹⁵ Bara daiwra saura wala ba ra karnika yan daiwan saura pas ba lilka ra rayaka yabaia dukiara, bara baku baha lilka ba aisaia sip kabia, ban sin baha nani witin ra ai pura suni mayunras kan nani ba ikaia.

Param Marikanka 13:15 ပူးပေါင်းရင်းမြစ်များ

Blasi Sturka 2:7

Bamna Dawan Gâd bui upla ba tasba yuya pali wina paskan, bara raya kaia payaska ba kakma unta nani ra puhbi dingkan. Baku sika upla ba ai rayaka mahka brin.

Lawana Nani 115:5

baha nani bîla brisa, kuna sip aisaras; nakra nani brisa, kuna sip kaikras;

Jirimaya 10:14

Upla sut ba sinskas baha tânka nani ba briaia brin daukras sa. Aidul nani ba mita baha papaskra nani ba ra kunin munisa: baha nani rayaka âpu kunin wan muni ba lilka nani sika;

Jirimaya 10:5

Aidulka nani ba rayapisa nasla ra daiwan tnawira nani kangbaika paski ba baku paskisa; sip aisaras, witin nani mita twilki bri taukisa, sip wapras. Baha nani sîa bripara, baha nani upla kumi ra sin saura munras, yamnika sin yaras.”

Jirimaya 51:17

Upla sut ba sinskas baha tânka nani ba briaia brin daukras sa. Aidul nani ba mita baha papaskra nani ba ra kunin munisa: baha nani rayaka âpu kunin wan muni ba lilka nani sika;

Daniel 7:20

Baku sin tânka briaia brin ai dauki kan aringka matawalsip bri kan ba; bara aringka sirpi ba nakra nani bri kan, bara diara tara nani aisi kan, ban kaikan kata aringka wala nani sut ba wal kau tara baku kan, bara baha ba wala watlika yaia dukiara aringka yumhpa sin kauhan kata.

Daniel 7:25

Gâd Laih Purara iwi ba swira dauki kabia, bara uplika nani ra sin âpu dauki kabia, ban trai munbia Gâd lâka ba lakaia, baku sin Gâd lilia yua tara daukaia ba, Gâd uplika nani ba ai karnika mununhtara kabia mani yumhpa pura bakriki.

Abakuk 2:19

Man nani sarkam pali ai daukisa, dus ni lilka kum paskan ba ra wisma: “¡Rawi bus!” Walpa kum sip aisaras ba ra sin wisma: “¡Mahka bus!” ¿Bara lilka nani ba sip kabia ki pana diara kum wan aisaia? ¡Apia, kan ai rayaka pali ba âpu sa mita, ban sakuna gul bara silbar ni lalauban kabia kra!

Jems 2:26

Wan wîna tara ba spirit âpu kaka, pruan sa; bara kasak lukan lâka daukanka yamni ba maikras kaka, baha sin pruan sa.

Param Marikanka 13:1

Bara yang daiwan saura kum kabu wina bal uluya kan kaikri; witinka ba lal 7 bri kan, bara aringka matawalsip. Ai aringka bani ra kraun kum bri kan, bara ai lal nani ra Gâd kupia sauhkaia nina kum ulban kata.

Param Marikanka 13:12

Bara daiwra saura pas kata ba karnika aiska bri kan ai mawan kat. Witin mita muni kan tasba ba bara bahara iwi nani ba sin daiwan saura pas kata ba ra ai pura suni mayunbia wisi, witinka pruaia insauhkanka bri kan wina rawan kan ba.

Param Marikanka 13:14

Bara baha sainka nani daiwan saura pas kata ba mawanra yan dauki kan bâk, tasba ra iwi uplika nani ra kunin munan, bara witin nani ra adar yan baha daiwra saura ba sord ni klakan sakuna ban raya kaia sip kan ba, lilka kum daukaia.

Param Marikanka 14:11

Witin nani ra rausauhki kiasmika ba ban kaia ban kaia ra uli wisa. Bara baha nani daiwan saura ba bara ai lilka ra ai pura suni mayuni ba, ai nina markka ba sin bri ba, kakna bara tihmia bribia apia.”

Param Marikanka 14:9

Insal yumhpika ba tâura wâl wata ba nina blikan, bara ai bîla baikra karna aisi kan: “Upla kum baha daiwan saura ba lilka ra ai pura sunisa kaka, bara markka ba sin ai lal purara ai mihta ra swika mangkbia kaka,

Param Marikanka 16:2

Insal pas kata mahka wih, ai kapka ba tasba purara laikan. Bara ani uplika daiwan saura markka bri ba, ai lilka ra sin ai pura suni mayuni kan ba sut ra, wîna sukwan saura bara latwan pali sin yaban.

Param Marikanka 16:5

Bara lî nani insalka ba naku aisan walri: “Dawan Gâd holikira, man ban sma ba, bara ban katma ba, man lika kasak pali sma naku lâ daukram bamna.

Param Marikanka 17:14

Witin nani Sîp Luhpia ba mapara aiklabi kabia, sakuna Sîp Luhpia ba witin nani pura lubia; kan witin ba Dawan nani dawanka sa, King nani kingka sin, bara witin wal nani ba lika, Gâd mita paiwan sa bara wahbi sakan sa, bara kasak sin banhwisa.”

Param Marikanka 17:17

Gâd mita witin nani kupia ra mangkan witin kupia lâka daukaia, baha nani wal ai lukanka kumi daukan bamna, bara daiwan saura ba ra king nani karnika yan ba mita, Gâd bîla nani aisan ba aimakbia ba kat.

Param Marikanka 17:6

Bara kaikri mairka ba, Gâd uplika nani tâlia bara Jisas witniska taki kan tâwan ikan nani ba tâlia dih, witin bla takan. Yang baha kaikri ba ra, aihka pali tâ iwri.

Param Marikanka 18:20

Sakuna, man, kasbrika pura, liliam bas, baha tawanka tara ba tâka; man nani liliam bas, Gâd uplika nani sma ba, apastil nani bara prapit nani, kan Gâd mita witin ba pât ra lakan ba ra, kasakka lâka ba man nani ra daukan sa.

Param Marikanka 18:24

Kan baha tawanka ra sika, Gâd prapitka nani tâlia, Gâd uplika nani tâlia sin bahara kaikan bamna, naha tasba ra ikan nani tâlia ba sin sut.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.

Param Marikanka 20:4

Bara yang lika king iwaika nani kaikri, baha nani purara iwi nani kan ba sin; witin nani ba lâ daukaia karnika brin kan. Bara yang kaikri baha nani Jisas witniska taki kan bara Gâd sturka yamni ba tâwan, lal dakban sulka nani ba sin. Witin nani lika daiwan saura nani lilka ra sin ai pura suni mayunras kan, baha markka sin ai lal purara bara ai mihta ra yan mangkras kata. Yang kaikri naha nani kli raya takan, bara Kraist wal mani 1,000 king aimakan.