Param Marikanka 12:4 - DAWAN BÎLA AISKA

⁴ Bara ai wâika ni, kasbrika purara slilma nani yumhpa bani wina kumi ba raski tasba ra lulkan. Dragun ba mairin mahka aisubaia kan ba mawanra buan, ai luhpia aisubi takbia ba mahka piaia wisi.

Param Marikanka 12:4 ပူးပေါင်းရင်းမြစ်များ

Impakan Sturka 1:16

—Ani piua ra Hibru mairka nani tuktan sakisa taim, man nani warkka daukisma piua ra, tuktan ba aisubia ba ra kaiks waitna sapa. Waitna kaka, iks, sakuna mairin sa kaka, swis raya kabia.

Aiseya 27:1

Baha yua ra Dawan mita klala karna yabia ai sordka tara, karnakira ba ni, Leviatán ra, piuta plaplapra ba, Leviatán piuta âuya mâira ba, bara dragun ba ikbia kabu ra bâra ba.

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

1 Pita 5:8

Tânkira watauki bara aihwaki bas; kan waihlam dibil ba ya ya piaia wisi, layan ihbi baku pliki taukisa.

Param Marikanka 12:7

Bara kasbrika purara war tara kum takan: Maikel ai insalka nani aikuki dragun ba mapara aiklaban. Dragunka ai insalka nani sut kira sin mapara bûi aiklaban;

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.

Param Marikanka 13:2

Naha daiwra saura kaikri na limi baku kata, mina nani ba wingku tara mina nani baku, bara bîla ba lika layan bîla baku. Dragun ba mita witin ra ai karnika, ai kingka iwaika, bara wihta lâka tara alki kaia ba sin yan kan.

Param Marikanka 13:4

Upla sut dragun ra ai pura suni mayuni kan, daiwan saura ba ra karnika yan kan bamna. Witin nani mita daiwan saura ba ra sin ai pura suni mayuni, naku aisin: “¿Ya ba naha daiwra saura na wal baku sa ki? ¿Ya witin mapara aiklabaia sip sa ki?”

Param Marikanka 16:13

Bara yang kaikri dragun, daiwan dahra aisasara kuninkira nani ba bîla wina, pirit saura yumhpa pikpik baku taki kan.

Param Marikanka 17:18

Mairin kaikram ba lika baha tawanka tara ba sika, naha tasba kingka nani purara karnika alki taibi bri ba.”

Param Marikanka 20:2

Naha insalka na dragunka ba alkan, baha piutka almuk ba, witinka dibil bara Sitan ba, bara witin ba priskan mani 1,000 prais kat.

Param Marikanka 8:10

Insal yumhpika ba ai trumpitka puhban, bara slilma tara kum awas klauhi baku kasbrika pura wina kauhan. Baha ba awala nani bara lî kârma nani mânka yumhpa wina kumi prais purara kauhan.

Param Marikanka 8:11

Baha slilma nina ba tânka Tahpla. Bara lî nani mânka yumhpa wina kumi prais ba lî tahpla takan, bara upla ailal laya din ba sut pruan, baha ba tahpla kan bamna.

Param Marikanka 8:12

Insal walhwalka ba ai trumpitka puhban, bara wan yu lapta mânka yumhpa wina kumi prais ba sauhkan kan, kati mânka yumhpa wina kumi prais, bara slilma nani mânka yumhpa wina kumi prais sin. Baha mita, baha nani mânka yumhpa wina kumi prais ba tihmu takan, bara kakna mânka yumhpa wina kumi prais bara tihmia mânka yumhpa wina kumi prais sin ai ingnika yabras kata.

Param Marikanka 8:7

Insal pas ba ai trumpitka puhban, bara lî mâ tara nani, pauta lakni tala wal miks auhan, bara baha ba wan tasba purara lulkan kan. Wan tasba na mânka yumhpa wina kumi ba ami tiwan, dus nani mânka yumhpa wina kumi ba prui kan, bara twi kura mânka yumhpa wina kumi ba sin.

Param Marikanka 8:8

Insal wala ba ai trumpit ba puhban, bara il tara kum baku pauta wal klauhi kan ba, kabu ra lulkan dimwan. Kabu ba mânka yumhpa wina kumi ba tala baman takan,

Param Marikanka 8:9

bara kabu ra daiwan nani raya iwi ba mânka yumhpa wina kumi prais ba sut prui tiwan, bara duri tara nani mânka yumhpa wina kumi prais ba sauhki tikan kan.

Param Marikanka 9:10

Ai wâika nani ba napa nani bri kan, sim misri bri ba baku. Bara ai wâika nani ra karnika bri kan upla nani ra rausauhkaia kati matsip prais.

Param Marikanka 9:19

Kan baha araska nani karnika ba ai bîla ra bara ai wâika ra sin kata; ai wâika nani ba piuta nani lal nani bri baku kan bamna, baha nani wal upla ra klala yabi kan.