Param Marikanka 12:2 - DAWAN BÎLA AISKA

² Naha mairka na kwihra kan, bara uya ini kan ai biara bûi kan bamna, bara aisubaia pat baila kan.

Param Marikanka 12:2 ပူးပေါင်းရင်းမြစ်များ

Aiseya 26:17

Dawan, yang nani mamwanra mairin kwihra baku, ai luhpia baikaia piua ba baila taki bara ai mamna lulkisa, inisa ai wîna latwanka nani tilara, yang nani baha baku sna, Dawan, man mawanra.

Aiseya 53:11

Ai sulka sari, pât ailal brin ba ningkara, ingni ba kaikbia, bara ai âuyapah takbia; Dawan napakan kasakkira ba, upla ailal ra kasakkira kulkbia bara sin pri sâkbia, bara ai watawanka nani ba twilki brih wabia.

Aiseya 54:1

Liliam bas, biarapara mairka nani, luhpa baikras sma ba; lawana aiwans bara lilia tara binka dauks, luhpa baikaia latwanka briras katma ba, kan Dawan naku aisisa: “Lulki swin mairka ba kau luhpa bri kabia, ai maya bri mairka nani ba wal.”

Aiseya 66:6

Tawan wina unsaban bîla baikra aula ba mita, tempel wina bîla baikra taki ba mita, Dawan wina bîla baikra nani taki ba mita ai waihla nani ra mana aibapi yabia.

Miqueas 4:9

Bamna nanara, ¿dîa kan man nani mairin ai luhpia baikaia latwanka brih ini ba baku, ban karna inisma? ¿Man nani tilamra kingkam brisma apia? ¿Apia kaka, lâ uplika nani ba sut pruan sa?

Miqueas 5:3

Bamna nanara, Dawan bui ai uplika nani ba lulki swisa, sakuna mairin ai luhpia baikbia bîla kaiki ba baikbia ba kat. Baku bamna, Israel luhpia nani, kuntri wala ra swin aikuki, kli wal asla taki banhbia.

Matiu 24:8

Naha sut na lika pât wahwaia tâka ba sika.

Jan 16:21

Mairin kum tukta briaia ba ra sari sa, kan latwan wahwaia piua ba aimakan sa; kuna witin baha tuktika ba brin ningkara, latwan wahwata ba dukiara kli sin ai kupia kraukras sa, sakuna lilia sa witin tuktan kum tasba ra aisubi takan bamna.

Galesha 4:19

Luhpi lupia nani, kli aima wala man nani dukiamra latwan saura pali wahwisna, sim yapti kumi tukta mahka baikaia kan latwanka bri ba baku; latwan ba wahwi kamna, Kraist tânka ba aiska man nani brima ba kat.

Galesha 4:27

Bamna Ulbanka ba wisa: “Biarapara mairka sma ba, man luhpa âpu sma ba, liliam bas; liliam mita puram wins, man luhpa baikaia latwanka wauhras sma ba. Kan baha mairka kangbi sakan ba lika, luhpa manis pali bribia, mairin ai maya waitna brih iwi ba wal.”

Param Marikanka 12:4

Bara ai wâika ni, kasbrika purara slilma nani yumhpa bani wina kumi ba raski tasba ra lulkan. Dragun ba mairin mahka aisubaia kan ba mawanra buan, ai luhpia aisubi takbia ba mahka piaia wisi.