Param Marikanka 12:1 - DAWAN BÎLA AISKA

¹ Bara kasbrika purara sain tara kum takan: mairin kumi wan yu lapta ba ni kwala baku dingkan kan, bara kati ba ai mina nani munhtara bri kan, ai lal purara sin kraun kum slilma 12 ni daukan.

Param Marikanka 12:1 ပူးပေါင်းရင်းမြစ်များ

2 Kronikas 32:31

Baku takan kata Babilon ra sin, baha nani ai tâ uplika nani blikan wan ba piua ra, bara sin bal win kan nahki sain aihka tara kum takan ba baha tawanka ra. Bara Dawan bui Ezequías ra yakan swin, witin ai kupia mununhta ba kaikaia bara dîa luki ba sin kaikbia dukiara.

Lawana Nani 104:2

man ingni kwalka ni mai srukan sa. ¡Kasbrika purara ba, dur kwalka baku pamisma!

Lawana Nani 84:11

Kan Gâd sika Dawan, witin ingni wankisa bara aihwaki wan kaikisa; Dawan latwan wan kaikisa bara wan kulkisa baha nani ai raya klin brih iwi ba, bara yamni ba bahki kulkras.

Yamni Kulki Lawana 6:10

¿Naha na ya, lalma kahbi kan laptika baku biki wan kaiki ba? Kati baku painkira sa, lapta wal baku ingnikira sa, war aiklaklabra nani war ra aiklabaia taki auya baku, sip alki takaskras.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 62:3

Bara man ba mayunra kraunka kum kama, Dawan mihta ra bara king tasbaya kraunka kama man Gâdkam mihta bilara.

Sakaraya 9:16

Baha yua ra, Dawan ai Gâdka ba mita ai uplika nani ba swaki sâkbia sîp daknika kum baku, bara witin ai uplika nani ba ai kuntrika pali ra king kraunka walpaya pranakira nani baku ingwi kabia.

Malaquía 4:2

Sakuna man nani tara ai kulkisma ba, yang kasakki tânka ba man nani ra yu ingnika ingwi ba baku kabia; baha ingnika ba wina wînam tara yamnika maiki kabia, man nani liliam puli srutwi kama, bîp lupia nani klar wina sakan srutwi puli ba baku.

Matiu 12:38

Bara parisi kum kum lâ smasmalkrika nani aikuki Jisas ra naku win: —Smasmalkra, sain aihka kum man mita daukrika yang nani kaikan ai daukisa.

Matiu 24:30

Bâra mika Upla Luhpia Waitna sainka ba kasbrika purara latan kaikbia, bara naha tasba uplika nani sut inbia, bara Upla Luhpia Waitna kasbrika purara karnika tara bara prana wal aula ba kaikbia.

Mark 13:25

slilma nani kasbrika wina kauhbia, bara kasbrika ra karnika nani ba sin nikban kabia.

Luk 21:11

Tasba nikban tara nani kabia, plun tiwan bara siknis sât sât nani plis ailal ra, bara kasbrika purara diara sibrinkira nani, sain aihka nani sin kabia.

Luk 21:25

“Bamna sain nani takan kabia lapta ra, kati ra bara slilma nani ra sin, naha tasba ra nisan nani ba aihka aimawahkan kabia, bara sibrin tara sin takbia kabu ripka binka tara ba mita.

Jan 3:29

Marit lâka kum ra, marit taki mairka ba sika marit waitna maya mairin; bara marit taki waitnika pânika bâra ba, witin aisanka nani wali bara lilia manis takisa.

Apastil Nani Sturka 2:19

Diara aihka nani kasbrika purara marikamna, bara sain nani sin naha tasbaya ra marikamna: tala, pauta bara tasba ra kiasma mukuska nani.

Roman 13:14

Sakuna, Dawan Jisas Kraist ba ni war aiklabaia prâka baku dims, bara wînam brinka saura nani baman pliki dauki âmyapah kaia upla natka kaia lukpara.

Roman 3:22

Jisas Kraist ra kasak luki ba mita, kasak lalukra nani sut ra Gâd bui kasakkira nani daukisa. Kan sât aihka natka âpu sa:

2 Korint 11:2

Kan yang lika man nani tâmwan lawisna, tâmwan lawanka kum Gâd wina sa; kan man nani ba Kraist mihta ra mai mangkri, bamna brin ai daukisa man nani ba witin mawanra mai brih waia, sim tiara pain kumi waitna kumi kat wal marit taki ba baku kaia.

Galesha 3:27

Man nani sut Kraist wal asla kaia wisi tahbi mai daukan ba, witinka mita puram prâka baku mai brisa.

Galesha 4:26

Sakuna kasbrika purara Jerusalemka ba lika pri sa, bara yawan lika baha luhpia nani sa.

Galesha 6:14

Kuna yang maipara, diara kumi dukiara sin maiyunaia brin ai daukras, Dawan Jisas Kraist dus prihni ra pruan ba baman lika. Bamna Kraist dusa prihni ba mita, yang maipara naha tasba na pat pruan baku sa, bara yang sin tasba mapara pruri sa.

Epesus 5:32

Naha na dahra prakan tara kum sa, bara yang aisisna naha na Kraist wih ai sertska ba wal tânka sa.

Param Marikanka 1:20

Bara naha sika slilma 7 mihti aihkika ra kaikram ba bara kiandil mina sin 7 gul ni paskan kaikram dahra yukukan ba: slilma 7 ba lika serts 7 ba insalka nani sa, bara kiandil mina 7 ba lika sertska 7 ba.

Param Marikanka 11:19

Bamna Gâd tempelka kasbrika purara ba kwawan, bara lâ auhbaia watla ba tempel ra kaikan kata. Bara imyula nani, bin nani, alwani nani, tasba nikban sin kum takan, lî mâ tarka tara nani sin auhan.

Param Marikanka 12:3

Baha ningkara kasbrika purara sain wala kum takan: Baha ba dragun pauni kum kan, ai lal 7 bri kan, aringka matawalsip bara ai lal bani purara sin kraun kum.

Param Marikanka 15:1

Kasbrika purara sain tara aihkakira pali wala kaikri: insal 7 pât tara 7 lâs nani ba bri kan kaikri. Baha pâtka tara nani ba wal, Gâd kupia baiwanka ba tnata alki kan.

Param Marikanka 21:14

Tawanka walpaya kutbanka ba walpa 12 purara bapan kan, bara baha nani purara Sîp Luhpia apastil 12 nani nina ba ulban kata.

Param Marikanka 21:23

Tawanka ba wan yu lapta ba, kati ba sin, ai ingnika yaia apia kabia, Gâd ingnika pali ba witin ra ingwisa bamna, bara Sîp ba ai lampka sa.