Param Marikanka 11:8 - DAWAN BÎLA AISKA

⁸ Ai wîna tara nani pruan ba, wan Dawan dus prihni ra saban tawanka tara wakpaska nani ra prawi kabia. Baha nina ba pirit tânka mapa ra Sodoma mâkisa, Idsip sin.

Param Marikanka 11:8 ပူးပေါင်းရင်းမြစ်များ

Blasi Sturka 13:13

Ban sakuna, Sodoma uplika nani ba upla saura pali kan, saurka lâka tara nani Dawan mapara dauki kan.

Blasi Sturka 19:24

Bara Dawan mita Sodoma bara Gomora wal purara kasbrika pura wina sulpa pauta klauhan wal yakaban;

Impakan Sturka 20:2

“Yang sika man Dawan Gâdkam, Idsip tasbaya ra alba kapram ba wina mai sakri ba.

Impakan Sturka 3:7

Sakuna Dawan kau ban witin ra aisi, win: —Yang upliki nani Idsip ra pât saura wahwi ba param pali kaikisni. Wark pura kakaira nani ba mita witin nani ra saura muni bara ai mâmna lulki ini makabi ba yang walri, yang kasak pali kaikisni witin nani pât saura pali wahwisa.

Aiseya 3:9

Witin nani ai swira âpu tâka mita ai saurka ba yukukras witin nani ai witnis aisisa; Sodoma baku ai saurka dahra tasba aiska ra maisa pakisa, yukukras. ¡Witin nani ra saura pali kabia, kan silp daukisa, klala briaia ba!

Jirimaya 23:14

Yang kaikri prapit nani Jerusalem ra bâra ba, diara saura pali daukisa: upla maya lâka krikisa bara upla ra taibisa, baha dauki ba mita watawikira nani ba kau tâ baikisa, upla kumi watawika lâka ba swi si tnaya ra tawras. Witin nani ba bara tawan uplika nani ba Sodoma bara Gomora uplika nani baku sa.

Jirimaya 26:23

bara witin Idsip tawanka Urías ba alki bri sal king Joaquim ra yan, baha kingka ba sika win Urías ba iki tasba salhki wîna ba biki swibia win.

Isikiel 16:46

Yahbra tani ra muihkam almuk iwi kan, Sameria tasbaya ra, bara ai tawan sirpi nani wal; bara waupasa tani ra muihkam sirpi, Sodoma tawanka ra, baha sin ai tawanka sirpi nani wal.

Isikiel 16:49

Muihkam Sodoma saurka ba naha sa: witin bara ai tawanka sirpi nani wal manis pali kwalhwi kata plun manis bri ba dukiara, bara witin baman sip sa baku luki ba dukiara, kuna umpira nani ra tâ baikras kan, baku sin diara luha nani ra.

Isikiel 23:19

Kuna kau ban ur lâka ra taukan, tiara kan piua ra ai kupia krauki, Idsip ra ur taki kata ba,

Isikiel 23:27

Baku danh takbia man prikam lâka bara urkam lâka Idsip mihta ra aimakram ba bara kli Idsip uplika nani kaikma apia, witin nani ra sin kupiam kraukma apia.

Isikiel 23:3

Tiara wina, naha mairka wâl na ur takaia warkka ra diman; Idsip ra yaban ai tialka ba taibi swapni daukan bara sunu kan lâka ba tikan.

Isikiel 23:8

Idsip ra kan wina rug mairin takan, bara sip swiras kan ai natka ba. Tiara kan wina ailal pali, witin wal prawan bara sunu kan lâka ba tikan.

Isikiel 37:11

Bamna Dawan bui ai win: “Israel luhpia nani ba baha dusa pruan ailal ba baku sa. Aisi taukisa: ‘Wisa yawan wan dusa nani ba lâwan sa; bîla kaikanka kum sin âpu, yawan na tiwan sa.’

Emus 4:11

“Man nani ra yang bui sauhkanka saura kum ni sauhki mai tikri, sim Sodoma bara Gomora wal ra sauhki tikri ba baku; pauta klauhan kum pauta aswi ba tila wina sakan baku kan. Baha sut daukri, ¡sakuna man nani lika yang ra kli tawi balras!” Dawan baku kasak aisisa.

Matiu 10:15

Kasak pali mai wisna: Lâ daukanka tara yua ra, Sodoma bara Gomora tawanka wal baha uplika nani kau pât tara bribia.,

Apastil Nani Sturka 9:4

Bamna Saulo tasba kat kauhan, bara bîla baikra kumi walan witin ra naku aisi kan: “Saulo, Saulo, ¿dîa kan man rau ai sauhkisma ki?”

Hibru Nani 13:12

Baku sin, Jisas ba tawan getka lata tani ra prura pâtka ba wahwan, witin ai tâlia ni upla nani holikira nani daukaia dukiara.

Hibru Nani 6:6

¡Bara ban witin nani kauhan! Sip apia pali sa baha nani kli raya daukaia ai kupia kli laki nani ba dukiara, kan witin nani pali ba sika kli Gâd Luhpia ba dus prihni ra sabi, upla sut mawanra witin lawaska kiki ai swira daukisa.

2 Pita 2:6

Sodoma bara Gomora tawanka wal ba, Gâd mita ban swi âpu daukan, bara pauta mita angki yamhpus baman daukan, baha lika naika piua ra upla nani saura lâka ra iwbia nani sut ra latan sampla kum kabia wisi.

Judas 1:7

Baku sin Sodoma, Gomora bara baha lamara tawan nani kan ba, baha insalka nani kauhan ba baku witin wîna nani sîn tara brinka mita munan saurka ra diman; saurka uba dauki ba mita, paskanka ban bâra ba mapara takan. Baha mita pauta ami ban kaia pâtka ba wahwan bara upla sut ra kupia kraukanka kum baku takaskan sa.

Param Marikanka 11:13

Baha sim piua tasba nikban tara kum takan, bara tawan ba mânka matawalsip daukan wina kumi ba kauhan, bara tasbaya nikbanka ba mita upla 7,000 pruan. Uplika nani pruras swakwan ba sibrin tara alkan, bara kasbrika purara Gâdka ra mayunra yabi kan.

Param Marikanka 11:9

Bara yu yumhpa pura bakriki upla sât sât nani ba, taika nani ba, bîla sât aisi nani, nisan nani wina sin, baha nani wîna tara pruan ba kaikbia, bara swika bikbia sin apia.

Param Marikanka 14:20

Wain mâ nani ba tawan lata tani ra taibi sakan kan, bara wain laikaika untika ba wina tala taki, aras nani un mangkan ba kat uli kan, mail handat wâl prais.

Param Marikanka 14:8

Insal wala kumi baha nina blikan, bara naku wisata: “¡Pat kauhan! ¡Babilon tara ba pat kauhan sa, witin ai tâskika lâka wainka laya ni upla nani sut ra dakaki bla ikan bamna!”

Param Marikanka 16:19

Tawan tara ba baikanka yumhpa ra kriwan, bara tasba aiska tawanka nani ba sut kauhan. Babilon tawanka tara ba dukiara Gâd ai kupia kraukan, ai kupia baiwanka tara wainka laya blikan ba yaka lanhkaia dukiara.

Param Marikanka 17:1

Bara insal 7 kâp 7 bri kan ba wina kumi ba bal, yang ra naku ai win: “Bal, bara yang mairin rugkira tara klala briaia ba mamrikamna, witin lî nani purara iwi ba.

Param Marikanka 17:18

Mairin kaikram ba lika baha tawanka tara ba sika, naha tasba kingka nani purara karnika alki taibi bri ba.”

Param Marikanka 17:5

Ai lal purara sin dahra prakan nina kum ulbi bri kan: “Babilon tara ba, mairin rugkira nani yaptika bara tasba ra misbara lâka nani ba sut yaptika sin kan.”

Param Marikanka 18:10

Witin nani Babilon rausauhkanka ba sîa laihura takaski, naku aisi kabia: “¡Alai, alai, Babilon, tawan tara, tawan karnikira! Wan nakra klipan kum ra klalkam balan sa.”

Param Marikanka 18:18

bara tawanka ami ba kiasmika kaiki, ai pura wini banhwan: “¿Ani tawanka wala naha tawanka tara na wal praki kaikbia?”

Param Marikanka 18:2

Bara ai bîla baikra tara ni wini kan: “¡Pat kauhan, pat kauhan Babilon tara ba! Nanara witin na dibil nani bara pirit saura nani watla takan sa; pirit saura tâski nani watla daiwan wail tâski misbarkira nani watla takan.

Param Marikanka 18:21

Bara insal karnakira kum ba walpa kum bukan, baha ba akbaia walpaya tara baku kan; bara kabu ra lulki, naku win: “Babilon, tawan tara ba, sim naha walpaya naku mai batakan kabia, bara upla kumi sin kli mai kaikbia apia.

Param Marikanka 18:24

Kan baha tawanka ra sika, Gâd prapitka nani tâlia, Gâd uplika nani tâlia sin bahara kaikan bamna, naha tasba ra ikan nani tâlia ba sin sut.