Param Marikanka 11:7 - DAWAN BÎLA AISKA

⁷ Sakuna ai warkka ba dauki tnata alkbia ba ra, daiwan aihka saura kum tihu tara wina taki aula ba, witin nani mapara aiklabia, witin nani ra sin pura lubia bara sut kat ikbia.

Param Marikanka 11:7 ပူးပေါင်းရင်းမြစ်များ

Daniel 7:25

Gâd Laih Purara iwi ba swira dauki kabia, bara uplika nani ra sin âpu dauki kabia, ban trai munbia Gâd lâka ba lakaia, baku sin Gâd lilia yua tara daukaia ba, Gâd uplika nani ba ai karnika mununhtara kabia mani yumhpa pura bakriki.

Luk 13:32

Kuna pana witin mita wisata: —Man nani baha sikiski ba ra wih wis: ‘Kaiks naiwa na yauhka pirit saura nani ba kangbi sakuna, sikniskira nani sin rakuna, bara yahwanka tnata alkamna.’

Luk 8:31

Naha pirit saura nani Jisas ra makaban, tihu tara ra lika blîkbia apia.

Jan 17:4

“Yang mita naha tasba ra mamyunri, bara dîa daukaia wisi ai blikram ba sin sut daukri.

Jan 19:30

Jisas baha wain swahwan ba din ningkara, witin bila: —Diara sut ba daukan sa. Baha ningkara Jisas ai lal makupan, bara pruan.

Apastil Nani Sturka 20:24

Sakuna naha diara nani na mita lika kupi ra trabil ai munras. Yang pali rayaki sin bahki kulkisni, sakuna naha baman aitani lukamna: plapaia yabalka ba tnata kat liliakira plapamna kaka, bara baha warkka Dawan Jisas mita mihti ra mangkan ba tnata kat daukamna kaka, Gâd latwanka lâka sturka painkira upla nani ra witnis aisaia ba sin.

2 Timoti 4:7

Aiklabanka pain ba yang aiklabri, yabal ba aiska tnata kat plapri, kasak lukan lâka ba ban alki bri kapri.

Param Marikanka 11:3

Bara yang mita witnis wâl blikamna daihra aisaia dukiara yu 1,260, bara witin nani sari kwalka sin dimi kabia.”

Param Marikanka 12:17

Baku bamna, dragun ba mairka mapara uya ai kupia baikan, bara mairka kiamka nani kau bâra nani kan ba mapara aiklabaia wan, baha nani Gâd lâka bîla nani alki ba, bara Jisas Kraist sturka yamni kat kasak nani ba.

Param Marikanka 13:11

Baha ningkara, daiwra saura wala kum tasba wina bal uluya kan kaikri. Naha na aringka wâl bri kan sîp aringka nani baku, sakuna witin lika dragun baku aisi kan.

Param Marikanka 13:7

Witin ra sin yan kan, Gâd uplika nani mapara war daukaia, sut pura lubia ba kat; bara karnika yan taika bani purara, upla nani ba purara, bîla sât sât aisi ba purara, bara nisan sât bani purara sin.